UJeremiya 13:10 - iBhayibhili Elingcwele 1978

¹⁰ Lababantu ababi, abala ukuzwa amazwi ami, belandela inhliziyo zabo ezilenkani, belandela onkulunkulu abanye ukuba babasebenzele babakhonze, bazakuba njengalelibhanti elingasizi lutho.

IBhayibhili Elingcwele LesiNdebele

¹⁰ Lababantu abangalunganga, abalayo ukulalela amazwi ami, abalandela ubulukhuni bezinhliziyo zabo badinge abanye onkulunkulu ukuba babasebenzele njalo babakhonze, bazakuba njengebhanti leli, bengelasizo loluncane!

UJeremiya 13:10 Mawu Ofanana

AmaHubo 78:8

bangabi njengokhokho babo, ababeyisizukulwana esimakhanda alukhuni lesilenkani, isizukulwana esinhliziyo engaqinanga, lesimoya waso wawungathembekanga kuNkulunkulu.

UmTshumayeli 11:9

Thokoza, jaha, ebutsheni bakho, ikuthokozise lenhliziyo yakho ensukwini zobutsha bakho, ulandele indlela ezithandwa yinhliziyo yakho lezinto ezithandwa ngamehlo akho. Kodwa yazi ukuthi ngazo zonke lezizinto uNkulunkulu uzakukuthonisisa.

U-Isaya 3:24

Kuzakuthi endaweni yamakha kube khona ukubola, endaweni yebhanti kube khona igoda, lendaweni yenwele ezilungiswe kuhle kube khona impabanga, lendaweni yezigqoko ezinhle kube khona amadabudabu, lendaweni yobuhle kube khona ukuyangeka.

UJeremiya 11:10

Sebebuyele ebubini babokhokho babo abala ukuzwa ilizwi lami; balandela abanye onkulunkulu ukuba babakhonze; indlu yakoIsrayeli leyakoJuda zisaphulile isivumelwano sami engasenza lokhokho babo.

UJeremiya 11:18

INkosi yangitshengisa, lami ngakwazi. Wena wangitshengisa izenzo zabo ezimbi.

UJeremiya 13:7

Ngasengisuka ngaya emfuleni iYufrathi, ngemba, ngalikhupha ibhanti endaweni lapho ngangilifihle khona. Bonake, ibhanti laselonakele, lalingasasizi lutho.

UJeremiya 16:12

langoba lina lenze okubi ukwedlula okhokho benu; ngoba lonke lilandela inkani yenhliziyo zenu ezimbi, liyala ukungilalela.

UJeremiya 16:4

Bazabulawa yikufa okwesabekayo; kabayikulilelwa, futhi kabayikungcwatshwa; bazakuba njengamalongwe emhlabathini. Bazabhujiswa yimpi layindlala, lezidumbu zabo zibe yikudla kwenyoni zaphezulu lenyamazana zeganga.

UJeremiya 20:4

Ngoba iNkosi ithi: Ngizakukwenza ukuba ube yinto eyesabekayo kuwe uqobo lakubo bonke abangane bakho. Bazabulawa ngomkhonto wezitha zabo, ukhona wena ukhangele. Ngizanikela bonke abakoJuda esandleni senkosi yaseBabiloni, ibathumbe, ibase eBabiloni, ibabulale.

UJeremiya 22:21

Ngakhuluma lawe uselenhlanhla, kodwa wena wathi: Kangiyikulalela. Lokho kuyindlela yakho kusukela ebutsheni bakho, ukuba ungalilaleli ilizwi lami.

UJeremiya 23:17

Bahlala besithi kulabo abadelela ilizwi leNkosi: Kuzalilungela lonke; lakubo bonke abalandela inhliziyo zabo ezilenkani bathi: Kaliyikwehlelwa ngokubi.

UJeremiya 3:17

Ngalesosikhathi iJerusalema lizakuthiwa yisihlalo sobukhosi seNkosi; zonke izizwe zizabuthana khona, phambi kweNkosi eJerusalema; kazisayikulandela inhliziyo zazo ezilenkani.

UJeremiya 35:15

Ngithumele kini zonke inceku zami abaprofethi, ngibathuma njalonjalo, ngisithi: Phendukani lonke endleleni yenu embi, lenze izenzo zenu zibe zinhle, lingalandeli abanye onkulunkulu ukuba libakhonze, ukuze lihlale elizweni engalinika lina lokhokho benu. Kodwa kalingilalelanga, kalingizwanga.

UJeremiya 44:16

Ilizwi olikhulume kithi ebizweni leNkosi kasiyikulilalela.

UJeremiya 44:5

Kodwa kabalalelanga kabezwanga, ukuba baphenduke ebubini babo, bangatshiseli abanye onkulunkulu impepha.

UJeremiya 5:23

Kodwa lababantu balenhliziyo elukhuni ehlamukayo, baphambukile, bangitshiya.

UJeremiya 7:13

Ngakhoke, kutsho iNkosi, ngoba lenzile zonke lezizinto, lingalalelanga lapho ngikhuluma lani njalonjalo, lapho ngilibiza kalingiphendulanga,

UJeremiya 7:6

uba lingacindezeli owezizweni, lentandane, lomfelwakazi, lingachithi igazi elingelacala, lingakhonzi abanye onkulunkulu ukuba lizilimaze ngalokho,

UJeremiya 8:5

Phoke, baphambukeleni lababantu, bahlamuke kokuphela na? Baqinela enkohlisweni, bayala ukuphenduka.

UJeremiya 9:13

INkosi yathi: Kungoba belahlile umlayo wami engawubeka phambi kwabo, bengalilalelanga ilizwi lami, bengahambanga ngalo,

UJeremiya 9:14

belandela inhliziyo zabo ezilenkani bedinga oBali, njengokufundiswa kwabo ngoyise.

UJeremiya 9:6

Bandisa ububi phezu kokubi, lenkohliso phezu kwenkohliso, bayala ukungazi mina, kutsho iNkosi.

AmaNani 14:11

INkosi yathi kuMose: Koze kube nini lababantu bengidelela na? Koze kube nini bengangithembi, lanxa ngenze izibonakaliso ezinengi phakathi kwabo na?

Imisebenzi 7:51

Lina abanhliziyo ezilukhuni, abangasokanga enhliziyweni lasendlebeni, limelana njalo loMoya oNgcwele; njengabokhokho benu linjalo lani.

AmaHebheru 12:25

Qaphelani ukuba lingali ukulalela ilizwi lakhe okhulumayo; ngoba uba bengaphephanga labo abala ukumlalela lowo owabaxwayisa emhlabeni, kakhulu kasiyikuphepha thina esimalayo lowo oxwayisa esezulwini.