UHosiya 13:14 - iBhayibhili Elingcwele 1978

¹⁴ Ngizabahlawulela emandleni endawo yabafileyo yini? ngibahlenge ekufeni na? Kufa, zingaphi izifo zakho na? Ndawo yabafileyo, kungaphi ukuchitheka kwakho? Isihawu kasisekho kimi.

IBhayibhili Elingcwele LesiNdebele

¹⁴ Ngizabahlenga emandleni engcwaba; ngizabasindisa ekufeni. Zingaphi, we kufa izifo zakho? Kungaphi, we ngcwaba, ukuchitha kwakho? Kangiyikuba lesihawu,

UHosiya 13:14 Mawu Ofanana

UJobe 33:24

sibe lomusa kuye sithi: Mkhulule egodini, ngoba sengimzuzele inhlawulo;

UJobe 41:22

Amandla asentanyeni yayo, lokwesabeka kuhamba phambi kwayo.

AmaHubo 16:10

Ngoba kawungiyekelanga ngiye endaweni yabafileyo, kawuyikuvuma ukuba olungileyo wakho abone ukubola.

AmaHubo 30:3

Nkosi, uwukhuphile umphefumulo wami endaweni yabafileyo, wangikhupha endaweni yabasemgodini.

AmaHubo 49:15

Kodwa uNkulunkulu uzakuhlenga umphefumulo wami emandleni endawo yabafileyo, ngoba uzakungamukela.

AmaHubo 49:16

Ungamhawukeli nxa umuntu enotha, nxa inotho yendlu yakhe isanda;

AmaHubo 71:20

Wena ongizwise inhlupheko ezinengi ezibuhlungu, uzakungivuselela futhi, ungikhuphe futhi enzikini yomhlaba.

AmaHubo 86:13

Ngoba lukhulu kimi uthando lwakho olungapheliyo; wakhulula umphefumulo wami enzikini yendawo yabafileyo.

U-Isaya 25:8

Izakuqeda ukufa kokuphela. INkosi uNkulunkulu izakwesula inyembezi emehlweni wonke, isuse lehlazo labantu bayo emhlabeni wonke; ngoba iNkosi ikhulumile.

U-Isaya 26:19

Kodwa abafileyo bakho bazakuphila, izidumbu zabo zizavuka futhi. Vukani, lihlabele ngokuthokoza, lina elilele othulini. Ngoba amazolo akho angamazolo akhanyayo, umhlaba uzakubakhupha abafileyo.

UJeremiya 15:6

Wena ungilahlile, kutsho iNkosi, wabuyela emuva; ngalokhoke ngikuphakamisele isandla sami, ngakuchitha; sengikhathele ukubekezela.

UJeremiya 20:16

Lowomuntu kabe njengemizi iNkosi eyayichitha ingelasihawu; kezwe ukukhala ekuseni, lomkhosi wempi emini,

UJeremiya 31:35

INkosi enika ilanga libe yikukhanya emini, emise inyanga lezinkanyezi zibe yikukhanya ebusuku, evusa ulwandle ukuba kuhlokome amavinqo alo, ebizwa ngokuthi yiNkosi yamabandla, ithi:

UHezekhiyeli 37:9

Yasisithi kimi: Tshumayela emoyeni, tshumayela ndoda, uthi emoyeni: INkosi uNkulunkulu ithi: Woza moya, uvele endaweni zonke, uphefumulele kulaba ababuleweyo ukuba baphile.

UHosiya 6:2

Ngemva kwensuku ezimbili izakusivuselela, isivuse ngosuku lwesithathu, ukuba siphile phambi kwayo.

UHosiya 7:10

Ukuzigqaja kukaIsrayeli kuyafakaza ngaye, kodwa kababuyeli eNkosini uNkulunkulu wabo, kabamdingi ngakho konke lokhu.

UMalaki 3:6

Ngoba mina Nkosi kangiphenduki; ngalokho lani madodana kaJakobe kalikaqedwa.

AmaNani 23:19

UNkulunkulu kafanani lomuntu ukuba aqambe amanga, kasuye umuntu ukuba azisole. Utshilo, kanti kayikukwenza na? Ukhulumile, kanti kayikukuphelelisa na?

AbaseRoma 11:15

Ngoba uba ukulahlwa kwabo kuyikubuyiswa komhlaba, ukwamukelwa kwabo kungaba yini na? Kungaba yikuphila kwabafileyo!

AbaseRoma 11:29

Ngoba iziphiwo zikaNkulunkulu lokubiza kwakhe kakulakuphenduka.

2 AbaseKhorinte 5:4

Ngoba nxa sisekhona kulelidumba siyabubula, siyasindwa, ngoba kasifisi ukwambulwa kodwa ukwambathiswa, ukuze lokho okubhubhayo kuginywe yikuphila.

AbaseFiliphi 3:21

ozakuphendula isimo somzimba wethu wasemhlabeni, ufane lomzimba wakhe olenkazimulo, ngamandla awaphiweyo ukuba azehlisele ngaphansi kwakhe zonke izinto.

1 AbaseThesalonika 4:14

Ngoba uba sikholwa ukuthi uJesu wafa, wabuya wavuka, ngokunjaloke uNkulunkulu uzakubavusa ngaye uJesu labo asebefile.

UJakhobe 1:17

Iziphiwo zonke ezinhle leziphiwo zonke ezipheleleyo zivela phezulu, zehla kuYise wezinkanyezi okungekho kuye ukuphenduka njengemithunzi ephendukayo.

Isambulo 20:13

Lolwandle lwabakhupha abafileyo ababekulo, ukuFa lendawo yabafileyo kwakhupha abafileyo ababekukho; bonke bahlulelwa ngalokho ababekwenzile.

Isambulo 21:4

azesule izinyembezi zonke emehlweni abo; ukufa kakusayikuba khona, lokulila lokukhala lobuhlungu; ngoba izinto zakuqala sezidlulile.

Isambulo 6:8

Ngakhangela, ngabona ibhiza eliliganu, oligadileyo ibizo lakhe kwakuthiwa ngukuFa, leHadesi lamlandela. Wanikwa amandla phezu kwengxenye yesine yokomhlaba ukuba abulale ngomkhonto, langendlala, langomkhuhlane, langezilo.

1 USamuyeli 15:29

Futhi uNkulunkulu oyiBukhosi kaIsrayeli kayikuqamba amanga, azisole, ngoba kayisuye umuntu ukuba azisole.