UHosiya 7:1 - iBhayibhili Elingcwele 1978

¹ Lapho ngifisa ukwelapha uIsrayeli; ukonakala kukaEfrayimi kuyambulwa, lezenzo ezimbi zeSamariya; ngoba bayakhohlisana, bangamasela afohlela ezindlini, labaphangi abaphanga ngaphandle.

IBhayibhili Elingcwele LesiNdebele

¹ Lapho engizakwelapha khona u-Israyeli, izono zika-Efrayimi ziyadalulwa lobubi beSamariya buyembulwa. Benza inkohliso, amasela agqekeza izindlu, izigebenga ziyaphanga emigwaqweni

UHosiya 7:1 Mawu Ofanana

U-Isaya 28:1

Maye kuyo imiqhele yokuzikhukhumeza yezikhulu zakoEfrayimi ezidakiweyo, lakuwo amaluba ayo amahle ngoba ayabuna; aphezu kwamakhanda abadakiweyo agcotshwe ngamakha amahle, bona beqedwe ngutshwala.

U-Isaya 59:12

Ngoba sonile kuwe kanenginengi, lezono zethu zifakaze ngathi; ngoba siyazikhumbula zonke iziphambeko zethu, lobubi bethu siyabazi;

U-Isaya 59:13

siyaphambeka, siyiphike iNkosi, simhlamuke uNkulunkulu wethu, sikhulume ngokucindezela langokuhlamuka, sicabange ngamanga enhliziyweni zethu siwakhulume.

U-Isaya 59:14

Okufaneleyo kubuyiselwa emuva, lokulunga kumi khatshana; ngoba iqiniso liyawa ezigcawini, lobuqotho kabulandawo.

UJeremiya 51:9

Abezizwe bakhona bathi: Besizakulelapha iBabiloni, kodwa kalelatshwanga; litshiyeni, asihambeni sonke siye emazweni akithi; ngoba ukwahlulelwa kwalo kufinyelele ezulwini, kuphakanyisiwe kwaze kwafika emkhathini.

UHezekhiyeli 16:46

Udadewenu omdala yiSamariya elalihlala lamadodakazi alo ngasenyakatho kwakho; lomnawakho owayehlala ngaseningizimu kwakho yiSodoma lamadodakazi alo.

UHezekhiyeli 23:4

Omdala wayethiwa nguOhola, lomnawakhe wayethiwa nguOholiba. Baba ngabami, bangizalela amadodana lamadodakazi. UOhola uliSamariya, loOholiba uliJerusalema.

UHezekhiyeli 24:13

Ukuthomba kwayo kungamanyala enu angcolileyo. Ngoba bengithanda ukulihlambulula, kodwa kalihlambulukanga ekungcoleni kwenu, kalisayikuhlanjululwa ngize ngikholise ukuthukuthela kwami phezu kwenu.

UHosiya 10:5

Abakhileyo eSamariya bayathuthumela ngethole laseBeti‐Aveni. Abantu balo bazalililela, labapristi bezithombe balikhalele, bekhalela ubuhle balo osebususiwe kulo.

UHosiya 11:12

INkosi ithi: UEfrayimi ungizingelezele ngamanga, loIsrayeli ungiphahlile ngenkohliso; loJuda uyangihlamuka, mina othembekileyo loNgcwele.

UHosiya 11:8

Ngizakukulahla kanjani, Efrayimi? Ngizakukunikela kanjani, Israyeli? Ngizakukwenza kanjani ube njengeAdima? Ngizakukuphatha kanjani njengeZeboyimi na? Inhliziyo iyala phakathi kwami, lesihawu sami siyaqubuka.

UHosiya 12:1

UEfrayimi uhamba lomoya, alandele umoya wasempumalanga usuku lonke; bayandisa amanga lesihluku, benze isivumelwano leAsiriya, base amafutha eGibithe.

UHosiya 12:2

INkosi ilecala loJuda, izamtshaya uJakobe ngokufanele indlela zakhe, imphindisele ngokufanele izenzo zakhe.

UHosiya 4:17

UEfrayimi uzihlanganisile lezithombe

UHosiya 4:2

Kukhona ukwaphulwa kwezifungo, lokuqamba amanga, lokubulala, lokweba, lokufeba; baqhubeka ngokwenza okubi, lamacala egazi ayalandelana.

UHosiya 5:1

Zwanini lokhu, lina bapristi, lilalele, lina Israyeli, libeke indlebe, lani ndlu yenkosi. Ngoba isigwebo simayelana lani, ngoba belingumjibila eMizipa, lembule elendlalwe eTabori.

UHosiya 6:4

INkosi ithi: Ngizakwenza njani ngawe, wena Efrayimi? Ngizakwenza njani ngawe, wena Juda? Uthando lwenu lunjengeyezi lasekuseni, njengamazolo athintitheka masinyane.

UHosiya 7:13

Maye kibo, ngoba basukile kimi! Kabachitheke, ngoba bangihlamukile. Mina bengithanda ukubahlenga, kodwa bona baqamba amanga ngami.

UHosiya 8:5

Ngaleyisa ithole eladunyiswa nguwe, wena Samariya. Ukuthukuthela kwami kuyabavuthela. Koze kube nini uIsrayeli engahlanjululwanga na?

UHosiya 8:9

Ngoba njengobabhemi oduhileyo bayile eAsiriya ukudinga usizo. UEfrayimi uqatshile izithandwa ukuba zimsize.

uAmosi 3:10

Ngoba kabakwazi ukwenza okulungileyo, kutsho iNkosi, bagcwalisa inqaba zabo ngomvuzo wokugebenga lokuphanga.

uAmosi 3:9

Memezelani ezinqabeni zaseAsiriya lezinqabeni zaselizweni laseGibithe, lithi: Buthanani phezu kwezintaba zaseSamariya, libone iziphithiphithi ezinkulu eziphakathi kwalo lokucindezelwa okukilo.

uAmosi 8:14

Abafunga isithombe saseSamariya besithi: Ukuphila kukankulunkulu wakho, Dani! lokuthi: Indlela yaseBerisheba; bazakuwa, bangabe besavuka.

UMikha 6:16

Ngoba ligcinile izimiso zikaOmri, lenzile yonke imisebenzi yendlu kaAhabi, lahamba ngamacebo abo, ngakho ngizalichitha, labakhileyo benu babe yinhlekisa; lizakweyiswa ngabantu.

UMatewu 23:37

Hawu, Jerusalema, wena obulala abaprofethi, obakhanda ngamatshe labo abathunyiweyo kuwe! Bengithanda kangaka ukubuthela ndawonye abantwana bakho njengesikhukhukazi sibuthela amatsiyane aso ngaphansi kwamaphiko aso; kodwa kalivumanga.

ULukha 13:34

Hawu Jerusalema, Jerusalema, wena obulala abaprofethi, obakhanda ngamatshe labo abathunywe kuwe! Bengithanda kangakanani ukubuthela ndawonye abantwana bakho njengesikhukhukazi sibuthela amatsiyane aso ngaphansi kwamaphiko aso; kodwa kalivumanga.

ULukha 19:42

esithi: Kungathi ngabe wazile lawe ngalolusuku izinto eziletha ukuthula; kodwake zifihlakele emehlweni akho.