UHosiya 2:5 - iBhayibhili Elingcwele 1978

⁵ Ngoba unina wabo uwulile, owabazalayo wenzile ihlazo. Ngoba wathi: Ngizazilandela izithandwa zami, ezingipha ukudla lamanzi, loboya bezimvu, lesikusha, lamafutha lokunathwayo.

IBhayibhili Elingcwele LesiNdebele

⁵ Unina ubeyisifebe, njalo ubemule ngehlazo. Wathi, ‘Ngizazilandela izithandwa zami, ezingipha ukudla kwami lamanzi ami, iwulu yami lamalembu ami, amafutha ami lokunathwayo kwami.’

UHosiya 2:5 Mawu Ofanana

U-Isaya 1:21

Yeka umuzi othembekileyo usuphenduke waba liwule, wona owawugcwele okufaneleyo! Ukulunga kwakuhlezi phakathi kwawo, kodwa khathesi sekuhlala ababulali.

U-Isaya 50:1

INkosi ithi: Ingaphi incwadi yesahlukaniso engimlahle ngayo unyoko na? Loba ngubani engilesikwelede kuye engilithengise kuye na? Khangelani, lathengiswa ngenxa yobubi benu, lonyoko walahlwa ngenxa yeziphambeko zenu.

UJeremiya 11:13

Ngoba onkulunkulu bakho banengi njengemizi yakho, wena Juda, lamaaltare owakhele into elehlazo manengi njengezindlela zeJerusalema amaaltare okutshisela uBali impepha.

UJeremiya 13:22

Uba lisithi enhliziyweni zenu: Lezizinto zehleleleni phezu kwethu na? Ngenxa yobukhulu bokona kwenu izidwaba zenu zambuliwe, lehlelwa yikuhlupheka.

UJeremiya 2:20

Wephula ijogwe lakho endulo, waziqamula izibopho zakho, wathi wena: Kangizukukukhonza. Kodwa phezu kwazo zonke intaba, langaphansi kwezihlahla zonke eziluhlaza, walala njengesifebe.

UJeremiya 6:8

Xwayiseka, wena Jerusalema, funa ngikutshiye, ngikuchithe ube yindawo elunxiwa.

UHezekhiyeli 16:35

Ngakhoke, wena wule, zwana ilizwi leNkosi.

UHezekhiyeli 16:39

Ngizakukunikela ezandleni zezithandwa zakho, zizadiliza ithala lakho, zibhidlize indawo zakho eziphakemeyo, zikuhlubule izambatho zakho, zikuthathele iziceco zakho ezinhle, zikutshiye unqunu.

UHezekhiyeli 16:4

Ngosuku owazalwa ngalo inkaba yakho kayiqunywanga, kawugeziswanga langamanzi ukuba uhlambuluke, kawugcotshwanga langetshwayi, kawugoqelwanga ngamalembu.

UHosiya 1:2

Lapho iNkosi iqalisa ukukhuluma ngoHoseya yathi kuye: Hamba uyethatha umfazi oliwule, uzale abantwana bokuwulwa; ngoba ilizwe leli liyawula kakhulu ngokudela iNkosi.

UHosiya 2:2

Solani unyoko, limsole, ngoba kasuye umkami, lami kangisiyo indoda yakhe, ukuba ayekele ukuwula kwakhe, asuse izigqizo zokufeba kwakhe emabeleni akhe,

UHosiya 2:8

Wayengakwazi ukuba kwakuyimi engangimnika amabele lewayini elitsha lamafutha, ngimnika isiliva esinengi legolide elinengi abakusebenzisela uBali.

UHosiya 3:1

INkosi yathi kimi: Hamba futhi, uthande owesifazana othandwa yisithandwa sakhe loyisifebe, njengoba iNkosi ithanda abakoIsrayeli, lanxa bephendukela kwabanye onkulunkulu, bethanda izinkwa zezithelo ezomisiweyo zevini ezinikelwa ezithombeni.

UHosiya 4:5

Uzakhubeka emini lebusuku, umprofethi uzakhubeka kanye lawe; uyasibulala isizwe sakini.

UHosiya 8:9

Ngoba njengobabhemi oduhileyo bayile eAsiriya ukudinga usizo. UEfrayimi uqatshile izithandwa ukuba zimsize.

UHosiya 9:10

INkosi ithi: Ngamfumana uIsrayeli njengezithelo zevini egangeni, ngababona okhokho babo njengezithelo zokuqala zomkhiwa. Kodwa bafika eBali‐Peyori, bazinikela kuBali, baba yisinengiso njengento abayithandileyo.

uAmosi 8:13

Ngalolosuku intombi ezinhle lezinsizwa zizaqaleka ngenxa yokoma.

Abahluleli 16:23

Izikhulu zamaFilistiya zabuthana ukuba zihlabele uDagoni unkulunkulu wazo umhlatshelo omkhulu, zithokoze, zathi: Unkulunkulu wethu unikele isitha sethu uSamsoni ezandleni zethu.