UJeremiya 8:2 - iBhayibhili Elingcwele 1978

² azachaywa elangeni lasenyangeni, lakuzo zonke inkanyezi, abakuthandileyo bakukhonza, abakulandeleyo bakudinga, bakudumisa; kawayikubuthwa angcwatshwe futhi, azakuba njengomquba emhlabathini.

IBhayibhili Elingcwele LesiNdebele

² Azachaywa elangeni lasenyangeni lakuzo zonke izinkanyezi zasemazulwini, abakuthandayo bakukhonza njalo abakulandelayo bakubuza bakudumisa. Kawayikubuthwa loba angcwatshwe, kodwa azakuba njengezibi phezu komhlabathi.

UJeremiya 8:2 Mawu Ofanana

2 AmaKhosi 17:16

Bayephula yonke imilayo yeNkosi uNkulunkulu wabo, bazenzela izithombe ezikhandiweyo ezamathole amabili, benza insika zikankulunkulukazi uAshera, bakhonza zonke inkanyezi zaphezulu, bakhonza loBali.

2 AmaKhosi 21:3

Wabuya wakha indawo eziphakemeyo zokukhonzela uyise uHezekiya ayeziqedile, wakhela uBali ama‐altare, wenza insika zikankulunkulukazi uAshera, njengokwenza kukaAhabi inkosi yakoIsrayeli, wadumisa zonke inkanyezi zaphezulu, wazikhonza.

2 AmaKhosi 21:5

Wakhela zonke inkanyezi zaphezulu ama‐altare emagumeni womabili ethempeli.

2 AmaKhosi 23:5

Wakhupha abapristi bezithombe amakhosi akoJuda ayebabekile ukutshisa impepha endaweni eziphakemeyo zokukhonzela emizini yakoJuda langaseJerusalema, lalabo ababetshisela uBali impepha lelanga lenyanga lezinkanyezi zonke zaphezulu.

AmaHubo 53:5

Nampo betshaywa luvalo olukhulu, uvalo olungazanga lube khona. Ngoba uNkulunkulu uzakuchitha amathambo abo abakuhlaselayo; bazakuchithwa ngoba uNkulunkulu ubalahlile.

AmaHubo 83:10

ababhubhela eEndori, baphenduka baba ngumquba womhlabathi.

AmaHubo 83:11

Yenza izikhulu zabo zibe njengoOrebi loZeba, lawo wonke amakhosana abo abe njengoZeba loZalimuna,

UmTshumayeli 6:3

Uba umuntu ezuza abantwana abalikhulu, aphile iminyaka eminengi ukuze insuku zakhe zibe zinengi, kodwa angathokoziswa yizinto ezinhle zokuphila, futhi angabi lakungcwatshwa, ngithi isisu esiphumileyo singcono kulaye.

UJeremiya 14:16

kuthi abantu abatshumayela kibo baphoselwe endleleni zeJerusalema, bebulewe yindlala lempi, kungasekho muntu wokubangcwaba, bona labomkabo, lamadodana abo lamadodakazi abo. Ngoba ngizakwehlisela ububi babo phezu kwabo.

UJeremiya 16:11

Wena uthi kibo: Kungoba okhokho benu bangitshiyile, kutsho iNkosi; baye kwabanye onkulunkulu, babasebenzela, babakhonza, bangitshiya mina, kabawugcinanga umlayo wami;

UJeremiya 16:4

Bazabulawa yikufa okwesabekayo; kabayikulilelwa, futhi kabayikungcwatshwa; bazakuba njengamalongwe emhlabathini. Bazabhujiswa yimpi layindlala, lezidumbu zabo zibe yikudla kwenyoni zaphezulu lenyamazana zeganga.

UJeremiya 16:6

Bazakufa bonke abakhulu labancinyane kulindawo; kabayikungcwatshwa, futhi kakulamuntu ozakubalilela kumbe azisike, loba agele ikhanda lakhe ngenxa yabo.

UJeremiya 19:13

Izindlu zaseJerusalema lezamakhosi akoJuda, zonke izindlu okwatshiselwa phezu kwazo impepha kuzo zonke inkanyezi, okwachithelwa kuzo leminikelo yokuthululwa kwabanye onkulunkulu, zizangcoliswa njengendawo yaseTofethi.

UJeremiya 22:19

Uzangcwatshwa njengobabhemi; uzahudulwa, alahlwe ngaphandle kwamasango eJerusalema.

UJeremiya 25:33

Ngalolosuku ababulewe yiNkosi bazasukela komunye umkhawulo womhlaba baze bafike komunye; kabayikukhalelwa, kabayikubuthwa bangcwatshwe, bazakuba ngamalongwe emhlabathini.

UJeremiya 31:40

Sonke isihotsha sezidumbu lesomlotha, lawo wonke amasimu kuze kufike esifuleni seKidroni, kuze kufike engonsini yeSango leBhiza ngasempumalanga, kuzakuba yindawo engcwele yeNkosi. Kakusayikusitshunwa, kudilizwe futhi, kuze kube nininini.

UJeremiya 36:30

Ngakhoke iNkosi ithi mayelana loJehoyakimi inkosi yakoJuda: Kayikuba lamuntu wokuhlala esihlalweni sobukhosi sikaDavida; lesidumbu sakhe sizaphoselwa ekutshiseni kwelanga lasekuqandeni kobusuku.

UJeremiya 9:20

Yebo, zwanini ilizwi leNkosi, lina besifazana, lendlebe zenu zilamukele ilizwi layo; lifundise amadodakazi enu ukukhala, kube yilowo lalowo afundise umakhelwana wakhe ukulila.

UJeremiya 9:21

Ngoba ukufa kungenile ngamawindi ethu, kwangena ezigodlweni zamakhosi ethu, kwaqeda abantwana ezindleleni, lamajaha emagumeni.

UJeremiya 9:22

Khuluma uthi: INkosi ithi: Izidumbu zabantu zizagcwala njengamalongwe egangeni, lanjengezithungo ezitshiywe emuva ngumvuni, kungekho ozibuthayo.

UHezekhiyeli 29:5

Ngikuphosele enkangala, wena lazo zonke inhlanzi zemifula yakho, liwele egangeni lingabuthwa lingcwatshwe. Ngizakukunikela ube yikudla kwezilo zomhlaba lenyoni zaphezulu.

UHezekhiyeli 39:5

Uzafela egangeni, ngoba ngikhulumile, kutsho iNkosi uNkulunkulu.

UHezekhiyeli 6:5

Ngizabeka izidumbu zabakoIsrayeli phambi kwezithombe zabo, ngichithachithe amathambo enu kuma‐altare enu inxa zonke.

UHezekhiyeli 8:16

Wangingenisa egumeni elingaphakathi kwethempeli; ngabona ngasemnyango wethempeli leNkosi phakathi komkoto lealtare abantu abangamatshumi amabili lanhlanu befulathele ithempeli leNkosi, bekhangele ngasempumalanga, bekhonza ilanga eliphumayo.

UZefaniya 1:17

Ngizakwehlisela abantu usizi ukuze bahambe njengeziphofu, ngoba bonile eNkosini; igazi labo lizakuchithwa njengothuli; lenyama yabo njengobulongwe.

UZefaniya 1:5

ngiqede labakhuleka kulo ilanga lenyanga lezinkanyezi phezu kwezindlu, labakhuleka kimi bangifunge, bafunge futhi loMilkomu,

Imisebenzi 7:42

Kodwa uNkulunkulu wabafulathela, wabanikela ukuba bakhonze izinkanyezi, njengokulotshiweyo encwadini yabaprofethi ukuthi: Laletha kimi imihlatshelo leminikelo iminyaka engamatshumi amane enkangala lina ndlu kaIsrayeli na?

UDutheronomi 17:3

osuke ayekhonza abanye onkulunkulu, akhothamele loba ilanga lenyanga, ingabe enye yezinkanyezi esezulwini, enze lokho iNkosi elinqabele khona,

UDutheronomi 4:19

Futhi lapho liphakamisela amehlo enu phezulu, libone ilanga lenyanga lezinkanyezi, konke okusezulwini, xwayani, funa liyengwe, likudumise likukhonze. INkosi uNkulunkulu wenu lokhu ikunike bonke abantu abangaphansi komthunzi welanga ukuba bakukhonze.