UHosiya 9:2 - iBhayibhili Elingcwele 1978

² Isiza lesikhamelo sewayini kakuyikubanika abantu ukudla, lewayini elitsha lizabaphelela.

IBhayibhili Elingcwele LesiNdebele

² Iziza lezikhamelo zewayini kakuyikunika abantu ukudla; iwayini elitsha lizabehlulekisa.

UHosiya 9:2 Mawu Ofanana

UGenesisi 50:10

Baye bafika esizeni seAtadi eliphetsheya kweJordani; basebekhala kakhulukazi belosizi olukhulu, bamlilela uyise insuku eziyisikhombisa.

UHosiya 2:11

Ngizaqeda konke ukuthokoza kwakhe, amadili akhe, lokuthwasa kwenyanga, lamaSabatha akhe, lemikhosi yakhe yonke emisiweyo.

UHosiya 2:12

Ngizagamula izihlahla zakhe zamavini lezemikhiwa, atsho ngazo ukuthi: Lezi zingumvuzo wami, izithandwa zami ezinginike wona. Ngizazenza zibe ligusu, zidliwe zinyamazana zeganga.

UHosiya 2:9

Ngakhoke ngizathatha amabele ami ngesikhathi sokuvuna, lewayini lami ngesikhathi salo; ngithathe loboya bami bezimvu lesikhusha sami, okuzakwembesa ubunqunu bakhe.

uAmosi 5:11

Ngenxa yokuba linyathezela phansi abayanga, libize kibo isipho samabele, kaliyikuhlala kuzo izindlu zamatshe abaziweyo elizakhileyo; lihlanyela izivini ezinhle, kodwa kaliyikunatha iwayini lazo.

UHagayi 1:9

Beliqaphele okunengi, kodwa kube yingcosana elikuzuzileyo; lapho likuletha ekhaya, ngikuphephule konke. Kungani na? kutsho iNkosi yamabandla. Kungenxa yendlu yami elunxiwa, lina lilibele ngezindlu zenu.

UHagayi 2:16

kwakunjani kini na? Lapho umuntu esiya enqwabeni yezilinganiso ezingamatshumi amabili zamabele, wafumanisa itshumi nje; lalapho esiya emphandeni wewayini ukukha imbiza ezingamatshumi amahlanu, wafumanisa amatshumi amabili nje.