UJeremiya 34:3 - iBhayibhili Elingcwele 1978

³ Kawuyikuphunyuka esandleni sayo, kodwa uzabanjwa impela, unikelwe ezandleni zayo; uzabonana lenkosi yaseBabiloni, likhulumisane; futhi uzakuya eBabiloni.

IBhayibhili Elingcwele LesiNdebele

³ Kawuyikuphunyuka esandleni sayo kodwa uzathunjwa impela unikelwe kuyo. Inkosi yaseBhabhiloni uzayibona ngamehlo akho, njalo izakhuluma lawe ubuso ngobuso. Njalo uzahamba eBhabhiloni.

UJeremiya 34:3 Mawu Ofanana

UJeremiya 21:7

Kuthi emva kwalokho, kutsho iNkosi, nginikele uZedekiya inkosi yakoJuda, lenceku zakhe, labantu balumuzi abasilileyo emkhuhlaneni, lempini, lendlaleni, esandleni sikaNebukadineza inkosi yaseBabiloni, lasezandleni zezitha zabo, ezandleni zalabo ababazingelayo. Uzakubabulala; kayikuba lasihawu, kayikubahawukela, kayikuba lamusa kibo.

UJeremiya 27:22

Zizasiwa eBabiloni, zihlale khona kuze kufike usuku lokuzikhumbula kwami, kutsho iNkosi. Ng’khona ngizakuzibuyisa kulindawo.

UJeremiya 32:28

Ngakho ngiyawunikela lumuzi ezandleni zamaKaladiya lezandleni zikaNebukadineza inkosi yaseBabiloni ozakuwunqoba.

UJeremiya 32:3

Ngoba uZedekiya inkosi yakoJuda wayemvalele khona esithi: Kungani utshumayela usithi: INkosi ithi: Lumuzi ngiwunikela esandleni senkosi yaseBabiloni, izakuwuthumba;

UJeremiya 32:4

loZedekiya inkosi yakoJuda kayiyikuphunyuka esandleni samaKaladiya, kodwa uzanikelwa impela esandleni senkosi yaseBabiloni, akhulume layo bekhangelene;

UJeremiya 34:21

LoZedekiya inkosi yakoJuda lezikhulu zakhe ngizabanikela ezandleni zezitha zabo, lezandleni zalabo abafuna ukubabulala, lesandleni sempi yenkosi yaseBabiloni esisukile kini.

UJeremiya 34:4

Zwana ilizwi leNkosi, wena Zedekiya, nkosi yakoJuda. INkosi ithi ngawe: Kawuyikufela empini.

UJeremiya 37:17

Inkosi uZedekiya yambiza, yamamukela. Yambuza ensitha endlini yayo yathi: Kambe likhona ilizwi elivela eNkosini na? UJeremiya wathi: Likhona. Uzakunikelwa esandleni senkosi yaseBabiloni.

UJeremiya 38:18

Kodwa uba ungazinikeli ezikhulwini zaseBabiloni, lumuzi uzathunjwa ngamaKaladiya, awutshise ngomlilo, lawe kawuyikuphunyuka ezandleni zawo.

UJeremiya 38:23

Abafazi bakho bonke lamadodana akho bazakukhutshelwa kumaKaladiya, lawe kawuyikuphunyuka ezandleni zawo, kodwa uzabanjwa yinkosi yaseBabiloni, lalumuzi utshiswe ngomlilo.

UHezekhiyeli 12:13

Kodwa ngizaphosa imbule lami phezu kwaso, ngisibambe ngalo, ngisise eBabiloni elizweni lamaKaladiya; kanti kasiyikulibona, loba sizafela khona.

UHezekhiyeli 17:15

Kodwa lowo wayivukela ngokuthuma izithunywa eGibithe, ukuba bamnike amabhiza lempi enkulu. Uzaphumelela na? Kambe umuntu owenza okunje angaphepha na? Angasaphula isivumelwano aphephe na?

UHezekhiyeli 17:16

Ngiyazifunga, kutsho iNkosi uNkulunkulu, impela uzafela eBabiloni lapho kuhlala khona inkosi eyambeka ukuba abe yinkosi, asideleleyo isifungo sayo, waphula isivumelwano sayo.

UHezekhiyeli 21:25

Wenake, sikhulu sakoIsrayeli oyisixhwali esibi, usuku lwakho selufikile, isikhathi sokutshaywa kwakho kokucina;