UJobe 1:3 - iBhayibhili Elingcwele 1978

³ Wayelezimvu eziyizinkulungwane eziyisikhombisa, lamakamela ayizinkulungwane ezintathu, lenkabi ezingamakhulu amahlanu, labobabhemi abangamakhulu amahlanu, lenceku ezinengi. Wayemkhulu lowomuntu ukwedlula bonke abantu basempumalanga.

IBhayibhili Elingcwele LesiNdebele

³ ilezimvu eziyizinkulungwane eziyisikhombisa, amakamela azinkulungwane ezintathu, izipani zenkabi ezingamakhulu amahlanu labobabhemi abangamakhulu amahlanu, njalo ilezisebenzi ezinengi. Yayinothile kulabo bonke abantu beMpumalanga.

UJobe 1:3 Mawu Ofanana

UGenesisi 12:16

UFaro wamphatha kuhle uAbrama ngenxa yakhe; waba lezimvu lezinkabi labobabhemi lezinceku lezincekukazi labobabhemikazi lamakamela.

UGenesisi 12:5

UAbrama wathatha uSarayi umkakhe, loLoti indodana yomfowabo lempahla yabo yonke ababelayo lezinceku ababelazo eHarani, basuka ukuya elizweni laseKanani; bafika elizweni laseKanani.

UGenesisi 13:6

Ilizwe lalingelakubanela ukuba bahlale ndawonye, ngoba impahla yabo yayinengi, behluleka ukuhlala ndawonye.

UGenesisi 24:35

INkosi iyibusisile kakhulu inkosi yami, yaze yaba nkulu. Yayinika izimvu lezinkomo, isiliva legolide, izinceku lezincekukazi, amakamela labobabhemi.

UGenesisi 25:6

Kodwa amadodana abafazi bakhe abanye uAbrahama wawanika izipho; esekhona wawasusa kulsaka indodana yakhe, wawasa ngasempumalanga elizweni lasempumalanga.

UGenesisi 29:1

UJakobe wasehamba, wafika elizweni labantu basempumalanga.

UGenesisi 32:14

izibhuzikazi ezingamakhulu amabili lezimpongo ezingamatshumi amabili, lezimvukazi ezingamakhulu amabili lezinqama ezingamatshumi amabili,

UGenesisi 34:23

Inkomo zabo lempahla yabo layo yonke imfuyo yabo kayizukuba ngeyethu na? Asibavumele ukuba bakhe phakathi kwethu.

2 USamuyeli 12:2

Enothileyo yayilezimvu lenkomo ezinengi kakhulu.

1 AmaKhosi 4:30

kwaze kwathi ukuhlakanipha kwakhe kwadlula ukuhlakanipha kwabo bonke abantu basempumalanga lokuhlakanipha konke kwaseGibithe.

2 AmaKhosi 15:20

UMenahema wabathelisa leyomali bonke abantu abanothileyo bakoIsrayeli, yilowo lalowo wakhupha amashekeli esiliva angamatshumi amahlanu ukuba awanike inkosi yaseAsiriya. Inkosi yaseAsiriya yasibuyela emuva, kayaze yahlala elizweni.

2 AmaKhosi 3:4

UMesha inkosi yaseMowabi wayengumfuyi wezimvu, wayeletha enkosini yakoIsrayeli iminyaka yonke amawundlu azinkulungwane ezilikhulu, loboya bezinqama ezizinkulungwane ezilikhulu.

1 ImiLando 27:30

UObili wakoIshmayeli wayephethe amakamela; uJehideya waseMeronothi ephethe obabhemikazi;

2 ImiLando 26:10

Wakha lemiphotshongo enkangala, wemba imithombo eminengi, ngoba wayefuyile kakhulu elezinkomo ezinengi eShefela lasemagcekeni; wayelabalimi lezisebenzi zezivini ezintabeni lasemazweni avundileyo, ngoba wayethanda ukulima.

2 ImiLando 32:29

Wazakhela lemizi, wazidingela izimvu lenkomo ezinengi, ngoba uNkulunkulu wayemnikile inotho enengi kakhulu.

UJobe 1:10

Kawumvikelanga inxa zonke yena lendlu yakhe kanye lakho konke alakho na? Ubusisile imisebenzi yakhe, lemfuyo yakhe yandile elizweni.

UJobe 1:4

Amadodana akhe ayejwayele ukwenza idili kube yileyo laleyo endlini yayo ngosuku lwayo; ayemema odadewabo abathathu ukuba badle banathe lawo.

UJobe 21:28

Ngoba lithi: Ingaphi indlu yesikhulu na? Lingaphi ithente lomubi na?

UJobe 29:25

Ngahlala kanye labo ngalungisa indaba zabo, njengenkosi emise kanye lamabutho ayo.

UJobe 31:25

uba ngithokozile ngoba inotho yami inengi, lesandla sami sizuzile okunengi,

UJobe 31:37

ngimlandisele uNkulunkulu ngazo zonke izinyathelo zami, ngisondele kuye njengesikhulu.

UJobe 42:10

INkosi yabuya yamphumelelisa uJobe lapho esekhulekele abangane bakhe, yamnika okuphindwe kabili kulokho ayelakho kuqala.

UJobe 42:12

INkosi yazibusisa insuku zokucina zikaJobe kulezakuqala. Waba lezimvu ezizinkulungwane ezilitshumi lane, lamakamela azinkulungwane eziyisithupha, lenkabi ezizinkulungwane, lobabhemi abasikazi abayinkulungwane.

Izaga 10:22

Ukubusisa kweNkosi kuyanothisa, kayengezi usizi kukho.

UJeremiya 49:28

Mayelana leKedari lemibuso yaseHazori owayinqobayo uNebukadineza inkosi yaseBabiloni. INkosi ithi: Sukani, liqonde eKedari, libachithe abantu basempumalanga.

AmaNani 23:7

UBalami waseqala ukuhuba ihubo lakhe wathi: UBalaki ungilandile eAramu, inkosi yaseMowabi ezintabeni zasempumalanga; wathi: Woza ungiqalekisele uJakobe, woza ungithukele uIsrayeli.

Abahluleli 6:3

Kwakuthi lapho abakoIsrayeli sebelima, amaMidiyani lamaAmaleki labantu basempumalanga babahlasele,

Abahluleli 6:5

Ngoba babefika lenkomo zabo lamathente abo, befika njengentethe ngobunengi; bona lamakamela abo babengelakubalwa; ngakho beza elizweni ukulichitha.

Abahluleli 7:12

AmaMidiyani lamaAmaleki labo bonke abantu basempumalanga babelele kuso sonke isigodi bebanengi njengentethe, lamakamela abo ayengelakubalwa engangetshebetshebe elisokhunjini lolwandle ubunengi.

Abahluleli 8:10

UZeba loZalimuna babeseKarikori lempi yabo engabantu abazinkulungwane elitshumi lanhlanu, kuyikuphela kwabo abaseleyo kuyo yonke impi yabantu basempumalanga, ngoba kwabulawa abantu abazinkulungwane ezilikhulu lamatshumi amabili ababehlomile.

1 USamuyeli 25:2

Kwakukhona indoda eKarmeli eliseMahoni eyayilemfuyo enengi. Yayinothile kakhulu; yayilezimvu eziyizinkulungwane ezintathu lembuzi eziyizinkulungwane. Yayigunda izimvu zayo eKarmeli.

1 USamuyeli 27:9

UDavida walichitha ilizwe, kazatshiya muntu ophilayo, owesilisa lowesifazana, wathumba izimvu, lenkomo, labobabhemi, lamakamela, lezigqoko, wabuyela kuAkishi.