UHosiya 14:3 - iBhayibhili Elingcwele 1978

³ IAsiriya kaliyikusisiza, kasisayikugada amabhiza; kasisayikutsho kuzo izithombe zethu ukuthi: UnguNkulunkulu wethu. Kuwe intandane iyafumanisa umusa.

IBhayibhili Elingcwele LesiNdebele

³ I-Asiriya ayingeke isikhulule; kasiyikugada amabhiza empi. Kasisoze siphinde sithi, ‘Onkulunkulu bethu’ kulokho okwenziwa yizandla zethu, ngoba abazintandane bathola isihawu kuwe.”

UHosiya 14:3 Mawu Ofanana

2 ImiLando 16:7

Ngalesosikhathi uHanani umboni wafika kuAsa inkosi yakoJuda, wathi kuye: Ngoba uthembele enkosini yaseSiriya, ungathembelanga eNkosini uNkulunkulu wakho, impi yenkosi yakoIsrayeli ikuphunyukile.

AmaHubo 10:14

Uyabona wena, yebo, uyabona ukukhathazeka lenhlupheko ukuze ukubeke ezandleni zakho. Ongelamandla uyazinikela kuwe; wena ungumsizi wezintandane.

AmaHubo 146:3

Lingathembi izikhulu, lomuntu okungekho kuye usizo.

AmaHubo 146:9

INkosi iyazigcina izihambi, isekele umfelwakazi lezintandane; kodwa indlela yababi iyayichitha.

AmaHubo 33:17

Ibhiza liyize ekunqobeni, kalisizi ngamandla alo amakhulu.

AmaHubo 68:5

UYise wezintandane lomvikeli wabafelwakazi nguNkulunkulu endlini yakhe engcwele.

U-Isaya 1:29

Lizakuba lenhloni ngezihlahla ezinkulu elalithokoza ngazo, linyukumale ngamasimu eliwakhethileyo.

U-Isaya 2:20

Ngalolosuku abantu bazakulahlela emagundwaneni lakubolulwane izithombe zabo zesiliva lezegolide abazenzela zona ukuba bakhuleke kuzo,

U-Isaya 27:9

Ngalokhu uJakobe uzathethelelwa okubi kwakhe; lokhu kuzakuba yisibonakaliso sokususwa kwesono sakhe, lapho esenza ukuba wonke amatshe ealtare avuthuzeke njengekalaga, kungabe kusamiswa insika ezimiselwe unkulunkulukazi uAshera lama‐altare empepha.

U-Isaya 30:16

Kodwa lina lithi: Atshi, sizabaleka ngamabhiza. Ngakhoke balekani. Lithi njalo: Sizakhwela amabhiza alejubane. Ngakhoke labalixotshayo bazakuba lejubane elikhulu.

U-Isaya 30:2

Basuka baye eGibithe bengacelanga iseluleko sami, ukuba bayephephela ekuvikelweni nguFaro, bayecatsha emthunzini waseGibithe.

U-Isaya 31:1

Maye kulabo abehlela eGibithe ukudinga ukusizwa, abathemba amabhiza, bethemba inqola zokulwa ngoba zinengi, bethemba abakhweli bamabhiza ngoba belamandla, kodwa bengathembeli koNgcwele kaIsrayeli, bengaceli usizo eNkosini!

U-Isaya 31:3

AmaGibithe angabantu, kawasuye uNkulunkulu, lamabhiza awo ayinyama, kawasiwo umoya. Lapho iNkosi iphakamisa isandla sayo, uzakhubeka osizayo, laye osizwayo awele phansi, babhubhe bobabili.

U-Isaya 36:8

Ngakhoke yenza isivumelwano lenkosi yami, inkosi yaseAsiriya, ngizakukunika amabhiza azinkulungwane ezimbili, uba wena ungazuza abantu bokuwagada.

UJeremiya 49:11

Tshiya izintandane zakho, ngizazilondoloza, abafelwakazi bakho kabathembe kimi.

UHezekhiyeli 36:25

Ngizalifafaza ngamanzi ahlambulukileyo, lihlambuluke kukho konke ukungcola kwenu, ngilihlambulule lakuzo zonke izithombe zenu.

UHezekhiyeli 37:23

Kabasayikuzingcolisa futhi ngezithombe zabo langezinto zabo ezenyanyekayo, langeziphambeko zabo. Kodwa ngizabakhupha kukho konke ukuhlamuka abona ngakho, ngibahlambulule babe ngabantu bami, mina ngibe nguNkulunkulu wabo.

UHosiya 12:1

UEfrayimi uhamba lomoya, alandele umoya wasempumalanga usuku lonke; bayandisa amanga lesihluku, benze isivumelwano leAsiriya, base amafutha eGibithe.

UHosiya 13:2

Khathesi sebesona kakhulu, bazenzela izithombe ezibunjiweyo, izithombe ezenziwe kuhle ngesiliva sabo, zonke ziyimisebenzi yezingcitshi. Bathi: Hlabelani lezi imihlatshelo. Abantu banga izithombe zamathole.

UHosiya 14:8

UEfrayimi uselendaba lezithombe na? Mina ngiyamphendula ngimcinge. Mina nginjengephane elihlala liluhlaza, izithelo zakhe zivela kimi.

UHosiya 2:17

Ngoba ngizasusa amabizo aboBali emlonyeni wakhe, angabe esezwakala futhi.

UHosiya 4:12

bayacela izeluleko esigodweni, lentonga yabo iyabeluleka. Ngoba umoya wokuwula ubaduhisile, bawulile ngokutshiya uNkulunkulu wabo.

UHosiya 5:13

Kwathi lapho uEfrayimi ebona umkhuhlane wakhe, loJuda ebona isilonda sakhe, uEfrayimi wasesiya eAsiriya, wathumela ilizwi enkosini enkulu. Kodwa kayilamandla ukulelapha, lokupholisa izilonda zenu.

UHosiya 7:11

UEfrayimi unjengejuba eliyisiphukuphuku elingelangqondo; ucela usizo eGibithe, abuye alucele eAsiriya.

UHosiya 8:6

Umbazi walenza, kalisuye Nkulunkulu. Ithole laseSamariya lizaphahlazwa libe yizihlephu.

UHosiya 8:9

Ngoba njengobabhemi oduhileyo bayile eAsiriya ukudinga usizo. UEfrayimi uqatshile izithandwa ukuba zimsize.

UJona 2:10

INkosi yakhuluma enhlanzini; inhlanzi yamhlanzela uJona emhlabathini owomileyo.

UZakhariya 13:2

Kuzakuthi ngalolosuku, kutsho iNkosi yamabandla, ngiqede amabizo ezithombe elizweni, zingabe zisakhunjulwa futhi; ngizaqeda labaprofethi lomoya ongcolileyo.

UJohane 14:18

Kangiyikulitshiya liyizintandane; ngizakuza kini.

UDutheronomi 17:16

Qaphelani ukuba angabi lamabhiza amanengi lokuba angababuyiseli abantu eGibithe ukuze andise amabhiza akhe, lokhu iNkosi ithe kini: Kalisoze libuyele futhi ngaleyondlela.