UHosiya 4:13 - iBhayibhili Elingcwele 1978

¹³ Benza imihlatshelo engqongeni zentaba, banikela iminikelo phezu kwamaqaqa, ngaphansi kwezihlahla ezinkulu, langaphansi kwemikhaya emhlophe. Langaphansi kwezihlahla ezinkulu lezilamahlamvu ngoba zilemithunzi emihle. Ngakhoke amadodakazi enu ayawula, labalobokazi benu bayafeba.

IBhayibhili Elingcwele LesiNdebele

¹³ Banikela imihlatshelo ezingqongweni zezintaba batshise iminikelo phezu kwamaqaqa, ngaphansi komʼokhi, lomphophila kanye lomtherebhinti, lapho okulomthunzi omnandi. Ngakho amadodakazi enu enza ubuwule, labomalukazana benu benze ubufebe.

UHosiya 4:13 Mawu Ofanana

2 AmaKhosi 17:7

Lokhu kwenzeka ngoba abantu bakoIsrayeli babonile eNkosini uNkulunkulu wabo eyayibakhuphe eGibithe esandleni sikaFaro inkosi yaseGibithe. Basebekhonza abanye onkulunkulu,

2 AmaKhosi 23:7

Wadiliza izindlu zamadoda angamawule ezazikhona ethempelini lapho abesifazana babesalukela khona amaveli kankulunkulukazi uAshera.

U-Isaya 1:29

Lizakuba lenhloni ngezihlahla ezinkulu elalithokoza ngazo, linyukumale ngamasimu eliwakhethileyo.

U-Isaya 57:5

lina elitsha ngenkanuko phakathi kwezihlala ezinkulu, ngaphansi kwazo zonke izihlahla eziluhlaza, elibulalela abantwana benu ezihotsheni, langaphansi kweminkenke yamawa na?

U-Isaya 57:7

Phezu kwentaba ende ephakemeyo ubekile umbheda wakho, wakhwela ukuyanikela khona umhlatshelo.

UJeremiya 2:20

Wephula ijogwe lakho endulo, waziqamula izibopho zakho, wathi wena: Kangizukukukhonza. Kodwa phezu kwazo zonke intaba, langaphansi kwezihlahla zonke eziluhlaza, walala njengesifebe.

UJeremiya 3:13

Vuma kuphela icala lakho ukuthi uyihlamukele iNkosi uNkulunkulu wakho, wakhonza onkulunkulu bezizweni ngaphansi kwazo zonke izihlahla eziluhlaza, lokuthi kawulalelanga ilizwi lami, kutsho iNkosi.

UJeremiya 3:6

INkosi yathi kimi ensukwini zenkosi uJosiya: Ubonile okwenziwe nguIsrayeli ongathembekanga na? Ukhwelile kuzo zonke intaba, langaphansi kwezihlahla zonke eziluhlaza uphingile khona.

UJeremiya 44:8

Kungani lingithukuthelisa ngezithombe zenu, litshisela abanye onkulunkulu impepha eGibithe lapho selihlala khona, ukuze libhujiswe, liphenduke into yokuthukwa leyokuhlekwa phakathi kwazo zonke izizwe zasemhlabeni na?

UHezekhiyeli 16:16

Wathatha ezinye izambatho zakho, wacecisa ngazo indawo zokukhonzela, wawulela lapho.

UHezekhiyeli 16:25

emahlanganweni endlela zonke wazakhela indawo ephakemeyo, wangcolisa ubuhle bakho uzinikela kibo bonke abadlulayo, usandisa ukuwula kwakho.

UHezekhiyeli 6:13

Lizakwazi ukuba ngiyiNkosi nxa ababuleweyo babo sebelele phakathi kwezithombe zabo, behanqe ama‐altare abo, phezu kwawo wonke amaqaqa amade, lasezingqongeni zonke zezintaba, langaphansi kwazo zonke izihlahla eziluhlaza, langaphansi kwazo zonke izihlahla ezinkulu ezilamahlamvu, loba kungaphi lapho bebenikela khona ngephunga elimnandi kuzo zonke izithombe zabo.

UHosiya 10:8

Indawo eziphakemeyo zokukhonzela ezilize eziyisono sikaIsrayeli zizachithwa; ameva lokhula kuzamila emaaltareni abo. Bazakuthi ezintabeni: Sisibekeleni; bathi lasemaqaqeni: Welani phezu kwethu.

UHosiya 11:2

Kwathi ngibabiza, kwaba ng’khona besuka kimi; baqhubeka ukuhlabela oBali lokutshisela izithombe impepha.

UHosiya 2:13

Ngizamtshaya ngenxa yezinsuku zemikhosi yaboBali, ayebatshisela ngazo impepha, ezicecisa ngamasongo langamangqongqo, walandela izithandwa zakhe, wangikhohlwa, kutsho iNkosi.

uAmosi 7:17

INkosi yona ithi: Umkakho uzakuba liwule phakathi komuzi; amadodana lamadodakazi akho azabulawa yimpi, lelizwe lakini lizadatshulwa phakathi ngentambo; wenake uzakufela elizweni elingcolileyo, uIsrayeli athunjelwe elizweni elikhatshana.