UJobe 8:3 - iBhayibhili Elingcwele 1978

³ Kambe uNkulunkulu uyakuhlanekela okufaneleyo na? USomandla uyahlanekela ukulunga na?

IBhayibhili Elingcwele LesiNdebele

³ Kambe uNkulunkulu uyakuhlanekela ukulunga na? Kambe uSomandla uyakuhlanekela okuhle na?

UJobe 8:3 Mawu Ofanana

UGenesisi 18:25

Kakube khatshana lawe ukwenza njalo, ukubulala olungileyo kanye lomubi ukuba olungileyo abe njengomubi; kakube khatshana lawe impela; umahluleli womhlaba wonke kayikwenza ukulunga na?

2 ImiLando 19:7

Ngakho liyesabe iNkosi, linanzelele elikwenzayo, ngoba iNkosi uNkulunkulu wethu kayiyikuvumela ukuhlanekelwa kokulunga, lokubandlulula abantu, lokuthengwa.

UJobe 10:3

kambe kuhle yini kuwe ukucindezela, lokudelela umsebenzi wezandla zakho, uvume amacebo ababi na?

UJobe 19:6

yazinike ukuba nguNkulunkulu ongihlanekeleyo, wangibamba ngembule lakhe.

UJobe 19:7

Uba ngimemeza ngisithi: Nanku okubi! kakho ongiphendulayo. Uba ngicela ukusizwa, kangizuzi ukwahlulelwa.

UJobe 21:15

Uyini uSomandla ukuba simkhonze na? Sizazuzani uba sikhuleka kuye na?

UJobe 21:20

Amehlo akhe kawabone ukuchitheka kwakhe, anathe ulaka lukaSomandla.

UJobe 34:5

Ngoba uJobe usethe: Ngilungile, Kodwa uNkulunkulu ungithathele ilungelo lami;

UJobe 35:13

Impela uNkulunkulu kakuzwa ukukhala okuyize, loSomandla kakunanzi.

UJobe 36:23

Ngubani ommisele indlela yakhe na? Ngubani ongatsho kuye ukuthi: Wena wonile?

UJobe 36:3

Ngizathatha izinto ezinengi ukusekela ukukhuluma kwami, lapho ngimela ukulunga koMenzi wami.

UJobe 37:23

uSomandla singemfumane, mkhulu ngamandla langokulunga, kayikuhlanekela ukulunga okukhulu.

UJobe 4:17

Kambe umuntu angalunga phambi kukaNkulunkulu na? Umuntu angahlambuluka phambi koMenzi wakhe na?

UJobe 40:2

Osolayo uzaphikisana loSomandla na? Ophikisana loNkulunkulu kaphendule.

UJobe 40:8

Lembala, uzachitha ukwahlulela kwami, ungilahle, ukuba wena ube ngolungileyo na?

UJobe 9:2

Impela ngiyazi ukuba kunjalo. Kodwa umuntu angalunga yini phambi kukaNkulunkulu?

AmaHubo 89:14

Ukulunga lokwahlulela kuyisisekelo sombuso wakho; uthando olungapheliyo lobuqotho kuhamba phambi kwakho.

AmaHubo 99:4

Nkosi elamandla, ethanda ukwahlulela, umisile ubuqotho, wahlulela ngokulunga, wenza ukulunga kuJakobe.

UHezekhiyeli 18:25

Kanti lithi: Indlela yeNkosi kayiqondanga. Zwaninike, lina Israyeli; indlela yami kayiqondanga na? Kakusizo ezenu indlela ezingaqondanga na?

UHezekhiyeli 33:17

Kodwa abantu bakini bathi: Indlela yeNkosi kayilunganga; kanti ngezabo indlela ezingalunganga.

UHezekhiyeli 33:20

Kanti lina lithi: Indlela yeNkosi kayilunganga. Lina bakoIsrayeli, ngizalithonisisa lonke ngokufanele izindlela zenu.

UDanyeli 9:14

Ngakhoke iNkosi yasisidlinzeka ngomonakalo, yawehlisela phezu kwethu; ngoba iNkosi uNkulunkulu wethu ilungile emisebenzini yayo yonke eyenzileyo, thina kasililalelanga ilizwi layo.

AbaseRoma 2:5

Kodwa ngobulukhuni benhliziyo yakho engaphendukiyo uzibekelela ulaka ngosuku lolaka, mhla kusambulwa ukuthonisisa okulungileyo kukaNkulunkulu

UDutheronomi 32:4

UliDwala, lomsebenzi wakhe uphelele, ngoba zonke indlela zakhe ziyikulunga. UnguNkulunkulu othembekileyo, ongelabubi, ulungile, uqotho.

Isambulo 15:3

Bahlabela ingoma kaMose inceku kaNkulunkulu lengoma yeWundlu besithi: Mikhulu, iyamangalisa imisebenzi yakho, Nkosi Nkulunkulu, Somandla; zilungile, ziqotho izindlela zakho, Nkosi yazo zonke izikhathi.

Isambulo 16:7

Ngasengisizwa ialtare lisithi: Yebo, Nkosi Nkulunkulu, Somandla, kuqotho kulungile ukuthonisisa kwakho.