UJoweli 2:23 - iBhayibhili Elingcwele 1978

²³ Thabani, lina beZiyone, lithokoze ngeNkosi, uNkulunkulu wenu; ngoba ilinikile izulu lensewula ukuba ilibusise, yalinisela izulu elinengi, lensewula lelamuva njengakuqala.

IBhayibhili Elingcwele LesiNdebele

²³ Thabani, lina bantu baseZiyoni, thokozani kuThixo uNkulunkulu wenu ngoba ulinike izulu lekwindla ngokulunga. Ulilethela izulu elinengi kanye lezulu lekwindla lelentwasa, njengakuqala.

UJoweli 2:23 Mawu Ofanana

1 AmaKhosi 8:36

akuzwe wena usezulwini, uthethelele izono zenceku yakho lezabantu bakho uIsrayeli, ubafundise indlela elungileyo abangahamba ngayo, unise izulu elizweni lakho owabanika lona libe ngelabo.

UJobe 33:23

Uba kukhona isithunywa ngaye, umlamuli, oyedwa nje phakathi kwezigidi, ukutshela umuntu okufanele akwenze,

UJobe 37:13

Wenza konke lokhu ukuba kufike, kube yisiqondiso, ingabe kufike ngenxa yelizwi lakhe loba ngenxa yomusa.

AmaHubo 104:34

Ukunakana kwami kakumthokozise, ngoba ngiyathokoza ngayo iNkosi.

AmaHubo 147:8

Iyasibekela amazulu ngamayezi, ilungisele umhlaba izulu, ikhulise utshani emaqaqeni,

AmaHubo 149:2

UIsrayeli kathokoze ngoMenzi wakhe, lamadodana aseZiyone athabe eNkosini yawo.

AmaHubo 28:7

INkosi ingamandla ami lesihlangu sami; inhliziyo yami ithemba kuyo; iyangisiza, ngakho inhliziyo yami iyathokoza, ngiyibonge ngengoma yami.

AmaHubo 32:11

Jabulani eNkosini, lithabe, lina abalungileyo; memezani, lithabe, lina lonke abaqotho enhliziyweni.

AmaHubo 84:6

Lapho bedabula isihotsha saseBaka basenza sibe yindawo yemithombo; lezulu lokusewula liyasigcwalisa ngamachibi.

Izaga 16:15

Lapho umbusi ebobotheka, kukhona ukuphila, lomusa wakhe unjengamayezi aletha insewula.

U-Isaya 30:21

Lapho liphambukela ngakwesokunene langakwesokhohlo, indlebe zenu zizakuzwa ilizwi ngemva kwenu lisithi: Nansi indlela, hambani ngayo.

U-Isaya 30:23

Izakunisela izulu inhlanyelo yenu eliyihlanyela emhlabathini, ilinike amabele, inala enkulu lenhle kakhulu. Ngalesosikhathi inkomo zenu zizakudla emadlelweni abanzi;

U-Isaya 41:16

uzakuwaphosa phezulu, lomoya uzawaphephula, lesivunguzane siwachithachithe; uthokoze ngeNkosi, uzibonge ngoNgcwele kaIsrayeli.

U-Isaya 61:10

Ngizathokoza kakhulu ngeNkosi, umphefumulo wami uzajabula ngoNkulunkulu wami; ngoba ingambathise ingubo yokukhululwa, inyangembesa ngengubo yokulunga, njengomyeni ezicecise ngezigqoko zomthimba, lanjengomlobokazi ezicecisa ngamatshe amahle.

UJeremiya 3:3

Ngenxa yalokho izihlambo zinqandiwe, lezulu lentwasa kalinanga. Kanti ulesibindi sesifebe, kawulanhloni.

UJeremiya 5:24

Kabatsho enhliziyweni zabo ukuthi: Asiyesabe iNkosi uNkulunkulu wethu, esinika izulu ngesikhathi salo, ehlobo lasentwasa, isimisele amaviki akhethelwe isivuno.

Izililo 4:2

Bona amadodana aligugu aseZiyone, abekade elingana legolide elihle kakhulu, khathesi aselingana lembiza zebumba nje ezenziwa yizandla zombumbi.

UHezekhiyeli 34:26

Ngizazenza zibe yisibusiso zona lezindawo ezihanqe intaba yami, ngithumele izulu ngesikhathi salo, izulu elihle.

UHosiya 6:3

Asiyazi, asiphikelele ukuyazi iNkosi, ukufika kwayo kuqinisekile njengokusa; izafika kithi njengemikhizo, njengezulu elinetha umhlaba.

ULevi 26:4

ngizakulinisela izulu ngesikhathi salo, lelizwe lizathela izithelo, lezihlahla zeganga zithele izithelo zazo.

uAmosi 4:7

Futhi ngalincitsha izulu kusasele inyanga ezintathu ukuba kuvunwe; ngalinisa komunye umuzi, kangaze ngalinisa komunye, esinye isiqinti sanethwa, kwathi leso esinganethwanga satsha.

UZakhariya 10:1

Celani eNkosini izulu ngesikhathi sentwasa, eNkosini eyenza amayezi eziphepha, enika abantu izihlambo zezulu, enika bonke utshani egangeni.

UZakhariya 10:7

UEfrayimi uzakuba njengeqhawe, inhliziyo yabo ithokoze njengokungathi ithokoziswa liwayini. Abantwana babo bazakubona lokho bathabe, inhliziyo zabo zizajabula eNkosini.

UZakhariya 9:13

Ngoba sengimgobisile uJuda njengedandili lami, ngenza uEfrayimi waba ngumtshoko walo. Ngizavusela amadodana akho, Ziyone, kumadodana akho, Javani, ngikwenze ube njengomkhonto weqhawe.

UZakhariya 9:9

Thokoza kakhulu, wena Ziyone! Memeza kakhulu, Jerusalema! Khangela, inkosi yakho iyeza kuwe, inqobile yehlula, imnene, ikhwele ubabhemi, ithole, inkonyane kababhemi.

Imisebenzi 14:17

Kodwa kayekelanga ukuzifakazela ngokwenza okuhle, walinika izulu livela ezulwini lezikhathi zenala, esuthisa inhliziyo zenu ngokudla langokujabula.

UDutheronomi 11:14

izakulinika ilizwe lakini izulu ngesikhathi salo, izulu elokuqala lelokucina, ukuba livune amabele enu lewayini lenu lamafutha enu.

UDutheronomi 28:12

INkosi izakulivulela indlu yayo yenotho ephezulu, ilinise izulu elizweni lenu ngesikhathi salo, ibusise wonke umsebenzi wezandla zenu; lizakweboleka izizwe ezinengi, kodwa lingeboleki lutho kuzo.

UDutheronomi 32:2

Ukufundisa kwami kuzakwehla njengezulu, ukukhuluma kwami kuthonte njengamazolo, njengomkhizo otshanini obuluhlaza, njengemifefezo ohlazeni.

AbaseFiliphi 3:1

Elokucinake, bazalwane, thokozani eNkosini. Ukulilobela futhi ngalezizinto kakungidinisi, kodwa lina kuyalivikela.

AbaseFiliphi 3:3

Ngoba singabokusoka thina esikhonza uNkulunkulu ngoMoya, siziqhenya kuKristu Jesu, singathembeli kokomzimba.

AbaseFiliphi 4:4

Thokozani eNkosini njalonjalo; ngiyaphinda ngithi: Thokozani.