UHosiya 6:6 - iBhayibhili Elingcwele 1978

⁶ Ngoba ngifuna uthando olungapheliyo kulomhlatshelo, lokwazi uNkulunkulu kuleminikelo yokutshiswa.

IBhayibhili Elingcwele LesiNdebele

⁶ Ngoba mina ngifuna isihawu, hatshi umhlatshelo, lokwamukela uNkulunkulu kuleminikelo yokutshiswa.

UHosiya 6:6 Mawu Ofanana

1 ImiLando 28:9

Wenake, Solomoni mntanami, ubomazi uNkulunkulu kaIsrayeli, umkhonze ngenhliziyo yonke langengqondo evumayo; ngoba iNkosi iyazihlola zonke inhliziyo, iyawazi amacebo wonke lemicabango yonke. Uba wena uyidinga, izakuziveza kuwe; kodwa uba uyitshiya, izakukulahla kokuphela.

AmaHubo 50:8

Kangikusoli ngenxa yemihlatshelo yakho; iminikelo yakho yokutshiswa ihlala iphambi kwami.

Izaga 21:3

Ukwenza ukulunga lokufaneleyo kuyithokozisa iNkosi kakhulu kulemihlatshelo.

UmTshumayeli 5:1

Qaphelisa nxa usiya endlini kaNkulunkulu; ukusondela ukuba uzwe kungcono kulokunikela imihlatshelo yezithutha, ngoba zona kazazi ukuba zenza okubi.

U-Isaya 1:11

INkosi ithi: Iyini kimi imihlatshelo yenu eminengi na? Nganelisiwe yiminikelo yezinqama langamahwahwa okunonisiweyo; legazi lezinkunzi lelamawundlu lelezimpongo kalingithokozisi.

U-Isaya 58:6

Kayisikho lokhu ukuzila engikufunayo yini, ukuthukululwa kwezibopho zobubi, lokukhululwa kwemichilo yejogwe, ukuze bakhululeke abacindezelweyo, kwaphulwe wonke amajogwe na?

UJeremiya 22:16

Wayethonisa izindaba zabayanga labaswelayo; kwamlungela. Angithi yikho lokhu ukungazi mina na? kutsho iNkosi.

UJeremiya 7:22

Kodwa kangibalayanga okhokho benu ngendaba zeminikelo yokutshiswa lemihlatshelo mhla ngibakhupha elizweni laseGibithe.

UDanyeli 4:27

Ngakhoke, wena nkosi, akuzwe iseluleko sami; yekela izono zakho, wenze ukulunga, uyekele leziphambeko zakho ngokutshengisa isihawu kwabacindezelweyo, ukuba mhlawumbe ungahlala uchelesile okwesikhathi eside.

UHosiya 14:2

Lungisani amazwi enu, libuye eNkosini; lithi kiyo: Susa konke okubi kithi ukuba wamukele okuhle, sikudumise ngemilomo yethu.

UHosiya 2:20

Ngizazimisela wena ngeqiniso; uzangazi mina Nkosi.

UHosiya 4:1

Zwanini ilizwi leNkosi, lina bakoIsrayeli, ngoba iNkosi imangalela abakhileyo elizweni. Kakukho ukuthembeka lomusa lokumazi uNkulunkulu elizweni.

UHosiya 8:13

Lanxa benikela inyama yemihlatshelo, babuye bayidle, mina Nkosi kangiyikuyamukela. Ngizakukhumbula ububi babo, ngibatshaye ngenxa yezono zabo, babuyele eGibithe.

uAmosi 5:21

Ngiyayizonda, ngiyayidelela imikhosi yenu, kangithokozi ngezinkonzo zenu.

UMikha 6:6

Ngizakuza ngiphetheni eNkosini, ngikhothame phambi kukaNkulunkulu ophezulu na? Ngizakuza kuyo ngiphethe umnikelo wokutshiswa, ngilamathole alomnyaka owodwa na?

UMikha 6:8

Ikutshengisile okuhle, wena muntu, iNkosi ifunani kuwe na? Ifuna kuphela ukwenza ukulunga, lokuthanda okungapheliyo, lokuzithoba phambi kwayo.

UMatewu 12:7

Aluba belisazi ukuba kutsho ukuthini ukuthi: Ngifuna isihawu kulomhlatshelo; ngabe kalibalahlanga labo abangelacala.

UMatewu 5:7

Babusisiwe abalesihawu, ngoba bazakuhawukelwa.

UMatewu 9:13

Hambani lifunde ukuba lokhu kutshoni ukuthi: Ngifuna isihawu kulomhlatshelo. Ngoba angizanga ukubiza abalungileyo kodwa izoni.

UMakho 12:33

ukuyithanda ngenhliziyo yonke, langokuqedisisa konke, langamandla wonke, lokuthanda umakhelwane wakho njengalokhu umuntu ezithanda yena kuyedlula yonke iminikelo yokutshiswa lemihlatshelo.

UJoshuwa 5:5

Lanxa bonke abantu abaphuma eGibithe babesokiwe, kodwa labo ababezalelwe endleleni enkangala sebephumile eGibithe babengasokwanga.

1 UJohane 2:3

Lokho okutshengisa ukuthi siyamazi yikuba sigcine imilayo yakhe.

1 UJohane 3:6

Lowo ohlala kuye koni; lowo owonayo kambonanga, futhi kamazi.

1 USamuyeli 15:22

USamuweli wasesithi: Kambe iNkosi iyayithokozela yini iminikelo yokutshiswa lemihlatshelo, njengalokhu ithokozela ukulalelwa kwelizwi layo na? Khangela, ukulalela kuhle kulemihlatshelo, lokuqaphelisa kuhle kulamahwahwa ezinqama.