UJeremiya 37:3 - iBhayibhili Elingcwele 1978

³ Inkosi uZedekiya yathuma uJehukali indodana kaShelemiya loZefaniya umpristi indodana kaMahaseya kuJeremiya umprofethi, yathi: Ake usikhulekele eNkosini uNkulunkulu wethu.

IBhayibhili Elingcwele LesiNdebele

³ Kodwa uZedekhiya inkosi, wathuma uJehukhali indodana kaShelemiya lomphristi uZefaniya indodana kaMaseya kuJeremiya umphrofethi belaleli ilizwi, elithi, “Ake usikhulekele kuThixo uNkulunkulu wethu.”

UJeremiya 37:3 Mawu Ofanana

1 AmaKhosi 13:6

Inkosi uJerobowamu yathi emuntwini kaNkulunkulu: Ake ungincengele eNkosini uNkulunkulu wakho, ungikhulekele, ukuba isandla sami sisiliswe. Umuntu kaNkulunkulu wasemncengela eNkosini, lesandla sikaJerobowamu sasiliswa saba njengakuqela.

U-Eksodasi 10:17

Ngakhoke ake lingithethelele isono sami okwalesisikhathi esisodwa nje, liyincenge iNkosi uNkulunkulu wenu ukuze isuse kimi lokhukufa.

U-Eksodasi 8:28

UFaro wathi: Ngizalivumela ukuba liye enkangala ukuyihlabela iNkosi uNkulunkulu wenu; kodwa lingayi khatshana; futhi kalibongikhulekela.

U-Eksodasi 8:8

UFaro wasebabiza oMose loAroni wathi: Ncengani iNkosi ukuba isuse amaxoxo kimi lasebantwini bami; ngizabavumela abantu ukuba bayehlabela iNkosi.

U-Eksodasi 9:28

Incengeni iNkosi, ngoba kwanele ukuduma lokhu lesiqhotho lesi; ngizakuliyekela lihambe, lingabe lisahlala.

UJeremiya 15:11

Nkosi, zonke iziqalekiso zakho kazigcwaliseke uba ngingakukhonzanga ngokupheleleyo, ngingazincengelanga kuwe izitha zami ngesikhathi sokuhlupheka kwazo lesosizi lwazo.

UJeremiya 2:27

abathi esihlahleni: Wena ungubaba; abathi lelitsheni: Wena wasizala. Ngoba bangifulathela, kabangikhangelanga. Kodwa ngesikhathi sokuhlupheka kwabo bathi: Vuka, usikhulule!

UJeremiya 29:21

INkosi yamabandla uNkulunkulu kaIsrayeli, ithi mayelana loAhabi indodana kaKolaya, loZedekiya indodana kaMahaseya, abatshumayela amanga ngebizo lami: Khangelani, ngizabanikela esandleni sikaNebukadineza inkosi yaseBabiloni, ozababulala phambi kwenu.

UJeremiya 29:25

INkosi yamabandla, uNkulunkulu kaIsrayeli, ithi: Uthumele izincwadi ngebizo lakho kubo bonke abantu abaseJerusalema, lakuZefaniya indodana kaMahaseya umpristi, lakubo bonke abapristi, usithi:

UJeremiya 37:17

Inkosi uZedekiya yambiza, yamamukela. Yambuza ensitha endlini yayo yathi: Kambe likhona ilizwi elivela eNkosini na? UJeremiya wathi: Likhona. Uzakunikelwa esandleni senkosi yaseBabiloni.

UJeremiya 37:7

INkosi, uNkulunkulu kaIsrayeli, ithi: Lizakuthi enkosini yakoJuda elithume ukubuza kimi: Khangela, impi kaFaro eze ukulisiza isizakubuyela eGibithe, elizweni layo.

UJeremiya 38:1

UShefathiya indodana kaMathani, loGedaliya indodana kaPashuri, loJukali indodana kaShelemiya, loPashuri indodana kaMalikiya, bawezwa amazwi uJeremiya ayewakhuluma kubo bonke abantu esithi:

UJeremiya 42:1

Zasezisondela zonke induna zempi, loJohanani indodana kaKareya, loAzariya indodana kaHoshaya, labo bonke abantu abancinyane labakhulu,

UJeremiya 42:20

Lizifake engozini ngokungithuma eNkosini, uNkulunkulu wenu, lisithi: Sikhulekele eNkosini uNkulunkulu wethu; lokho iNkosi uNkulunkulu wethu ekutshoyo, sizakukwenza.

UJeremiya 52:24

Induna yabalindi yathatha uSeraya umpristi omkhulu loZefaniya umpristi omlandelayo, labalindi besango abathathu,

AmaNani 21:7

Abantu beza kuMose bathi: Sonile, ngoba siyisolile iNkosi lawe; sincengele eNkosini ukuba izisuse izinyoka kithi. UMose wasebancengela abantu eNkosini.

Imisebenzi 8:24

USimoni wasemphendula esithi: Ngikhulekelani lina eNkosini, ukuze ngingehlelwa ngolunye lwalezizinto elizitshiloyo.

1 USamuyeli 12:19

Bonke abantu bathi kuSamuweli: Khulekela inceku zakho eNkosini uNkulunkulu wakho, ukuba singafi; ngoba sengezelele ezonweni zethu zonke lobububi bokuzicelela inkosi.