UJeremiya 22:9 - iBhayibhili Elingcwele 1978

⁹ Impendulo izakuthi: Kungoba basidela isivumelwano seNkosi, uNkulunkulu wabo, bakhonza abanye onkulunkulu, babasebenzela.

IBhayibhili Elingcwele LesiNdebele

⁹ Impendulo izakuthi: ‘Ngoba basidelile isivumelwano sikaThixo uNkulunkulu wabo bakhonza abanye onkulunkulu njalo babasebenzela.’ ”

UJeremiya 22:9 Mawu Ofanana

1 AmaKhosi 9:8

Lindlu izakuba lunxiwa, kuthi wonke umuntu odlulayo kiyo amangale ancife, athi: INkosi ikwenzeleni okunje kulelilizwe lakulindlu na?

2 AmaKhosi 22:17

Ngoba bangidelile, batshisela abanye onkulunkulu impepha, ukuba bangithukuthelise ngazo zonke izithombe zabo. Ngakho intukuthelo yami izakuvutha ngalindawo, ingadedi.

2 ImiLando 34:25

Ngoba bangidelile, batshisela abanye onkulunkulu impepha, ukuze bangithukuthelise ngezithombe zabo abazenzayo; ngakho ulaka lwami luzakwehlela phezu kwalindawo, lungadedi.

UJeremiya 11:10

Sebebuyele ebubini babokhokho babo abala ukuzwa ilizwi lami; balandela abanye onkulunkulu ukuba babakhonze; indlu yakoIsrayeli leyakoJuda zisaphulile isivumelwano sami engasenza lokhokho babo.

UJeremiya 11:3

Uthi kibo: INkosi, uNkulunkulu kaIsrayeli, ithi: Uqalekisiwe umuntu ongalaleli amazwi alesisivumelwano,

UJeremiya 16:11

Wena uthi kibo: Kungoba okhokho benu bangitshiyile, kutsho iNkosi; baye kwabanye onkulunkulu, babasebenzela, babakhonza, bangitshiya mina, kabawugcinanga umlayo wami;

UJeremiya 50:7

Bonke ababafumanayo babadla, lezitha zabo zathi: Kasilacala ngoba bonile eNkosini, iNkosi elikhaya labo eliqotho lethemba laboyise.

UJeremiya 9:13

INkosi yathi: Kungoba belahlile umlayo wami engawubeka phambi kwabo, bengalilalelanga ilizwi lami, bengahambanga ngalo,

UHezekhiyeli 12:16

Kodwa ngizatshiya abayingcosana baphephe empini lasendlaleni lasesifeni, ukuba bafakaze ngawo wonke amanyala abo phakathi kwezizwe abazahamba kuzo, ukuba zazi ukuba ngiyiNkosi.

UHezekhiyeli 14:23

Kuzakukutshengisa ukuthi kufanele nxa usubonile ukwenza kwabo lalokho abakwenzileyo, ngoba uzakwazi ukuthi kangikwenzanga lokhu kibo ngaphandle kwesizatho, kutsho iNkosi uNkulunkulu.

UHezekhiyeli 39:23

Lezizwe zizakwazi ukuba abakoIsrayeli bathunjwa ngenxa yesono sabo, ngoba bangikhohlisa kakhulu ngaze ngafihla ubuso bami kibo, ngabanikela ezandleni zezitha zabo, babulawa empini.

UHezekhiyeli 5:15

Lizakuba lihlazo lenhlekisa lesixwayiso lento eyesabekayo ezizweni eziliphahlileyo nxa ngilijezisa ngokuthukuthela langokufutheka, ngilitshaya ngokubuhlungu; mina Nkosi ngikhulumile.

UDutheronomi 29:24

bazabuza bonke besithi: INkosi yenzeleni lokhu kulelilizwe na? Kutsho ukuthini ukuvutha kwalolulaka olukhulu na?