UHezekhiyeli 9:9 - iBhayibhili Elingcwele 1978

⁹ Yathi kimi: Ububi bakoIsrayeli lobakoJuda bukhulu kakhulu, ilizwe ligcwele igazi, lomuzi ugcwele ukungalungi, ngoba bathi: INkosi ilitshiyile ilizwe leli, kayiboni.

IBhayibhili Elingcwele LesiNdebele

⁹ Wangiphendula wathi, “Isono sendlu ka-Israyeli lekaJuda sikhulu kakhulu; ilizwe ligcwele ukuchithwa kwegazi, ledolobho ligcwele ukungalungi. Bathi, ‘UThixo uselidelile ilizwe; uThixo kaboni.’

UHezekhiyeli 9:9 Mawu Ofanana

2 AmaKhosi 21:16

Futhi uManase uchithile igazi elinengi elingelacala waze waligcwalisa iJerusalema kusukela ekuqaleni kwalo kuze kube sekucineni, ngaphandle kwezono enza ngazo uJuda ukuba one, baze benza okubi phambi kwami.

2 AmaKhosi 24:4

langenxa yegazi elingelacala alichithayo: wagcwalisa iJerusalema ngegazi elingelacala, iNkosi yayingamthetheleli.

UJobe 22:13

Kantike uthi: UNkulunkulu wazini na? Angathonisisa yini engale komnyama omkhulu na?

AmaHubo 10:11

Omubi uthi enhliziyweni yakhe: UNkulunkulu ulibele, ufihle ubuso bakhe, kasoze abone.

AmaHubo 94:7

bathi: INkosi kayiboni, uNkulunkulu kaJakobe kananzi.

U-Isaya 1:4

Hawu, sizwe esonayo, bantu abasindwa yibubi, nzalo yababi, bantwana abonakeleyo! Liyitshiyile iNkosi, limdelile oNgcwele kaIsrayeli, lihlamukile.

U-Isaya 29:15

Maye kulabo abafihlela iNkosi amacebo abo, ebenza imisebenzi yabo emnyameni besithi: Ngubani osibonayo na? Ngubani osaziyo na?

U-Isaya 47:10

Wathembela ebubini bakho, wathi: Kakho ongibonayo. Ukuhlakanipha kwakho lolwazi lwakho kwakuduhisa, wathi enhliziyweni yakho: Yimi, kakho omunye ngaphandle kwami.

UJeremiya 2:34

Lasezigqokweni zakho kufunyanwa igazi labayanga abangelacala; kawubafumananga befohlela. Kanti kukho konke lokho uthi:

UJeremiya 22:17

Kodwa wena, amehlo akho lenhliziyo yakho kusekuphangeni kuphela, lasekuchitheni igazi elingelacala, lasekucindezeleni lekwenzeni okubi.

Izililo 1:5

Izitha zalo sezilibusa, ziyaphumelela, ngoba iNkosi ilenze lahlupheka ngenxa yobunengi beziphambeko zalo. Abantwana balo bathunjiwe yizitha.

UHezekhiyeli 7:23

Zilungiselele, ngoba ilizwe ligcwele amacala egazi, lomuzi ugcwele isihluku;

UHezekhiyeli 8:12

Wasesithi kimi: Ndoda, uyakubona lokho abakwenzayo emnyameni abadala bakoIsrayeli ezindlini zabo zemifanekiso na? Ngoba bathi: INkosi kayisiboni; iNkosi ilitshiyile ilizwe layo.

UHezekhiyeli 8:17

Wasesithi kimi: Uyakubona lokhu, wena ndoda na? Kuyinto elula koJuda ukwenza amanyala abawenzayo lapha yini, ukuba bagcwalise ilizwe ngokubi, bavuse ulaka lwami na? Khangela, babeka ingatsha empumulweni zabo.

UHabhakhukhi 1:4

Umlayo ubuthakathaka, lokwahlulela kakuphumeleli. Ngoba omubi uphica olungileyo, ngakho ukulunga kuyahlanekelwa.

UZefaniya 1:12

Kuzakuthi ngalesosikhathi ngihlole iJerusalema ngezibane, ngitshaye bonke abantu abazithokozisayo abazithembayo, abathi enhliziyweni zabo: INkosi kayiyikwenza ulutho.

ULukha 11:50

ukuze kubizwe kulesisizukulwana igazi labaprofethi bonke elachithwa kusukela ekudatshulweni komhlaba,

UDutheronomi 31:29

Ngoba ngiyazi ukuthi emva kokufa kwami lizakona, liphambuke endleleni engililaye yona; lizakwehlelwa ngokubi ngensuku ezizayo, ngoba lizakwenza okubi emehlweni eNkosi, liyithukuthelise ngomsebenzi wezandla zenu.

UDutheronomi 32:5

Bonile kuye, kabasibo abantwana bakhe ngenxa yesici sabo, bayisizukulwana esiphambeneyo lesingaqondanga.