UJohane 17:10 - iBhayibhili Elingcwele 1978

¹⁰ Konke okwami kungokwakho lokwakho kungokwami; ngidunyisiwe kibo.

IBhayibhili Elingcwele LesiNdebele

¹⁰ Konke engilakho ngokwakho, lakho konke olakho ngokwami. Lenkazimulo isikimi ngabo.

UJohane 17:10 Mawu Ofanana

UJohane 10:30

Mina loBaba simunye.

1 UPhethro 2:9

Kodwa lina liluhlanga olukhethiweyo, ubupristi bobukhosi, lesizwe esingcwele, abantu abamisiweyo babe ngabakaNkulunkulu, ukuze litshumayele izenzo ezimangalisayo zalowo owalikhupha emnyameni, walisa ekukhanyeni kwakhe okumangalisayo.

2 AbaseThesalonika 1:10

mhla efika ukuba adunyiswe yibo abangcwele bakhe, abe ngomangalisayo kubo bonke abakholwayo; ngoba lakholwa ukufakaza kwethu.

AbaseKholose 2:9

Ngoba kuhlala kuye ngomzimba ukuphelela konke kobuNkulunkulu;

2 AbaseThesalonika 1:12

ukuze ibizo leNkosi yethu uJesu lidunyiswe kini, lani kuye, ngomusa kaNkulunkulu wethu loweNkosi uJesu Kristu.

AbaseFiliphi 1:20

njengokufisa lokuthemba kwami okukhulu ukuthi kangiyikuyangeka, kodwa ngesibindi sonke, khathesi langezikhathi zonke, uKristu uzakudunyiswa emzimbeni wami, loba ngisila loba ngisifa.

Imisebenzi 19:17

Lokhu kwezwakala kubo bonke abakhileyo eEfesu, abaJuda kanye lamaGriki; ukwesaba kwabehlela bonke; kwadunyiswa ibizo leNkosi uJesu;

UJohane 11:4

UJesu esekuzwile wathi: Lokhukugula kakusikho okokufa, kodwa kungenxa yodumo lukaNkulunkulu ukuze iNdodana kaNkulunkulu idunyiswe ngakho.

UJohane 5:23

ukuze bonke badumise iNdodana, njengalokhu bedumisa uYise. Ongayidumisiyo iNdodana kamdumisi uYise oyithumileyo.

AbaseGalathiya 1:24

Adumisa uNkulunkulu ngenxa yami.

UJohane 12:23

UJesu wathi kibo: Isikhathi sesifikile sokuba iNdodana yomuntu inikwe udumo.