UJobe 24:9 - iBhayibhili Elingcwele 1978

⁹ Intandane zihluthunwa ebeleni, lengane yomyanga ithathwa ibe yisibambiso.

IBhayibhili Elingcwele LesiNdebele

⁹ Umntwana oyintandane uhluthunwa ebeleni; usane lomyanga luyathunjelwa isikwelede.

UJobe 24:9 Mawu Ofanana

2 AmaKhosi 4:1

Kwakhala kuElisha umfazi womunye umprofethi wathi: Inceku yakho umkami sewafa; uyazi ukuba inceku yakho yayiyesaba iNkosi, sekufikile umuntu esilesikwilidi sakhe ukuba athathe abantwana bami ababili, babe yizigqili zakhe.

UNehemiya 5:5

Sinyamanye labazelwane bethu, labantwana bethu bayafanana lababo; kanti khathesi sicindezelwa ukuba senze amadodana ethu lamadodakazi ethu abe yizigqili; amanye amadodakazi ethu aseyizigqili; kasilawo amandla okuwasiza, ngoba abanye abantu sebesithathele amasimu ethu lezivini zethu.

UJobe 22:6

Ngoba uthethe isibambiso ngeze kubafowenu, wahlubula abayanga izigqoko, bahambaze.

UJobe 24:10

Bahamba beze bengagqokanga, bathwala izithungo belambile;

UJobe 24:8

Bamanzi ngezihlambo zasezintabeni, babambelela edwaleni ngoba bengelandawo yokucatsha.

UJobe 29:12

ngoba ngakhulula ongumyanga ekukhaleni kwakhe, lentandane engelamsizi.

UJobe 6:27

Lizakwenza inkatho ngentandane, lithengise umngane wenu na?

U-Isaya 3:14

INkosi iyakwahlulela abadala lezikhulu zabantu bayo. Ithi: Yini elidle izivini, elikuphange kubayanga kusezindlini zenu.

UDutheronomi 24:7

Uba umuntu efunyanwa ethumba omunye wabakibo koIsrayeli, amphathe njengesigqili loba amthengise, lowomuntu uzakubulawa. Ngalokhu lizaqeda ububi phakathi kwenu.