UHosiya 8:7 - iBhayibhili Elingcwele 1978

⁷ Ngoba behlanyela umoya, bazavuna isivunguzane. Amabele abo kawayikukhahlela, kawayikuba lanhlamvu; uba engaba lazo, zizadliwa ngabezizwe.

IBhayibhili Elingcwele LesiNdebele

⁷ Bahlanyela umoya bavune isavunguzane. Ihlanga kalilasikhwebu; kaliyikuthela ifulawa. Aluba belingathela amabele, abezizweni kade bezawamimiliza.

UHosiya 8:7 Mawu Ofanana

UGenesisi 41:23

kwasekukhahlela emva kwazo izikhwebu eziyisikhombisa ezitshwabheneyo, zizincinyane, zihangulwe ngumoya wasempumalanga.

2 AmaKhosi 15:19

Ensukwini zakhe uPuli inkosi yaseAsiriya walihlasela ilizwe; uMenahema wanika uPuli amathalenta esiliva ayinkulungwane ukuba amsize ukuqinisa umbuso wakhe.

2 AmaKhosi 15:29

Ensukwini zikaPeka inkosi yakoIsrayeli uTigilathi‐Pileseri inkosi yaseAsiriya wafika wathumba iIjoni, leAbeli‐Beti‐Mahaka, leJanowa, leKedeshi, leHazori, leGileyadi, leGalili, lonke ilizwe lakoNafitali; wathumba abantu, wabesa eAsiriya.

UJobe 4:8

Njengengikubonileyo, abalima ububi behlanyela inkathazo, bavuna khona lokho.

Izaga 22:8

Ohlanyela okubi uzavuna ukuhlupheka, umkhwezeli uzatshiswa yisikhuni.

UmTshumayeli 5:16

Lokho lakho kuyibubi obudanisayo ukuthi uzabuyela enjengokuzalwa kwakhe. Uzakuzuzani nxa umsebenzi wakhe wonke ungoweze,

U-Isaya 17:11

uwenze ukuba ahlume mhlalokho, kuthi lapho sekusile usaba lukhuphe impoko; kodwa konke okuzuzayo kuzanyamalala mhla wosuku lokuhlupheka lobuhlungu obungelakuphela.

U-Isaya 55:2

Lichithelani imali yenu kulokho okungeyisikho ukudla, lamaholo enu kulokho okunganelisiyo na? Ngizwisisani, lidle okuhle, lizithokozise ngezibondlo.

U-Isaya 66:15

Ngoba iNkosi izafika ngomlilo, izinqola zayo zibe njengesivunguzane, ukwehlisela intukuthelo yayo ngokufutheka, lokukhuza kwayo ngamalangabi omlilo.

UJeremiya 12:13

Bahlanyele amabele, bavuna ameva, bazidinise ngokusebenza, kodwa kabazuzanga lutho. Bazakuba lenhloni ngezivuno zabo, ngenxa yolaka oluvuthayo lweNkosi.

Izililo 5:2

Ilizwe lethu selinikwe abezizwe, lemizi yethu yanikwa abemzini.

UHosiya 2:9

Ngakhoke ngizathatha amabele ami ngesikhathi sokuvuna, lewayini lami ngesikhathi salo; ngithathe loboya bami bezimvu lesikhusha sami, okuzakwembesa ubunqunu bakhe.

UHosiya 7:9

Abezizwe badla amandla akhe, kodwa yena kakwazi lokho. Izimvi seziphumile ekhanda lakhe, kodwa yena kakwazi.

UHosiya 9:16

AbakoEfrayimi batshayiwe; impande yabo yomile, kabayikuthela izithelo. Loba bezala, ngizabulala abantwana babo abathandekayo.

UNahume 1:3

INkosi iyaphuza ukuthukuthela, kodwa ilamandla amakhulu, kayiyikumyekela olecala; indlela yayo isesivunguzaneni lesiphepheni, amayezi aluthuli lwenyawo zayo.

UHagayi 1:6

Lihlanyele okunengi, lavuna okuyingcosana; liyadla, kodwa kalisuthi; liyanatha, kodwa kalikholwa; ligqoke lingakhudumali, lohola imali uholela ukuyifaka esikhwameni esivuzayo.

AbaseGalathiya 6:7

Lingakhohliswa; uNkulunkulu kahlekwa. Ngoba lokho akuhlanyelayo umuntu, uzakuvuna khona lokho.

AbaseGalathiya 6:8

Ohlanyelela inkanuko zakhe uzavuna ukubhubha okuvela kuzo; kodwa ohlanyelela uMoya uzavuna ukuphila okungapheliyo okuvela kuMoya.

UDutheronomi 28:33

Isizwe ongasaziyo sizakudla izithelo zomhlaba wakho lokwemisebenzi yonke yezandla zakho. Uzakucindezelwa kuphela, uchotshozwe njalonjalo,