UHosiya 6:1 - iBhayibhili Elingcwele 1978

¹ Wozani sibuyele eNkosini, ngoba yona isilimazile, kanti izaselapha; isitshayile, kanti izakubopha amanxeba ethu.

IBhayibhili Elingcwele LesiNdebele

¹ “Wozani sibuyele kuThixo. Usesidabule saba yizicucu kodwa uzaselapha; usilimazile kodwa uzawabopha amanxeba ethu.

UHosiya 6:1 Mawu Ofanana

2 ImiLando 30:6

Ngakho izigijimi zahamba kulo lonke elakoIsrayeli lelakoJuda ziphethe incwadi ezivela enkosini lezikhulu zayo ezitsho ilizwi lenkosi elithi: Bantu bakoIsrayeli, buyelani eNkosini, uNkulunkulu kaAbrahama loIsaka loIsrayeli, ukuze ibuyele kulabo benu abaphunyukileyo ezandleni zamakhosi eAsiriya.

UJobe 16:9

Ungidlwengule ekuthukutheleni kwakhe, wangizonda. Ungigedlele amazinyo; isitha sami singicijisela amehlo.

UJobe 22:23

Uba ubuyela kuSomandla, uzithobe, ususa okubi khatshana lethente lakho,

UJobe 34:29

Lapho yena ethula, ngubani ongamlahla na? Lalapho efihla ubuso bakhe, ngubani ongambona na?

UJobe 5:18

Ngoba uyalimaza, abuye abophe amanxeba, atshaye, abuye apholise.

AmaHubo 30:7

Ngomusa wakho, Nkosi, wangiqinisa njengentaba; wabufihla ubuso bakho, ngaba lokwesaba.

AmaHubo 6:2

Woba lomusa kimi, Nkosi, ngoba ngibuthakathaka. Nkosi, ngisilisa, ngoba amathambo ami ayaqaqamba;

AmaHubo 71:20

Wena ongizwise inhlupheko ezinengi ezibuhlungu, uzakungivuselela futhi, ungikhuphe futhi enzikini yomhlaba.

UmTshumayeli 3:3

isikhathi sokubulala, lesikhathi sokuphilisa; isikhathi sokudiliza, lesikhathi sokwakha;

U-Isaya 17:7

Ngalolosuku abantu bazamkhumbula uMenzi wabo, amehlo abo akhangele koNgcwele kaIsrayeli;

U-Isaya 2:3

labantu abanengi bazakuza bathi: Wozani sikhwele entabeni yeNkosi; siye endlini kaNkulunkulu kaJakobe, ukuba asifundise indlela zakhe, ukuze sihambe endleleni zakhe. Ngoba kuzakuphuma umlayo eZiyone, lelizwi leNkosi eJerusalema.

U-Isaya 30:22

Lizakudela izithombe zenu ezibaziweyo, zananyekwa ngesiliva, lezithombe zenu ezibunjiweyo, zananyekwa ngegolide, liziphose njengezinto ezingcolileyo, lithi kuzo: Sukani lapha.

U-Isaya 30:26

Futhi ukukhanya kwenyanga kuzakuba njengokukhanya kwelanga, lokukhanya kwelanga kuphindwe kasikhombisa, kube ngangokukhanya kwensuku eziyisikhombisa, mhla iNkosi ibopha amanxeba abantu bayo, ipholisa izilonda zemivimvinya yabo.

U-Isaya 55:7

omubi katshiye indlela yakhe, longalunganga imicabango yakhe, abuyele eNkosini ezakuba lomusa kuye, lakuNkulunkulu wethu, ngoba uzamthethelela ngesihle.

UJeremiya 3:22

Buyani, lina bantwana abangathembekanga. Ngizakwelapha ukungathembeki kwenu. Lithi: Siyeza kuwe, ngoba wena uyiNkosi uNkulunkulu wethu.

UJeremiya 30:12

INkosi ithi: Ukulimala kwakho kakwelapheki, lesilonda sakho sibi.

UJeremiya 30:17

Ngoba ngizabuyisa ukusila kwakho, ngelaphe amanxeba akho, kutsho iNkosi. Ngoba bakubize ngokuthi: Ungolahliweyo, leZiyone elingafunwa muntu.

UJeremiya 33:5

AmaKaladiya azafika ukulwa, azigcwalise ngezidumbu zabantu engizababulala ekuthukutheleni kwami lasekufuthekeni kwami; ngoba lumuzi ngiwufihlele ubuso bami ngenxa yobubi babo bonke.

UJeremiya 33:6

Kodwa ngizawulethela ukuphila lokusiliswa; ngizabasilisa abantu bawo, ngibatshengise ukuphumelela lokulondoloza kwami okunengi.

UJeremiya 50:4

Ngalezonsuku langalesosikhathi, kutsho iNkosi, abantu bakoIsrayeli labantu bakoJuda bazabuthana ndawonye, bazahamba bekhala, bedinga iNkosi uNkulunkulu wabo.

UJeremiya 50:5

Bazabuza indlela eya eZiyone, bekhangele ngakulo, bathi: Wozani, sizihlanganise leNkosi ngesivumelwano esingapheliyo esingayikukhohlakala.

Izililo 3:11

Ingiphambukisile endleleni yami, yangidabudabula, yangitshiya ngize.

UHosiya 11:10

Bazayilandela iNkosi ezabhonga njengesilwane; yebo, izabhonga, lamadodana ayo azavela entshonalanga ngokuphangisa.

UHosiya 12:6

Ngakhoke, wena, ngokusizwa nguNkulunkulu wakho, buyela, ubambelele othandweni lakokufaneleyo, uthembe kuNkulunkulu wakho njalonjalo.

UHosiya 14:1

Buyela eNkosini, uNkulunkulu wakho, Israyeli. Ngoba ukhutshwe yibubi bakho.

UHosiya 14:4

INkosi ithi: Ngizakwelapha ukungathembeki kwabo, ngibathande ngenhliziyo yami yonke, ngoba ukubathukuthelela kwami sekuphelile kibo.

UHosiya 3:5

Emva kwalokho abakoIsrayeli bazabuya bayidinge iNkosi uNkulunkulu wabo, loDavida inkosi yabo. Bazabuya eNkosini besesaba, beze lasekulungeni kwayo ensukwini ezizayo.

ULevi 14:48

Kodwa nxa umpristi esengenile, abone ukuthi leyonto ebolisayo kayiqhelanga endlini emva kokubhadwa kwendlu, uzakutsho ukuthi indlu ihlambulukile, ngoba leyonto isiphelile.

UZefaniya 2:1

Buthana, yebo buthana, wena sizwe esingelanhloni,

UDutheronomi 32:39

Bonani ukuthi mina nginguye, kakho omunye unkulunkulu ngaphandle kwami; ngiyabulala, ngisilise; ngiyalimaza, ngelaphe; kakho ongakhulula esandleni sami.

1 USamuyeli 2:6

INkosi yiyo ebulalayo lephilisayo, leyehlisela abantu endaweni yabafileyo ibuye ibabuyise futhi.

1 USamuyeli 7:3

USamuweli wakhuluma kuyo yonke indlu kaIsrayeli wathi: Uba ukubuyela kwenu eNkosini kungokwenhliziyo yenu yonke, khuphani onkulunkulu bezizweni lezithombe zikankulunkulukazi uAshitorethi phakathi kwenu, liqondise inhliziyo zenu eNkosini, likhonze yona yodwa, izakulophula kumaFilistiya.