UJobe 7:16 - iBhayibhili Elingcwele 1978

¹⁶ Ngiyanengwa yikuphila kwami, kangifisi ukuhlala kokuphela. Akungiyekele, ngoba insuku zami zingumoya nje.

IBhayibhili Elingcwele LesiNdebele

¹⁶ Ngiyayeyisa impilo yami; kangiloyisi ukuphila okwaphakade. Ngiyekelani; insuku zami kazisatsho lutho.

UJobe 7:16 Mawu Ofanana

UGenesisi 27:46

URebeka wasesithi kuIsaka: Sengidiniwe yikuphila ngenxa yamadodakazi kaHethi; uba uJakobe ethatha umfazi kuwo amadodakazi kaHethi anjengala amadodakazi alelilizwe, kungisiza kanjani ukuphila kwami na?

1 AmaKhosi 19:4

Yena wahamba uhambo losuku enkangala, wafika wahlala ngaphansi kwesihlahla sogagu, waloyisa ukuba afe esithi: Kwanele, Nkosi, susa ukusila kwami ngoba kangingcono kulabokhokho.

UJobe 10:1

Ngiyanengwa yikuphila kwami; ngizakhuluma ngokukhululeka ngokusola kwami, ngikhulume ngokudabuka emoyeni wami;

UJobe 10:20

Kazilutshwana yini insuku zokuphila kwami? Ake ungiyekele ukuba ngithokoze kancinyane,

UJobe 14:6

ungamkhangeli, umyekele, ukuze azithokozise ngensuku zakhe njengesiqatshwa.

UJobe 6:9

kumthokozise uNkulunkulu ukungichoboza, elule isandla sakhe angiqede.

UJobe 7:15

ukuze ngikhethe ukuklinywa, lokufa kulokuhlupheka kwami.

UJobe 7:7

Nkulunkulu, khumbula ukuba ukuphila kwami kungumoya, kangiyikuphinda ngibone okuhle.

UJobe 9:21

Kangilacala, kangizikhathaleli; ngiyanengwa yikuphila kwami.

AmaHubo 144:4

Umuntu unjengomoya, insuku zakhe zinjengesithunzi esidlulayo.

AmaHubo 39:10

Ungabe usangitshaya, ngoba ngibulewe yizidutshulo zesandla sakho.

AmaHubo 39:13

Ungangihwaqeli ukuze ngijabule, ngingakasuki lapha, ngingabe ngisaba khona.

AmaHubo 39:6

Umuntu uhamba njengesithunzi nje; uyahlupheka ngeze; ubutha imfuyo, kodwa kazi ukuthi ngubani ozakuyidla.

AmaHubo 62:9

Abantukazana bangumoya nje, lezikhulu ziyinkohliso; lapho belinganiswa bafunyaniswa belula; loba bebonke balula kulomoya.

AmaHubo 78:33

Ngakho waziqeda insuku zabo ngeze, leminyaka yabo ngenhlupheko enkulu.

AmaHubo 78:39

Wakhumbula ukuthi bangabantu nje, bangumoya odlulayo ongabuyiyo.

UmTshumayeli 2:17

Ngasengikuzonda ukuphila ngoba lokho okwenziwa ngaphansi kwelanga kubuhlungu kimi; konke kulize lamaya.

UJeremiya 8:3

Ukufa kuzakuba ngcono kulokuphila kubo bonke abaseleyo balesisizwe esibi, kuzo zonke indawo lapho ngibaxotshele khona, kutsho iNkosi yamabandla.

UJona 4:3

Ngakhoke, Nkosi, ake ungibulale, ngiyakuncenga, ngoba kungcono kimi ukufa kulokuphila.

UJona 4:8

Kwathi ekuphumeni kwelanga uNkulunkulu wathumela umoya otshisayo wasempumalanga, ilanga lambhadla uJona waze wayatha. Wakhulekela ukuba afe, wathi: Kungcono kimi ukufa kulokuphila.