UHosiya 3:4 - iBhayibhili Elingcwele 1978

⁴ Ngoba abakoIsrayeli bazahlala insuku ezinengi bengelankosi lombusi, lomhlatshelo, lensika yokukhonzela, bengelangubo yamahlombe, lezithombe ezithiwa ngamaterafi.

IBhayibhili Elingcwele LesiNdebele

⁴ Ngoba abako-Israyeli bazahlala insuku ezinengi bengelankosi kumbe inkosana, bengelamhlatshelo kumbe amatshe angcwele, bengelasembatho semahlombe kumbe isithombe.

UHosiya 3:4 Mawu Ofanana

UGenesisi 31:19

ULabani esehambile ukuyagunda izimvu zakhe, uRaheli weba izithombe zikayise.

UGenesisi 31:34

URaheli wayezithethe izithombe, wazifaka esihlalweni sekamela, wahlala phezu kwazo. ULabani wadinga ethenteni lonke kodwa kazitholanga.

UGenesisi 49:10

Intonga yobukhosi kayiyikusuka kuJuda, lodondolo lokubusa phakathi kwenyawo zakhe, aze afike lowo ofanele lona, labantu bonke bamlalele.

2 USamuyeli 6:14

UDavida wasina phambi kweNkosi ngamandla akhe wonke; wayegqoke ingubo yamahlombe yelembu elihle.

2 AmaKhosi 23:24

UJosiya wasusa abalamadlozi, labathakathi, lezithombe ezithiwa amaterafi, lezinye izithombe, lawo wonke amanyala okwakukhona elizweni lakoJuda laseJerusalema, ukuze aqinise amazwi omlayo ayelotshwe encwadini uHilikiya umpristi ayifumana ethempelini.

2 ImiLando 15:2

waphuma ukuhlangabezana loAsa, wathi kuye: Lalela, Asa, lani lonke abakoJuda labakoBenjamini; iNkosi uNkulunkulu ilani nxa lani liselayo. Uba liyidinga, izalivumela ukuba liyifumane; kodwa uba liyilahla, layo izalilahla.

U-Eksodasi 28:4

Yilezi izambatho abazakuzenza; ingubo yesifuba lengubo yamahlombe, lesigqoko, lebhatshi elilamabala, leqhiye, lebhanti; bamenzele uAroni umfowenu lamadodana akhe izambatho ezingcwele ukuba babe ngabapristi bokuphatha umsebenzi wami.

U-Eksodasi 28:6

bayenze ingubo yamahlombe ngelembu elihle lentambo ephothiweyo yegolide leluhlaza leyibubende lebomvu, kube ngumsebenzi wengcitshi.

Izililo 2:9

Amasango alo atshonile phansi, idilizile yephula imigoqo yalo. Inkosi yalo lezikhulu zalo sebesezizweni, kakuselamthetho; labaprofethi balo kabasamukeli umbono eNkosini.

UHezekhiyeli 19:14

Umlilo ulumethe esigodweni saso, watshisa ingatsha zaso lezithelo zaso, ukuze kungasali isigodo esiqinileyo sokwenza intonga yombusi. Lesi yisililo esesisetshenziswa.

UHezekhiyeli 20:32

Umcabango elilawo kawuyikwenzeka othi: Asifane lezizwe, labantu bamanye amazwe abakhonza isigodo lelitshe.

UHezekhiyeli 21:21

Ngoba inkosi yaseBabiloni isimi ekwahlukaneni kwendlela, ekuhlanganeni kwendlela ezimbili, ukuvumisa khona; ikhahlazisa imitshoko, ibuza izithombe ezithiwa ngamaterafi, ihlole izibindi zomhlatshelo.

UHezekhiyeli 21:31

ngehlisele ukuthukuthela kwami phezu kwakho, ngikuthungele ngomlilo wolaka lwami, ngikunikele ezandleni zabantu abalolunya, abakwaziyo ukubulala.

UDanyeli 11:31

Izimpi zakhe zizafika zingcolise ithempeli lenqaba, zisuse umnikelo otshiswa insuku zonke, zimise amanyala aletha ukuchitheka.

UDanyeli 12:11

Kusukela esikhathini sokususwa komnikelo otshiswa insuku zonke, lamanyala aletha ukuchitheka esemisiwe, kuzakuba zinsuku eziyinkulungwane lamakhulu amabili lamatshumi aficamunwemunye.

UDanyeli 9:27

Umbusi uzakwenza isivumelwano esiqinileyo labanengi okweminyaka eyisikhombisa, kuthi phakathi kwayo ayivale imihlatshelo leminikelo; phakathi kwalokho ukuchitheka kufike umchithi, kuthi ekucineni kufike lokho okumisiweyo mayelana lomchithi.

UHosiya 13:10

Ingaphi inkosi yakho khathesi ukuba ikusize? Bangaphi ababusi bakho bonke ukuba bakuvikele? labo owathi ngabo: Nginike inkosi lababusi.

UHosiya 13:11

Ngikunikile amakhosi ekuthukutheleni kwami, ngawasusa ngolaka lwami.

UHosiya 2:11

Ngizaqeda konke ukuthokoza kwakhe, amadili akhe, lokuthwasa kwenyanga, lamaSabatha akhe, lemikhosi yakhe yonke emisiweyo.

ULevi 8:7

UAroni wamambathisa ibhatshi, wambopha ngebhanti, wamgqokisa isigqoko lengubo yamahlombe, wambopha ngebhanti elalukiweyo lengubo yamahlombe, wayibophela kuye ngalo.

UZakhariya 10:2

Ngoba izithombe ezithiwa amaterafi zikhuluma ize, labalumbi babona okungamanga, labaphuphi balandisa amaphupho ayinkohliso, ukududuza kwabo kuyize. Ngakhoke abantu bayahambahamba njengezimvu, bahlupheke ngoba bengelamalusi.

UZakhariya 13:2

Kuzakuthi ngalolosuku, kutsho iNkosi yamabandla, ngiqede amabizo ezithombe elizweni, zingabe zisakhunjulwa futhi; ngizaqeda labaprofethi lomoya ongcolileyo.

ULukha 21:24

Bazakuwa bedliwa ngumkhonto, bathunjelwe ezizweni zonke; leJerusalema linyathelwe phansi ngabezizwe, kuze kugcwaliseke izikhathi zabezizwe.

UJohane 19:15

Kodwa bamemeza bathi: Msuse, msuse, mbethele! UPilatu wathi kubo: Ngibethele inkosi yenu na? Abapristi abakhulu baphendula bathi: Kasilankosi thina, ngaphandle kukaKesari.

AmaHebheru 10:26

Ngoba uba sisona ngabomu emva kokuba samukele ukwazi iqiniso, kakusekho umnikelo ngezono,

Abahluleli 17:5

UMika wayelendlu yokukhonzela, wenza izithombe, wamisa omunye wamadodana akhe ukuba abe ngumpristi wakhe.

Abahluleli 18:14

Amadoda amahlanu ayehambile ukuhlola ilizwe laseLayishi athi kubafowabo: Liyazi nje ukuthi kulezizindlu kukhona ingubo yamahlombe lezithombe ezathiwa ngamaterafi lesithombe sesiliva na? Ake licabange ukuba lizakwenzani.

Abahluleli 8:27

UGidiyoni wenza ngakho isithombe, wasibeka emzini wakhe iOfira. AbakoIsrayeli bonke benza okubi, basikhonza khona; saba ngumjibila kuGidiyoni lendlu yakhe.

1 USamuyeli 14:3

UAhija indodana kaAhitubi, umfowabo kaIkabodi indodana kaFiniyasi indodana kaEli, umpristi weNkosi eShilo, wayembethe ingubo yamahlombe. Abantu babengazi ukuba uJonathani uhambile.

1 USamuyeli 15:23

Ngoba ukuhlamuka kufana lesono sokuvumisa, lenkani ifana lobubi lokukhonza izithombe. Ngoba ulilahlile ilizwi leNkosi, layo ikulahlile wena ukuba ungabe usaba yinkosi.

1 USamuyeli 2:18

USamuweli wayekhonza iNkosi engumfana egqoka ingubo yamahlombe yelembu elihle.

1 USamuyeli 21:9

Umpristi wathi: Umhedla kaGoliyathi umFilistiya, owambulala esigodini saseEla, ukhona lapho ngemva kwengubo yamahlombe, ugoqelwe ngelembu; uba uthanda ukuwuthatha, uthathe, ngoba kawukho omunye lapha ngaphandle kwawo. UDavida wathi: Kawukho ofana lalowo; nginika wona.

1 USamuyeli 22:18

Inkosi yasisithi kuDowegi: Sondela wena, ubabulale abapristi. UDowegi waseEdoma wasondela, wabasukela abapristi, wabulala ngalolosuku abantu abangamatshumi aficaminwembili lanhlanu ababegqoke ingubo zamahlombe.

1 USamuyeli 23:6

Kwathi lapho uAbiyatha, indodana kaAhimeleki ebalekela kuDavida eKeyila, wafika ephethe ingubo yamahlombe.

1 USamuyeli 23:9

UDavida wezwa ukuba uSawuli wenza icebo elibi ngaye; wathi kuAbiyatha umpristi: Letha lapha ingubo yamahlombe.

1 USamuyeli 30:7

UDavida wasesithi kuAbiyatha umpristi indodana kaAhimeleki: Akungilethele ingubo yamahlombe. UAbiyatha waseyiletha ingubo yamahlombe kuDavida.