UHosiya 3:1 - iBhayibhili Elingcwele 1978

¹ INkosi yathi kimi: Hamba futhi, uthande owesifazana othandwa yisithandwa sakhe loyisifebe, njengoba iNkosi ithanda abakoIsrayeli, lanxa bephendukela kwabanye onkulunkulu, bethanda izinkwa zezithelo ezomisiweyo zevini ezinikelwa ezithombeni.

IBhayibhili Elingcwele LesiNdebele

¹ UThixo wasesithi kimi, “Hamba, utshengisele uthando lwakho kumkakho futhi, lanxa nje ethandwa ngomunye njalo eyisifebekazi. Mthande njengoThixo ethanda abako-Israyeli, lanxa baphendukela kwabanye onkulunkulu njalo bethanda amakhekhe ezithelo ezonyisiweyo.”

UHosiya 3:1 Mawu Ofanana

2 USamuyeli 6:19

Wababela abantu bonke bakoIsrayeli, abesilisa labesifazana, kwaba yilowo lalowo isinkwa, leqatha lenyama, lesinkwa sezithelo zevini ezomisiweyo. Basebehambake abantu bonke, baya emakhaya abo.

2 AmaKhosi 13:23

Kodwa iNkosi yaba lomusa kibo, yabazwela isihawu, yabakhumbula ngenxa yesivumelwano sayo loAbrahama Iolsaka IoJakobe, kayaze yababhubhisa, kayibaxotshanga ngaphambi kwayo kuze kube lamhla.

1 ImiLando 16:3

wababela abakoIsrayeli bonke abesilisa labesifazana, kwaba yilowo lalowo isinkwa, leqatha lenyama, lesinkwa sezithelo zevini ezomisiweyo.

UNehemiya 9:31

Kanti ngomusa wakho omkhulu kawubaqedanga, kawubatshiyanga; ngoba wena unguNkulunkulu olomusa lesihawu.

AmaHubo 123:2

Khangela, njengalokhu amehlo ezinceku ekhangela esandleni senkosi yazo, lamehlo encekukazi ekhangela esandleni senkosikazi yayo, ngokunjalo amehlo ethu akhangela eNkosini uNkulunkulu wethu, ukuze ibe lesihawu kithi.

U-Eksodasi 32:6

Abantu bavuka ekuseni, banikela iminikelo yokutshiswa, baletha iminikelo yokuthula; bahlala phansi ukuba badle banathe, basebesukuma ukuba bagide.

Ingoma 2:5

Ngisekelani ngezithelo zevini ezomisiweyo, lingiqinise ngomqokolo, ngoba ngiguliswa luthando.

U-Isaya 45:22

Phendukelani kimi likhululwe, lina lonke bantu basemhlabeni wonke. Ngoba nginguNkulunkulu, kakho omunye.

UJeremiya 3:20

Impela, njengomfazi ongathembekanga etshiya umkakhe, lawe ungikhohlisile, wena ndlu kaIsrayeli, itsho iNkosi.

UJeremiya 31:20

Kambe uEfrayimi uyindodana yami yini eligugu kimi, ungumntwana wami othandekayo na? Ngoba lapho ngikhuluma ngokubi ngaye, ngiyamkhumbula. Ngakho inhliziyo yami iyamlangatha; impela ngizakuba lesihawu kuye, kutsho iNkosi.

UHosiya 11:8

Ngizakukulahla kanjani, Efrayimi? Ngizakukunikela kanjani, Israyeli? Ngizakukwenza kanjani ube njengeAdima? Ngizakukuphatha kanjani njengeZeboyimi na? Inhliziyo iyala phakathi kwami, lesihawu sami siyaqubuka.

UHosiya 2:5

Ngoba unina wabo uwulile, owabazalayo wenzile ihlazo. Ngoba wathi: Ngizazilandela izithandwa zami, ezingipha ukudla lamanzi, loboya bezimvu, lesikusha, lamafutha lokunathwayo.

UHosiya 4:11

Iwayini elidala lelitsha liyaqeda ukuqedisisa kwabantu bami;

UHosiya 7:5

Ngosuku lwedili lenkosi ababusi bayadakwa liwayini elibukhali, lenkosi izihlanganise lezidakwa.

uAmosi 2:8

Bacambalala emaceleni awo wonke ama‐altare engutsheni ezinikwe zaba yisibambiso, banathe endlini kaNkulunkulu wabo iwayini labahlawulisiweyo.

uAmosi 6:6

benatha iwayini ngezinkamba, bazigcobe ngamagcobo amahle, kodwa kabadabukeli ukuchitheka kukaJosefa.

UMikha 7:7

Kodwa mina ngizalindela iNkosi, ngilindele uNkulunkulu wokusiliswa kwami; uNkulunkulu wami uzakungizwa.

UZakhariya 1:16

Ngalokhoke, kutsho iNkosi, sengibuyile eJerusalema ngilesihawu; indlu yami izakwakhiwa kulo, kutsho iNkosi yamabandla, lentambo yokulinganisa izatshonjululwa phezu kweJerusalema.

UMatewu 26:50

UJesu wathi kuye: Mngane, yenza lokho oze ukukwenza. Basebesondela, bamdumela uJesu, bambamba.

1 AbaseKhorinte 10:21

Lingenathe inkezo yeNkosi lenkezo yomoya ababi; lingehlanganyele isithebe seNkosi lesithebe somoya ababi.

1 AbaseKhorinte 10:7

Lingabi ngabakhonza izithombe njengabanye babo, njengokulotshiweyo kokuthi: Abantu bahlala phansi ukuba badle, banathe, basukuma ukuba bagide.

1 UPhethro 4:3

Isikhathi esedlulileyo sanele ukwenza okuthandwa ngabezizwe, ukuhamba ngamanyala, langezinkanuko, langokudakwa, langokuminza, langokuxokozela, langokukhonza izithombe.

Abahluleli 10:16

Basebekhupha onkulunkulu bezizweni phakathi kwabo, bakhonza iNkosi eyayingebe isakumela ukuhlupheka kukaIsrayeli.

Abahluleli 9:27

Basuka baya emasimini, bakha izithelo zamavini ezivinini zabo, benza iwayini ngazo, benza idili, bangena endlini kankulunkulu wabo, badla banatha, bamthuka uAbimeleki.