UHosiya 11:9 - iBhayibhili Elingcwele 1978

⁹ Kangiyikwenza njengokuthukuthela kwami okukhulu. Kangiyikuphinda ngimchithe uEfrayimi; ngoba mina nginguNkulunkulu, kangisuye umuntu, ngingoNgcwele ophakathi kwenu, kangiyikuza ukuchitha.

IBhayibhili Elingcwele LesiNdebele

⁹ Kangiyikwenza okwentukuthelo yami eyesabekayo, kumbe ngiphenduke ngimqothule u-Efrayimi. Ngoba nginguNkulunkulu, hatshi umuntu, oNgcwele phakathi kwenu. Kangiyikuza ngolaka.

UHosiya 11:9 Mawu Ofanana

2 USamuyeli 20:10

Kodwa uAmasa wayengawuboni umhedla owawuphethwe nguJowabi; uJowabi wasemgwaza ngawo emzimbeni, wathululela phansi imibilini yakhe, wafa engamphindanga. UJowabi loAbishayi umfowabo baxotshana loSheba indodana kaBikiri.

AmaHubo 46:5

UNkulunkulu uphakathi kwawo, kawuyikunyikinywa; uNkulunkulu uzakuwusiza ngovivi lokusa.

AmaHubo 78:38

Kodwa yena elesihawu wabathethelela ukona kwabo, kababhubhisanga; walunqanda kanengi ulaka lwakhe, kakuvusanga konke ukuthukuthela kwakhe.

AmaHubo 85:4

Sibuyise futhi, Nkulunkulu wokukhululwa kwethu, ususe kithi isigcono sakho.

U-Isaya 12:6

Memezani, lihlabele ngokuthokoza, lina baseZiyone, ngoba mkhulu phakathi kwenu oNgcwele kaIsrayeli.

U-Isaya 31:1

Maye kulabo abehlela eGibithe ukudinga ukusizwa, abathemba amabhiza, bethemba inqola zokulwa ngoba zinengi, bethemba abakhweli bamabhiza ngoba belamandla, kodwa bengathembeli koNgcwele kaIsrayeli, bengaceli usizo eNkosini!

U-Isaya 41:14

Ungesabi wena mpethu enguJakobe, lawe sibungu esinguIsrayeli. Mina ngizakukusiza, kutsho iNkosi; umhlengi wakho ungoNgcwele kaIsrayeli.

U-Isaya 41:16

uzakuwaphosa phezulu, lomoya uzawaphephula, lesivunguzane siwachithachithe; uthokoze ngeNkosi, uzibonge ngoNgcwele kaIsrayeli.

U-Isaya 48:9

Ngenxa yebizo lami ngiyabamba ulaka lwami, langenxa yodumo lwami ngizibambile ukuba ngingakuchithi.

U-Isaya 5:24

Ngakhoke njengalokhu umlilo utshisa amabibi, lelangabi litshisa utshani obomileyo, ngokunjalo impande yabo izakubola, lempoko yabo iphephuke njengothuli; ngoba bawalile umlayo weNkosi yamabandla, balidelela ilizwi loNgcwele kaIsrayeli.

UJeremiya 26:3

Mhlawumbe bazakulalela, bonke batshiye indlela zabo ezimbi, ukuba ngiyekele okubi ebengisithi ngizakukwenza kubo ngenxa yezenzo zabo ezimbi.

UJeremiya 30:11

Ngoba mina ngilawe ukukukhulula, kutsho iNkosi. Ngoba ngizachitha ngokupheleleyo zonke izizwe engikuhlakazele phakathi kwazo, kodwa wena kangiyikukubhubhisa ngokupheleleyo; ngizakukukhuza ngokufaneleyo, kangiyikukuyekela.

UHosiya 12:1

UEfrayimi uhamba lomoya, alandele umoya wasempumalanga usuku lonke; bayandisa amanga lesihluku, benze isivumelwano leAsiriya, base amafutha eGibithe.

UHosiya 14:4

INkosi ithi: Ngizakwelapha ukungathembeki kwabo, ngibathande ngenhliziyo yami yonke, ngoba ukubathukuthelela kwami sekuphelile kibo.

UMalaki 3:6

Ngoba mina Nkosi kangiphenduki; ngalokho lani madodana kaJakobe kalikaqedwa.

AmaNani 23:19

UNkulunkulu kafanani lomuntu ukuba aqambe amanga, kasuye umuntu ukuba azisole. Utshilo, kanti kayikukwenza na? Ukhulumile, kanti kayikukuphelelisa na?

UDutheronomi 13:17

Lingagcini lutho kwalokho okuqalekisiweyo, ukuba iNkosi iphenduke entukuthelweni yayo evuthayo, ilihawukele, ibe lobubele kini, ilandise, njengalokhu yafunga kubokhokho benu,

1 USamuyeli 26:8

UAbishayi wathi kuDavida: UNkulunkulu unikele isitha sakho esandleni sakho lamuhla; kahle ngimgwazele phansi ngomkhonto, ngimjuqe kanye.