UHosiya 5:13 - iBhayibhili Elingcwele 1978

¹³ Kwathi lapho uEfrayimi ebona umkhuhlane wakhe, loJuda ebona isilonda sakhe, uEfrayimi wasesiya eAsiriya, wathumela ilizwi enkosini enkulu. Kodwa kayilamandla ukulelapha, lokupholisa izilonda zenu.

IBhayibhili Elingcwele LesiNdebele

¹³ Kwathi u-Efrayimi ebona umkhuhlane wakhe, loJuda ebona izilonda zakhe, u-Efrayimi waya e-Asiriya, wathumela ilizwi loncedo enkosini enkulu. Kodwa kayenelisi ukukwelapha, kayenelisi ukwelapha izilonda zakho.

UHosiya 5:13 Mawu Ofanana

2 AmaKhosi 15:19

Ensukwini zakhe uPuli inkosi yaseAsiriya walihlasela ilizwe; uMenahema wanika uPuli amathalenta esiliva ayinkulungwane ukuba amsize ukuqinisa umbuso wakhe.

2 AmaKhosi 15:29

Ensukwini zikaPeka inkosi yakoIsrayeli uTigilathi‐Pileseri inkosi yaseAsiriya wafika wathumba iIjoni, leAbeli‐Beti‐Mahaka, leJanowa, leKedeshi, leHazori, leGileyadi, leGalili, lonke ilizwe lakoNafitali; wathumba abantu, wabesa eAsiriya.

2 AmaKhosi 16:7

UAhazi wasethumela izithunywa kuTigilathiPileseri inkosi yaseAsiriya esithi: Ngiyinceku yakho lendodana yakho; akuze ungophule esandleni senkosi yaseSiriya lesandleni senkosi yakoIsrayeli abangihlaselayo.

U-Isaya 3:7

umfowabo uzaphendula athi: Kangiyikuba ngumsizi, ngoba endlini yami kakulakudla lengubo; kaliyikungenza ngibe ngumbusi wabantu.

UJeremiya 30:12

INkosi ithi: Ukulimala kwakho kakwelapheki, lesilonda sakho sibi.

UHezekhiyeli 23:5

UOhola wawula esesengowami, wakhanuka izithandwa zakhe amaAsiriya,

UHosiya 10:6

Yebo, lona lizathwalelwa eAsiriya, libe ngumthelo enkosini enkulu. UEfrayimi uzayangeka, loIsrayeli abe lenhloni ngokungalaleli kwakhe.

UHosiya 12:1

UEfrayimi uhamba lomoya, alandele umoya wasempumalanga usuku lonke; bayandisa amanga lesihluku, benze isivumelwano leAsiriya, base amafutha eGibithe.

UHosiya 14:3

IAsiriya kaliyikusisiza, kasisayikugada amabhiza; kasisayikutsho kuzo izithombe zethu ukuthi: UnguNkulunkulu wethu. Kuwe intandane iyafumanisa umusa.

UHosiya 2:7

Uzathungatha izithandwa zakhe, kodwa angazifici; uzazidinga, kodwa angazifumani. Abesesithi: Sengizabuyela endodeni yami yokuqala, ngoba kwakungcono kimi ngalesosikhathi kulakhathesi.

UHosiya 7:11

UEfrayimi unjengejuba eliyisiphukuphuku elingelangqondo; ucela usizo eGibithe, abuye alucele eAsiriya.

UHosiya 8:9

Ngoba njengobabhemi oduhileyo bayile eAsiriya ukudinga usizo. UEfrayimi uqatshile izithandwa ukuba zimsize.

UMikha 1:9

Ngoba amanxeba alo kawapholi, lokhu sekufikile lakoJuda; kufinyelele esangweni labantu bami eJerusalema.