UHosiya 11:3 - iBhayibhili Elingcwele 1978

³ Kanti kwakuyimi engacathulisa uEfrayimi, ngabaphatha abantu bami ezingalweni zami, kodwa kabazanga ukuba ngibelaphile.

IBhayibhili Elingcwele LesiNdebele

³ Yimi engafundisa u-Efrayimi ukuhamba, ngibabambe ngezingalo; kodwa kababonanga ukuthi yimi engabelaphayo.

UHosiya 11:3 Mawu Ofanana

AmaHubo 107:20

yathumela ilizwi layo, yabasilisa, yabakhulula ekubhujisweni.

U-Eksodasi 15:26

yathi: Uba lilalela ilizwi leNkosi uNkulunkulu wenu ngenhliziyo yenu yonke, lenze okulungileyo emehlweni ayo, lilalele imilayo yayo, ligcine zonke izimiso zayo, kangiyikwehlisela phezu kwenu lasinye sezifo engazehlisela phezu kwamaGibithe; ngoba ngiyiNkosi eliphilisayo.

U-Eksodasi 19:4

Likubonile lokho engikwenze kumaGibithe, lokuthi ngalithwala ngempiko zokhozi, ngalisondeza kimi.

U-Eksodasi 23:25

Lizakhonza iNkosi uNkulunkulu wenu; ngizabusisa ukudla kwenu lamanzi enu, ngisuse izifo phakathi kwenu.

U-Isaya 1:2

Zwanini, mazulu; ulalele lawe mhlaba, ngoba iNkosi isikhulumile, yathi: Ngondlile ngakhulisa abantwana, kodwa bangivukela.

U-Isaya 30:26

Futhi ukukhanya kwenyanga kuzakuba njengokukhanya kwelanga, lokukhanya kwelanga kuphindwe kasikhombisa, kube ngangokukhanya kwensuku eziyisikhombisa, mhla iNkosi ibopha amanxeba abantu bayo, ipholisa izilonda zemivimvinya yabo.

U-Isaya 46:3

INkosi ithi: Ngilalela, wena ndlu kaJakobe, bonke abaseleyo endlini kaIsrayeli, ababengumthwalo wami kusukela ekuzalweni kwabo.

U-Isaya 63:9

ekuhluphekeni kwabo konke. Kabakhululwanga yisigijimi loba yisithunywa, kodwa yabasilisa yona uqobo; ngothando lwayo langesihawu sayo yabahlenga, yabaphakamisa, yabathwala zonke insuku zakuqala.

UJeremiya 30:17

Ngoba ngizabuyisa ukusila kwakho, ngelaphe amanxeba akho, kutsho iNkosi. Ngoba bakubize ngokuthi: Ungolahliweyo, leZiyone elingafunwa muntu.

UJeremiya 8:22

Kakulamuthi eGileyadi na? Kayikho yini inyanga khona? Pho, abantu bami kabasili ngani na?

UHosiya 14:4

INkosi ithi: Ngizakwelapha ukungathembeki kwabo, ngibathande ngenhliziyo yami yonke, ngoba ukubathukuthelela kwami sekuphelile kibo.

UHosiya 2:8

Wayengakwazi ukuba kwakuyimi engangimnika amabele lewayini elitsha lamafutha, ngimnika isiliva esinengi legolide elinengi abakusebenzisela uBali.

UHosiya 7:1

Lapho ngifisa ukwelapha uIsrayeli; ukonakala kukaEfrayimi kuyambulwa, lezenzo ezimbi zeSamariya; ngoba bayakhohlisana, bangamasela afohlela ezindlini, labaphangi abaphanga ngaphandle.

UHosiya 7:15

Loba ngabafundisa ngabaqinisa, kodwa bangenzela amacebo amabi.

Imisebenzi 13:18

Wababekezelela okweminyaka engamatshumi amane enkangala.

UDutheronomi 1:31

lasenkangala, lapho libone khona ukuthi iNkosi uNkulunkulu wenu yalithwala njengomuntu ethwala indodana yakhe, kuyo yonke indlela elahamba ngayo laze lafika lapha.

UDutheronomi 33:27

UNkulunkulu wanininini uyisiphephelo sakho, langaphansi zikhona ingalo ezingelakuphela. Waxotsha izitha phambi kwakho, wathi: Bhubhisa.

UDutheronomi 8:2

Likhumbule yonke indlela iNkosi uNkulunkulu wenu elihole ngayo kuliminyaka engamatshumi amane enkangala, ukuba ilithobise, ilihlole, ibone imicabango yenhliziyo zenu ukuba ibone ukuthi lizakuyigcina imithetho yayo yini, loba ayi.