UJohane 13:5 - iBhayibhili Elingcwele 1978

⁵ Wasethela amanzi emganwini, waqala ukugezisa inyawo zabafundi, wazesula ngelembu ayezikhwice ngalo.

IBhayibhili Elingcwele LesiNdebele

⁵ Ngemva kwalokho, wathela amanzi enditshini waseqalisa ukugezisa inyawo zabafundi bakhe, wazesula ngethawulo leyo ayezibophe ngayo.

UJohane 13:5 Mawu Ofanana

UGenesisi 18:4

Ke ngilethe amanzi ligeze inyawo zenu, liphumule ngaphansi kwesihlahla.

UGenesisi 19:2

wathi: Makhosi, wozani lingene endlini yenceku yenu, lihlale khona ubusuku bonke, ligeze inyawo zenu; ekuseni kakhulu lizakusuka, lihambe indlela yenu. Zathi: Atshi, kodwa sizahlala phandle.

UGenesisi 43:24

Umphathi wasewangenisa amadoda endlini kaJosefa, wawanika amanzi; ageza inyawo zawo; wanika obabhemi bawo ukudla.

2 AmaKhosi 3:11

UJehoshafati wasesithi: Kakulamprofethi weNkosi lapha esingabuza ngaye iNkosi na? Enye yezinceku zenkosi yakoIsrayeli yathi: Kukhona lapha uElisha indodana kaShafati owayeyinceku kaElija.

AmaHubo 51:2

Ungigezise ebubini bami, ungihlambulule esonweni sami.

U-Eksodasi 29:4

Usondeze uAroni lamadodana akhe emnyango wethente lokuhlangana, ubagezise ngamanzi;

U-Isaya 1:16

Gezani lihlambuluke, lisuse izenzo zenu ezimbi phambi kwami, liyekele ukwenza okubi,

UHezekhiyeli 36:25

Ngizalifafaza ngamanzi ahlambulukileyo, lihlambuluke kukho konke ukungcola kwenu, ngilihlambulule lakuzo zonke izithombe zenu.

ULevi 14:8

Lowo ozakuhlanjululwa uzagezisa ingubo zakhe, aphuce zonke inwele zakhe, ageze ngamanzi, ahlambuluke; emva kwalokho uzabuyela ezihonqweni, kodwa ahlale ngaphandle kwethente lakhe insuku eziyisikhombisa.

UZakhariya 13:1

Ngalolosuku umthombo uzavulelwa indlu kaDavida labakhileyo eJerusalema ukuba bahlanjululwe ezonweni lasek ungcoleni.

ULukha 7:38

Wema ngemuva ngasenyaweni zakhe ekhala, waqala ukuthambisa inyawo zakhe ngenyembezi, wazesula ngenwele zekhanda lakhe, wanga inyawo zakhe, wazigcoba ngamagcobo.

ULukha 7:44

Wasephendukela kowesifazana wathi kuSimoni: Uyambona lowesifazana na? Ngingene endlini yakho, kawunginikanga amanzi okugeza inyawo, kodwa yena uzithambisile inyawo zami ngenyembezi zakhe, wazesula ngenwele zakhe.

UJohane 13:10

UJesu wathi kuye: Ogezileyo kadingi ukugeza, kuphela ukugeziswa kwenyawo zakhe, ngoba uhlambulukile. Lina lihlambulukile, kodwa kakusini lonke.

UJohane 13:6

Wafika kuSimoni Petro, uSimoni Petro wathi kuye: Nkosi, wena ugezisa inyawo zami na?

UJohane 13:8

UPetro wathi kuye: Kawusoze ugezise inyawo zami lanini. UJesu wamphendula wathi: Uba ngingakugezisi, kawulasabelo lami.

UJohane 19:34

kodwa omunye webutho wamgwaza ngomkhonto ohlangothini, kwaphuma masinyane igazi lamanzi.

Imisebenzi 22:16

Pho, usalindeleni na? Sukuma, ubhaphathizwe, uhlanjululwe ezonweni zakho ngokukhuleka ebizweni lakhe.

1 AbaseKhorinte 6:11

Babenjalo abanye benu; kodwa selageziswa, lahlukaniselwa kuNkulunkulu, lalungisiswa ngebizo leNkosi uJesu Kristu langoMoya kaNkulunkulu wethu.

Abase-Efesu 5:26

ukuze azahlukanisele lona, eselihlambulule ngokuligezisa ngamanzi langelizwi,

1 uTimothi 5:10

onconywa ngemisebenzi emihle, owondle abantwana bakhe, ongenise izihambi, ogezise inyawo zabangcwele, osize abahluphekayo, okhuthalele umsebenzi wonke omuhle.

AmaHebheru 10:22

ngakhoke asisondele ngenhliziyo eqinisileyo langokuthemba okupheleleyo kokukholwa, zifafaziwe inhliziyo zethu, lungasekho uvalo lokubi, lemizimba yethu igezisiwe ngamanzi acwebileyo.

1 UJohane 1:7

kodwa uba sihamba ekukhanyeni njengalokhu yena esekukhanyeni, silokuhlanganyela omunye lomunye, legazi likaJesu iNdodana yakhe liyasihlambulula ezonweni zonke.

1 UJohane 5:6

Nguye lo oweza ngamanzi langegazi, uJesu Kristu; kezanga ngamanzi kuphela, kodwa weza ngamanzi langegazi.

Isambulo 1:5

lakuJesu Kristu ufakazi othembekileyo, olizibulo kwabafileyo lombusi wamakhosi omhlaba. Kuye osithandayo lowasikhulula ezonweni zethu ngegazi lakhe,

Isambulo 7:14

Ngasengisithi kuye: Nkosi, nguwe owaziyo. Wasesithi kimi: Laba yibo abaphuma ezinhluphekweni ezinkulu, bagezisa ingubo zabo, bazenza zaba mhlophe egazini leWundlu.

Abahluleli 19:21

Ngakhoke laselibasa endlini yalo, lanika obabhemi ukudla. Bageza inyawo zabo, badla banatha.

1 USamuyeli 25:41

Yena wathi mbo ngobuso bakhe phansi, wathi: Incekukazi yakho kayibe yisigqili sokugezisa inyawo zezinceku zenkosi yami.