UHosiya 10:1 - iBhayibhili Elingcwele 1978

¹ UIsrayeli ulivini elihle kakhulu elithelayo izithelo. Ngokwanda kwezithelo zakhe wandisa ama‐altare akhe; langokwanda kobuhle belizwe lakhe wenza insika zakhe zokukhonzela zibe zinhle.

IBhayibhili Elingcwele LesiNdebele

¹ U-Israyeli wayelivini eliqhelayo, wazizalela izithelo. Ngokwanda kwezithelo zakhe wakha ama-alithare amanengi; kwathi ngokuphumelela kwelizwe lakhe wahlobisa amatshe akhe akhonzwayo.

UHosiya 10:1 Mawu Ofanana

1 AmaKhosi 14:23

Ngoba labo bazakhela indawo eziphakemeyo zokukhonzela, lensika zokukhonzela, lezinsika zikankulunkulukazi uAshera phezu kwawo wonke amaqaqa aphakemeyo, langaphansi kwazo zonke izihlahla eziluhlaza.

UJeremiya 11:13

Ngoba onkulunkulu bakho banengi njengemizi yakho, wena Juda, lamaaltare owakhele into elehlazo manengi njengezindlela zeJerusalema amaaltare okutshisela uBali impepha.

UJeremiya 11:17

INkosi yamabandla eyakuhlanyelayo ikhulumile okubi ngawe, ngenxa yobubi obenziwe yindlu yakoIsrayeli leyakoJuda, bangicunula ngokutshisela uBali impepha.

UJeremiya 2:28

Kanti bangaphi onkulunkulu bakho ozenzele bona na? Kabavuke bona uba bengakukhulula ngesikhathi sokuhlupheka kwakho; ngoba onkulunkulu bakho banengi njengemizi yakho, wena Juda.

UHosiya 12:11

Kwakukhonzwa izithombe eGileyadi na? Yebo, babonakele, bahlabela onkulunkulu bezinkunzi eGiligali. Ama‐altare abo anda njengenqumbi zamatshe emasimini.

UHosiya 12:8

UEfrayimi uthe: Senginothile, ngizizuzele inotho. Kodwa yonke inotho yakhe ingelihlawulele icala alenzileyo.

UHosiya 13:15

Loba uIsrayeli ekhahlela phakathi kwemihlanga, kuzafika umoya wasempumalanga, isivunguvungu esivela eNkosini siphuma enkangala; imithombo yakhe izakutsha, kome lamaxhaphozi akhe; sithathe inotho yakhe, izinto zonke eziligugu.

UHosiya 13:2

Khathesi sebesona kakhulu, bazenzela izithombe ezibunjiweyo, izithombe ezenziwe kuhle ngesiliva sabo, zonke ziyimisebenzi yezingcitshi. Bathi: Hlabelani lezi imihlatshelo. Abantu banga izithombe zamathole.

UHosiya 13:6

Kodwa nxa usudlile kakhulu, wasutha, lenhliziyo yakho yazikhukhumeza; wasungikhohlwa.

UHosiya 2:10

Sengizakwambula ihlazo lakhe phambi kwezithandwa zakhe, kungabi khona omophulayo esandleni sami.

UHosiya 2:8

Wayengakwazi ukuba kwakuyimi engangimnika amabele lewayini elitsha lamafutha, ngimnika isiliva esinengi legolide elinengi abakusebenzisela uBali.

UHosiya 3:4

Ngoba abakoIsrayeli bazahlala insuku ezinengi bengelankosi lombusi, lomhlatshelo, lensika yokukhonzela, bengelangubo yamahlombe, lezithombe ezithiwa ngamaterafi.

UHosiya 4:7

Ngokwanda kwabapristi kuyanda lokona kwabo kimi. Udumo lwabo ngizaluphendula lube lihlazo.

UHosiya 8:11

Ngoba uEfrayimi akhile ama‐altare amanengi, asephenduke aba ngama‐altare okona.

UHosiya 8:4

Bazibekela amakhosi ngaphandle kwemvumo yami. Bamisa ababusi ngingazi mina. Ngesiliva sabo langegolide labo bazenzela izithombe ezabalethela ukuchitheka.

ULevi 26:1

Lingazenzeli izithombe, lingamisi izithombe ezibaziweyo lensika yokukhonzela, lingamisi elizweni lakini ilitshe elilemifanekiso ukuba likhothamele kulo; ngoba ngiyiNkosi uNkulunkulu wenu.

UNahume 2:2

— Ngoba iNkosi ibuyisa ubukhosi bukaJakobe bube njengobukhosi bukaIsrayeli; ngoba abahlaselayo balikhwexule ivini, baqeda ingatsha zalo —

2 AbaseKhorinte 5:16

Ngakhoke thina kasisayikuhlola umuntu ngokwabantu, lanxa sake samhlola uKristu ngokwabantu, kodwa khathesi kasisamhloli.

AbaseFiliphi 2:21

ngoba bonke bazifunela okwabo, bengafuni okukaJesu Kristu.