UJeremiya 48:44 - iBhayibhili Elingcwele 1978

⁴⁴ Obalekela ukwesaba uzawela emgodini, lophuma emgodini uzabanjwa ngumjibila. Ngoba lezizinto ngizazehlisela eMowabi ngomnyaka wokutshaywa kwabo, kutsho iNkosi.

IBhayibhili Elingcwele LesiNdebele

⁴⁴ “Loba ngubani obalekela ukwesaba uzawela emgodini, loba ngubani ophuma emgodini uzabanjwa ngumjibila; ngoba ngizakwehlisela phezu kweMowabi umnyaka wokujeziswa kwayo,” kutsho uThixo.

UJeremiya 48:44 Mawu Ofanana

1 AmaKhosi 19:17

Ozakhuthwa ngumhedla kaHazayeli uzabulawa nguJehu, lozakhuthwa ngumhedla kaJehu abulawe nguElisha.

1 AmaKhosi 20:30

Abaseleyo babaleka bangena emzini waseAfeki; umduli wawela phezu kwabantu abazinkulungwane ezingamatshumi amabili lesikhombisa ababesele. UBenihadadi laye wabaleka, wacatshacatsha ezindlini ezingaphakathi komuzi.

U-Isaya 10:3

Lizakwenza njani mhla wosuku lokutshaywa, lasekuchithekeni okuzavela khatshana na? Lizabalekela kubani ukuba alisize na? Lizatshiya ngaphi inotho yenu na?

U-Isaya 24:17

Ukwesaba lomgodi lomjibila kulilindele, lina abahlala emhlabeni.

U-Isaya 24:18

Kuzakuthi obalekela umsindo wokwesaba awele emgodini; ophuma emgodini abanjwe ngumjibila. Ngoba iminyango yasezulwini ivulekile, lezisekelo zomhlaba ziyaqhaqhazela.

UJeremiya 10:15

Ziyize nje, zingumsebenzi wenkohliso; ngesikhathi sokutshaywa kwazo ziyabhubha.

UJeremiya 11:23

kakuyikusala muntu; ngoba ngizabehlisela okubi abantu baseAnathothi ngomnyaka wokutshaywa kwabo.

UJeremiya 16:16

Khangelani, ngiyathumela abagoli benhlanzi abanengi, bababambe, kutsho iNkosi; emva kwalokho ngizathumela abazingeli abanengi, babazingele entabeni zonke, lasemaqaqeni wonke, babakhuphe ezimbalwini zamatshe zonke.

UJeremiya 23:12

Ngalokhoke indlela yabo izakuba njengezindlela ezitshelelayo emnyameni, abazakusunduzelwa kizo, bawe; ngoba ngizabalethela okubi ngomnyaka wokutshaywa kwabo, kutsho iNkosi.

UJeremiya 46:21

Lamabutho alo aqatshiweyo akhona phakathi kwalo anjengamathole anonileyo; abuyela emuva, abaleka kanyekanye, kawemanga, ngoba usuku lokuhlupheka kwawo luwehlele, isikhathi sokutshwaywa kwawo.

UJeremiya 49:8

Balekani, libuyele emuva, licatshe endaweni eziminyeneyo, lina bahlala eDedani. Ngoba ngizakwehlisela inhlupheko phezu kukaEsawu ngesikhathi sokumtshaya kwami.

UJeremiya 50:24

Ngakuthiya ngomjibila, wabanjwa, wena Babiloni, ungakakwazi; wafunyaniswa, wabanjwa, ngoba walwa leNkosi.

UJeremiya 50:27

Bulalani inkunzi zalo zonke, kazisiwe ekuhlatshweni. Maye kuzo! ngoba usuku lwazo lufikile, isikhathi sokutshaywa kwazo.

UJeremiya 51:18

Ziyize nje, zingumsebenzi wenkohliso, ngesikhathi sokutshaywa kwazo zizabhubha.

UJeremiya 8:12

Babelenhloni yini lapho besenza amanyala? Atshi, kababanga lanhloni lakanye, kabayangekanga. Ngalokhoke bazakuwa phakathi kwabawayo; ngesikhathi sokubatshaya kwami bazachitheka, kutsho iNkosi.

Izililo 3:47

Phambi kwethu kukhona umjibila lomgodi, ukuchitheka lokufa.

UHosiya 9:7

Insuku zokutshaywa sezifikile, lensuku zokuphindisela sezifikile. UIsrayeli uzakukwazi lokhu. Umprofethi uzakuba njengesithutha, lomuntu olomoya abe njengohlanyayo ngenxa yobubi benu obukhulu lenzondo yenu enkulu.

uAmosi 5:19

Kunjengomuntu obalekele isilwane, ehlangane lebhere, loba angene endlini abambelele ngesandla emdulini, alunywe yinyoka.

UMikha 7:4

Omuhle wabo unjengameva, lolungileyo wabo unjengothango lwameva. Usuku lokutshaywa kwabo, abatshumayela ngalo abalindi babo, selufikile, lokudideka kwabo sekusondele.