UHosiya 2:12 - iBhayibhili Elingcwele 1978

¹² Ngizagamula izihlahla zakhe zamavini lezemikhiwa, atsho ngazo ukuthi: Lezi zingumvuzo wami, izithandwa zami ezinginike wona. Ngizazenza zibe ligusu, zidliwe zinyamazana zeganga.

IBhayibhili Elingcwele LesiNdebele

¹² Ngizatshabalalisa izivini zakhe lezihlahla zakhe zemikhiwa, lokhu athi yinhlawulo yakhe evela kuzithandwa zakhe; ngizazenza zibe liguswanyana zidliwe yizinyamazana zeganga.

UHosiya 2:12 Mawu Ofanana

AmaHubo 80:12

Uyibhidlizeleni imiduli yalo, ukuze balikhe bonke abadlula ngendlela na?

U-Isaya 29:17

Kuselesikhatshana nje ukuba iLebanoni liphendulwe libe yinsimu, lensimu iphendulwe ibe lihlathi.

U-Isaya 5:5

Sengizakulitshela engizakukwenza esivinini sami. Ngizakuqhaqha uthango lwaso ukuze sidliwe, ngidilize umduli waso ukuze sigxotshwe.

U-Isaya 7:23

Kuthi ngalolosuku, lapho okwakukhona amavini ayinkulungwane alingana lenhlamvu zesiliva eziyinkulungwane, kube khona ameva lokhula.

UJeremiya 13:26

Mina uqobo ngizakwembula izidwaba zakho, kubonakale ubuze bakho.

UJeremiya 26:18

UMika waseMoreshethi watshumayela ensukwini zikaHezekiya, inkosi yakoJuda, wathi kibo bonke abantu bakoJuda: INkosi yamabandla ithi: IZiyone lizalinywa njengensimu; iJerusalema libe lunxiwa oludilikileyo, lentaba okwakhiwe kuyo ithempeli ibe lisandle.

UJeremiya 5:17

Bazakudla amabele akho lokudla kwakho, badle amadodana akho lamadodakazi akho, badle izimvu zakho lenkomo zakho, badle amavini akho lemikhiwa yakho; lemizi yakho ebiyelweyo othembela kiyo, bazayichitha.

UJeremiya 8:13

Bengithanda ukubabutha, kutsho iNkosi, kodwa kazikho izithelo evinini, lomkhiwa kawukho; ngitsho lamahlamvu abunile, lalokho engibanike khona kusukile kibo.

UHosiya 13:8

ngikudumele njengebhere elithathelwe imidlwane yalo, ngidabule isifuba sakho, ngikudlele lapho njengesilwane, ngikudabudabule njengesilo.

UHosiya 2:5

Ngoba unina wabo uwulile, owabazalayo wenzile ihlazo. Ngoba wathi: Ngizazilandela izithandwa zami, ezingipha ukudla lamanzi, loboya bezimvu, lesikusha, lamafutha lokunathwayo.

UHosiya 5:14

Ngizakuba njengesilwane koEfrayimi, ngibe njengesilwane koJuda. Mina, uqobo lwami, ngizakubadabudabula, besengihamba, ngibathwale njengempango yami, kungabi khona ongamukayo.

UHosiya 9:1

Ungajabuli, wena Israyeli, ungathokozi njengabezizwe, ngoba uwulile ngokutshiya uNkulunkulu wakho; uthandile umvuzo wewule ezizeni zonke.

UMikha 3:12

Ngakhoke ngenxa yenu iZiyone lizalinywa njengensimu, leJerusalema libe lunxiwa oludilikileyo, lentaba yethempeli iphenduke ibe lihlathi.