UHosiya 10:12 - iBhayibhili Elingcwele 1978

¹² Zihlanyeleleni ukulunga, livune izithelo zothando olungapheliyo; qhathani ingqatho yenu, ngoba kuyisikhathi sokuyidinga iNkosi, ukuba ifike, ithele ukulunga phezu kwenu.

IBhayibhili Elingcwele LesiNdebele

¹² Zihlanyeleleni ukulunga, vunani isithelo sothando olungapheliyo, liqeqebule lomhlabathi wenu ongalinywanga; ngoba kuyisikhathi sokudinga uThixo, aze abuye athele ukulunga phezu kwenu.

UHosiya 10:12 Mawu Ofanana

AmaHubo 105:4

Funani iNkosi, amandla ayo, liyidinge yona njalonjalo.

AmaHubo 72:6

Kayibe njengezulu elehlela otshanini, njengezihlambo ezithambisa umhlaba.

Izaga 11:18

Omubi uzuza umvuzo oyinkohliso, kodwa ohlanyela ukulunga uzazuza umvuzo weqiniso.

Izaga 18:21

Ulimi lulamandla phezu kokufa lokuphila; abaluthandayo bazakudla izithelo zalo.

UmTshumayeli 11:6

Hlanyela inhlanyelo yakho ekuseni, lantambama ungayekeli ukusebenza; ngoba kawazi ukuba yiphi ezaphumelela, le ingabe leyana, loba zombili zizaba zinhle.

U-Isaya 30:23

Izakunisela izulu inhlanyelo yenu eliyihlanyela emhlabathini, ilinike amabele, inala enkulu lenhle kakhulu. Ngalesosikhathi inkomo zenu zizakudla emadlelweni abanzi;

U-Isaya 31:1

Maye kulabo abehlela eGibithe ukudinga ukusizwa, abathemba amabhiza, bethemba inqola zokulwa ngoba zinengi, bethemba abakhweli bamabhiza ngoba belamandla, kodwa bengathembeli koNgcwele kaIsrayeli, bengaceli usizo eNkosini!

U-Isaya 32:20

Lina lonke lizakuthokoza, lihlanyele kuhle ngoba amanzi azaba manengi, likhulule inkabi lobabhemi kuzihambele.

U-Isaya 44:3

Ngoba ngizathela amanzi phezu komhlaba owomileyo, lezikhukhula emhlabathini owomileyo; ngithele umoya wami phezu kwenzalo yakho, lesibusiso sami phezu kwabantwana bakho.

U-Isaya 45:8

Khizani ukunqoba, lina mazulu, lamayezi akunisele phansi, umhlaba uvuleke ukwamukele, ukuze kuhlume ukukhululwa, kumile lokulunga kuwo. Mina Nkosi ngikwenzile.

U-Isaya 48:18

Kungathi ngabe walalela imilayo yami! Ng’khona izibusiso zakho zazizakuba njengomfula ogelezayo, lokuphumelela kwakho kube njengamavinqo olwandle;

U-Isaya 5:6

Ngizasenza sibe liganga, singathenwa, singahlakulwa, simile ameva lokhula. Ngizalaya amayezi ukuba angasinethisi ngezulu.

U-Isaya 54:14

Uzakuqiniswa ngokulunga; uzavikeleka ekucindezeleni, ungesabi; uvikeleke kokwesabekayo, kakuyikusondela kuwe.

U-Isaya 55:6

Dingani iNkosi iselokufunyanwa, likhuleke kuyo iseseduze;

UJeremiya 50:4

Ngalezonsuku langalesosikhathi, kutsho iNkosi, abantu bakoIsrayeli labantu bakoJuda bazabuthana ndawonye, bazahamba bekhala, bedinga iNkosi uNkulunkulu wabo.

UHezekhiyeli 34:26

Ngizazenza zibe yisibusiso zona lezindawo ezihanqe intaba yami, ngithumele izulu ngesikhathi salo, izulu elihle.

UHosiya 12:6

Ngakhoke, wena, ngokusizwa nguNkulunkulu wakho, buyela, ubambelele othandweni lakokufaneleyo, uthembe kuNkulunkulu wakho njalonjalo.

UHosiya 14:1

Buyela eNkosini, uNkulunkulu wakho, Israyeli. Ngoba ukhutshwe yibubi bakho.

UHosiya 6:3

Asiyazi, asiphikelele ukuyazi iNkosi, ukufika kwayo kuqinisekile njengokusa; izafika kithi njengemikhizo, njengezulu elinetha umhlaba.

UHosiya 8:7

Ngoba behlanyela umoya, bazavuna isivunguzane. Amabele abo kawayikukhahlela, kawayikuba lanhlamvu; uba engaba lazo, zizadliwa ngabezizwe.

uAmosi 5:15

Zondani okubi lithande okuhle, lenze okufaneleyo enkundleni; mhlawumbe iNkosi uNkulunkulu wamabandla ingaba lomusa kwabaseleyo koJosefa.

uAmosi 5:4

Ngoba iNkosi ithi kuIsrayeli: Ngidingani ukuze liphile;

uAmosi 5:6

Dingani iNkosi ukuze liphile, funa ilumathe endlini kaJosefa njengomlilo otshisa uqothule, kungabi khona owucimayo eBetheli,

uAmosi 5:8

Yiyo eyenza inkanyezi ezithiwa yisiLimela lezithiwa yiziNja, lephendula umnyama omkhulu ube yikusa, iphendule imini ibe yibusuku, ibize amanzi olwandle iwanisele phezu komhlabathi; yiNkosi ibizo layo.

ULukha 13:24

Zamani ukungena ngomnyango omncinyane; ngoba ngithi kini: Abanengi bazakufuna ukungena, behluleke.

Imisebenzi 2:18

yebo, laphezu kwenceku zami lencekukazi zami ngizakuthela uMoya wami ngalezonsuku, zizakwazisela.

2 AbaseKhorinte 9:10

Yena onika inhlanyelo yokuhlanyela lesinkwa sokudliwa uzakulinika inhlanyelo ayandise, ukuze litshaye inala yokulunga kwenu.

UJakhobe 3:18

Izithelo zokulunga zivela enhlanyelweni yokuthula, ehlanyelwa yilabo abathanda ukuthula.