UHezekhiyeli 9:6 - iBhayibhili Elingcwele 1978

⁶ libulale liqede amaxhegu, amajaha lezintombi, abantwana abancinyane labesifazana; kodwa lingathinti loyedwa olophawu, liqalise endlini yami engcwele. Baqala ngamadoda amadala ayephambi kwethempeli.

IBhayibhili Elingcwele LesiNdebele

⁶ Qothulani amaxhegu, amajaha lezintombi, amanina labantwana, kodwa lingathinti loba ngubani olophawu. Qalisani endlini yami engcwele.” Ngakho baqalisa ngabadala ababephambi kwethempeli.

UHezekhiyeli 9:6 Mawu Ofanana

UGenesisi 4:15

INkosi yathi kuye: Impela lowo obulala uKayini uzakuphindiselwa kasikhombisa. INkosi yabeka uphawu kuKayini funa omfumanayo ambulale.

2 ImiLando 36:17

Ngalokhoke yabathumela inkosi yamaKaladiya eyabulala amajaha abo lasendlini yabo engcwele, ingahawukeli amajaha lezintombi, abadala lamaxhegu; iNkosi uNkulunkulu yabanikela bonke esandleni sayo.

U-Eksodasi 12:23

Ngoba iNkosi izadabula ilizwe ukuba ibulale amaGibithe; nxa ibona igazi emgubazini lasensikeni zombili zomnyango, izakudlula lowomnyango ingavumeli umbulali ukuba angene ezindlini zenu ukulibulala.

UJeremiya 16:6

Bazakufa bonke abakhulu labancinyane kulindawo; kabayikungcwatshwa, futhi kakulamuntu ozakubalilela kumbe azisike, loba agele ikhanda lakhe ngenxa yabo.

UJeremiya 25:29

Ngoba sengiqalile ukwenza okubi emzini lapho ibizo lami lidunyiselwa khona; lizayekelwa ukutshaywa na? Atshi, kaliyikuyekelwa, ngoba ngibiza impi ezabehlela bonke abakhileyo emhlabeni, kutsho iNkosi.

UJeremiya 44:7

Ngakhoke iNkosi, uNkulunkulu wamabandla, uNkulunkulu kaIsrayeli, ithi: Likwenzelani phezu kwenu lokhu okubi kangaka, ukuba libhubhise indoda lomfazi, usane lomntwana, baphele koJuda, kungasali muntu na?

UJeremiya 44:8

Kungani lingithukuthelisa ngezithombe zenu, litshisela abanye onkulunkulu impepha eGibithe lapho selihlala khona, ukuze libhujiswe, liphenduke into yokuthukwa leyokuhlekwa phakathi kwazo zonke izizwe zasemhlabeni na?

UJeremiya 6:11

Ngalokhoke ngigcwele ulaka lweNkosi, sengikhathele yikubekezela. Lwehlisele phezu kwabantwana ezindleleni, lasemihlanganweni yamajaha; ngoba indoda izathathwa lomkayo, abadala kanye lamaxhegu.

UJeremiya 9:21

Ngoba ukufa kungenile ngamawindi ethu, kwangena ezigodlweni zamakhosi ethu, kwaqeda abantwana ezindleleni, lamajaha emagumeni.

UHezekhiyeli 11:1

Umoya wangiphakamisa, wangisa ngasesangweni lendlu yeNkosi elingasempumalanga, elikhangele ngasempumalanga. Emnyango wesango kwakukhona amadoda angamatshumi amabili lanhlanu; phakathi kwawo ngabona uJazaniya indodana kaAzuri, loPelatiya indodana kaBenaya, izikhulu zabantu.

UHezekhiyeli 9:4

yathi kuye: Dabula phakathi komuzi waseJerusalema, ufake uphawu emabunzini abantu ababubulayo bekhala ngawo wonke amanyala enziwa phakathi kwawo.

UHezekhiyeli 9:5

Ngezwa isithi kwabanye: Dabulani phakathi komuzi limlandele, libulale, lingayekeli, lingabi lasihawu,

uAmosi 3:2

Yini kuphela engilikhethileyo, ngalilondoloza ezizweni zonke zomhlaba; ngakhoke ngizalitshaya ngenxa yabo bonke ububi benu.

ULukha 12:47

Njaloke laleyonceku ebisazi intando yenkosi yayo ingalungiselanga, ingenzanga ngokwentando yenkosi yayo, izakutshaywa imivimvinya eminengi.

UDutheronomi 2:34

Ngalesosikhathi sathumba yonke imizi yakhe, sayichitha yonke, sabulala abesilisa labesifazana labantwana; kasitshiyanga muntu;

UDutheronomi 3:6

Sayichitha sayiqeda, njengokwenza kwethu kuSihoni inkosi yaseHeshiboni, sachitha yonke imizi, sabulala labantu abesilisa labesifazana labantwana.

UDutheronomi 32:23

Ngizabuthelela izinhlupheko, phezu kwabo, ngitshoke yonke imitshoko yami kubo.

2 uTimothi 2:19

Kodwa isisekelo esiqinileyo sikaNkulunkulu simi silaloluphawu lokuthi: INkosi iyabazi abangabayo; lokuthi: Ilowo lalowo ophatha ibizo leNkosi kahlukane lokungalungi.

Isambulo 14:4

Labo yibo abangangcoliswanga yisifazana, ngoba bazigcina behlambululukile; yibo abalandela iWundlu loba lisiya ngaphi. Labo bahlengwa ebantwini, baba yizithelo zokuqala kuNkulunkulu lakulo iWundlu.

Isambulo 7:3

sisithi: Lingoni umhlaba lolwandle lezihlahla, size sibeke uphawu lukaNkulunkulu wethu emabunzini ezinceku zakhe.

Isambulo 9:4

Kwathiwa singoni utshani bomhlaba, leyodwa into eluhlaza, lesisodwa isihlahla, kuphela labobantu abangelalo uphawu lukaNkulunkulu emabunzini abo.

1 USamuyeli 15:3

Hambake uyehlasela amaAmaleki, uqede konke alakho; ungabi lasihawu, kodwa ubulale abesilisa labesifazana, izingane lensane ezimunyayo, inkomo lezimvu, amakamela labobabhemi.