UJoweli 2:13 - iBhayibhili Elingcwele 1978

¹³ lidabule inhliziyo zenu, lingadabuli izambatho zenu. Phendukelani eNkosini, uNkulunkulu wenu, ngoba ilomusa lesihawu, iyaphuza ukuthukuthela, ilothando olungapheliyo, iyathethelela.

IBhayibhili Elingcwele LesiNdebele

¹³ Dabulani inhliziyo zenu hatshi izigqoko zenu. Buyelani kuThixo uNkulunkulu wenu, ngoba ulomusa lesihawu, uyaphuza ukuthukuthela, ulothando olukhulu, njalo uyaxola ukuthumela umonakalo.

UJoweli 2:13 Mawu Ofanana

UGenesisi 37:29

URubeni wabuyela emgodini, wabona ukuthi uJosefa kasekho emgodini, wadabula ingubo zakhe.

UGenesisi 37:34

UJakobe wadabula ingubo zakhe, wagqoka izambatho zokulila, wayililela indodana yakhe insuku ezinengi.

2 USamuyeli 1:11

UDavida wasebamba izigqoko zakhe ezidabula; enza njalo lawo wonke amadoda ayelaye.

1 AmaKhosi 21:27

Kwathi uAhabi esizwa lamazwi wadabula izigqoko zakhe, wagqoka izambatho zokulila, wazila ukudla, walala ngezambatho zokulila, wahamba edanile.

2 AmaKhosi 22:11

Kwathi inkosi isizwile amazwi encwadi yomlayo, yadabula izigqoko zayo.

2 AmaKhosi 22:19

Njengoba uzwile amazwi ami, lenhliziyo yakho idabukile, wazithoba phambi kwami nxa usizwa engikutshoyo ngalindawo langabakhileyo kiyo ukuba bazakuchitheka babe yisiqalekiso, wadabula izigqoko zakho, wakhala phambi kwami, ngakho lami ngikuzwile, kutsho iNkosi;

2 AmaKhosi 5:7

Kwathi inkosi yakoIsrayeli isiyibalile leyoncwadi yadabula izigqoko zayo isithi: NginguNkulunkulu yini mina ukuba ngibulale loba ngisilise ukuba lumuntu athumele ilizwi kimi ukuba ngelaphe lumuntu ubulephero bakhe na? Ake libone ukuthi udinga kanjani ithuba lokuxabana lami.

2 AmaKhosi 6:30

Kwathi inkosi isizwa amazwi alowesifazana yadabula izigqoko zayo. Inkosi yayihamba phezu komduli; lapho abantu beyikhangela babona ukuthi yayigqoke isambatho sokulila ngaphansi emzimbeni wayo.

2 ImiLando 6:27

akuzwe wena usezulwini, uthethelele izono zenceku zakho, abantu bakho uIsrayeli, ubafundise indlela elungileyo abangahamba ngayo, unise izulu elizweni lakho owabanika lona libe ngelabo.

UNehemiya 9:17

Bala ukulalela, bakhohlwa izimangaliso owazenza phakathi kwabo; baba lenkani, bazikhethela umkhokheli ukuba babuyele ebugqilini babo eGibithe. Kodwa wena unguNkulunkulu othanda ukuthethelela, olumusa lesihawu, ophuza ukuthukuthela, lolothando olungapheliyo, kawubalahlanga.

UJobe 1:20

UJobe wasesuka edabula ingubo yakhe, waphuca ikhanda lakhe, wawa phansi, wakhuleka;

AmaHubo 103:8

INkosi ilobubele lesihawu, iyaphuza ukuthukuthela, igcwele uthando olungapheliyo.

AmaHubo 106:45

Yakhumbula isivumelwano sayo ngenxa yabo, yaphenduka ngenxa yobukhulu bothando lwayo olungapheliyo.

AmaHubo 34:18

INkosi iseduze labo abalenhliziyo ezidabukileyo, iyabasiza abalomoya odabukileyo.

AmaHubo 51:17

Umnikelo owamukelekayo kuNkulunkulu ungumoya odabukileyo; inhliziyo edabukileyo lezisolayo, Nkulunkulu, kawuyideleli.

AmaHubo 86:15

Kodwa wena, Nkosi, unguNkulunkulu olesihawu, olomusa, ophuza ukuthukuthela, ogcwele uthando olungapheliyo lobuqotho.

AmaHubo 86:5

Ngoba wena, Nkosi, ulungile, uyathethelela; uthando lwakho olungapheliyo lukhulu kubo bonke abakhuleka kuwe.

U-Isaya 57:15

Ngoba ophakemeyo lophezulu, ohlala kuze kube nininini, obizo lakhe lingoNgcwele, uthi: Ngihlala endaweni ephakemeyo lengcwele, lakuye olomoya odabukileyo lozithobayo, ukuba ngivuselele umoya wabazithobayo, lenhliziyo edabukileyo.

U-Isaya 58:5

Yikho lokhu kambe ukuzila engikuthandayo, losuku lokuzisola kwabantu yini, ukuba umuntu alengise ikhanda lakhe njengomhlanga, alale phansi esakeni lasemlotheni na? Lokhu kambe kungathiwa yikusila, losuku olwamukelekayo eNkosini na?

U-Isaya 66:2

Zonke lezizinto zenziwe yizandla zami, ngakho zonke lezizinto ngezami, kutsho iNkosi. Kodwa umuntu engimqaphelisayo yilowo othobekileyo, olomoya odabukileyo, olesabayo ilizwi lami.

UJeremiya 36:7

Mhlawumbe ukukhuleka kwabo kungezwakala eNkosini, baphenduke bonke endleleni yabo embi, ngoba ulaka lweNkosi lukhulu kanye lokuthukuthela kwayo ngalababantu.

UJeremiya 41:5

kwafika amadoda angamatshumi aficaminwembili evela eShekema leShilo leSamariya, ephucile indevu zawo, lezigqoko zawo zidatshuliwe, lemizimba yawo isikiwe, eletha iminikelo yempuphu kanye lempepha ukuyinikela ethempelini.

UJeremiya 42:10

Uba lihlala kulelilizwe, ngizakulakha ngingalidilizi, ngiligxumeke, ngingalisiphuni; ngoba ngiyazisola ngokubi engikwenzileyo kini.

UHezekhiyeli 9:4

yathi kuye: Dabula phakathi komuzi waseJerusalema, ufake uphawu emabunzini abantu ababubulayo bekhala ngawo wonke amanyala enziwa phakathi kwawo.

UHosiya 14:1

Buyela eNkosini, uNkulunkulu wakho, Israyeli. Ngoba ukhutshwe yibubi bakho.

UJona 3:9

Kwazi bani ukuba uNkulunkulu angezisole, ludede ulaka lwakhe olukhulu ukuze singabhubhi.

UJona 4:2

Wakhuleka eNkosini wathi: Ngiyakuncenga, Nkosi, kayisikho lokhu engakutshoyo ngiseselizweni lakithi na? Yikho lokhu ngaphangisa ukubalekela eTarshishi; ngoba ngangisazi ukuthi wena unguNkulunkulu olomusa lolesihawu, ophuza ukuthukuthela, ogcwele uthando olungapheliyo, ozisola ngokubi.

UMikha 7:18

Ngubani uNkulunkulu onjengawe, othethelela isono sabantu bakhe abaseleyo ayekele isiphambeko sabo na? Kathukutheli kokuphela, ngoba uthokoza ngothando olungapheliyo.

UNahume 1:3

INkosi iyaphuza ukuthukuthela, kodwa ilamandla amakhulu, kayiyikumyekela olecala; indlela yayo isesivunguzaneni lesiphepheni, amayezi aluthuli lwenyawo zayo.

AmaNani 14:18

INkosi iyaphuza ukuthukuthela, igcwele uthando olungapheliyo, ithethelela ububi leziphambeko, kodwa kayiyikubayekela abalecala, kodwa yehlisela ububi baboyise phezu kwabantwana besizukulwana sesithathu lesesine.

AbaseRoma 2:4

Kumbe uyabeyisa yini ubukhulu besihawu sakhe lobokubekezela lobesineke sakhe na? Kawazi yini ukuba isihawu sikaNkulunkulu sikudonsela ekuphendukeni na?

Abase-Efesu 2:4

Kodwa uNkulunkulu onothileyo ngesihawu, ngenxa yothando lwakhe olukhulu asithanda ngalo,

1 uTimothi 4:8

Ukwejwayeza umzimba kulokusiza okuthile, kodwa ukukhonza uNkulunkulu kusiza ezintweni zonke, ngoba kulesithembiso sokuphila kwalamuhla lokuphila okuzayo.