UJoshuwa 14:2 - iBhayibhili Elingcwele 1978

² Amazwe abo bawanikwa ngenkatho njengokulaywa kukaMose yiNkosi ngezizwe ezificamunwemunye lengxenye.

IBhayibhili Elingcwele LesiNdebele

² Ilifa labo labiwa ngokwenza inkatho ezizwaneni eziyisificamunwemunye lengxenye, njengokulaya kukaThixo ngoMosi.

UJoshuwa 14:2 Mawu Ofanana

Izaga 16:33

Inkatho yenziwa ngabantu, kodwa yiNkosi eyenza isiqumo.

Izaga 18:18

Inkatho ingaqeda ukuxabana, iqume phakathi kwabalwayo.

UHezekhiyeli 45:1

Ekwahlukaniseni kwenu ilizwe ngenkatho ukuba zonke izizwe zinikwe isabelo, lizakwahlukanisela iNkosi ingxenye yelizwe ibe yindawo engcwele, ubude bayo bube zingalo ezizinkulungwane ezingamatshumi amabili lanhlanu, lobubanzi bayo bube zingalo ezizinkulungwane ezingamatshumi amabili. Yonke izakuba ngcwele.

AmaNani 26:52

INkosi yathi kuMose:

AmaNani 33:54

Lizakwahlukaniselana ilizwe ngenkatho ngensendo zenu, linike isizwe esikhulu ilizwe elikhulu, lesizwe esincinyane ilizwe elincinyane. Lapho inkatho emudla khona umuntu, leyondawo izakuba ngeyakhe. Ilizwe lizanikwa ngenkatho; zonke izizwe lazo zonke izindlu zizuze ilizwe.

AmaNani 34:13

UMose waselaya abakoIsrayeli wathi: Leli yilizwe elizakwabelana lona ngenkatho, iNkosi elaye ngalo ukuba linikwe izizwe ezificamunwemunye lengxenye yesizwe.

AmaNani 34:17

Nanka amabizo amadoda azakulabela ilizwe libe ngelenu, uEleyazare umpristi loJoshuwa indodana kaNuni.

UMatewu 25:34

Kung’khonake iNkosi izakuthi kibo abangakwesokunene sayo: Wozani lina elibusisiweyo nguBaba, lidle ilifa lombuso eliwulungiselweyo kusukela ekudatshulweni komhlaba.

Imisebenzi 1:26

Basebebenzela inkatho; inkatho yadla uMathiyasi; wabalwa kanye labaphostoli abalitshumi lanye.

UJoshuwa 13:7

Ngakhoke yabela izizwe ezificamunwemunye kanye lengxenye yesizwe sakoManase lelilizwe libe ngelazo.

UJoshuwa 18:10

UJoshuwa wasebenzela inkatho eShilo phambi kweNkosi, wababela abakoIsrayeli ilizwe, kwaba yilowo lalowo isabelo sakhe.

UJoshuwa 18:6

Lizaloba ilizwe ngezigaba eziyisikhombisa, beseliletha kimi elikulobileyo, ukuba ngilenzele inkatho khona lapha phambi kweNkosi uNkulunkulu wenu.