UHezekhiyeli 9:2 - iBhayibhili Elingcwele 1978

² Kwasekusiza amadoda ayisithupha evela ngasesangweni langaphezulu elikhangele ngasenyakatho, wonke ephethe izikhali zokubulala, ayehamba lomuntu ogqoke ilembu elihle elezinto zokubhala; angena, ema ngasealtareni lethusi.

IBhayibhili Elingcwele LesiNdebele

² Ngasengibona amadoda ayisithupha evelela malungana lesango langaphezulu, elikhangele enyakatho, ngamunye ephethe izikhali ezibulalayo ezandleni zakhe. Ayelenye indoda eyayigqoke ilineni eyayilezinto zokubhala emhlubulweni wayo. Angena ema phansi kwe-alithari lethusi.

UHezekhiyeli 9:2 Mawu Ofanana

2 AmaKhosi 15:35

Kodwa indawo eziphakemeyo zokukhonzela kazivalwanga; abantu babelokhu benikela imihlatshelo betshisa impepha endaweni eziphakemeyo. Wakha isango lethempeli elingaphezulu.

2 ImiLando 27:3

Wakha isango lethempeli elingaphezulu, wenza umsebenzi omkhulu wokwakha emdulini waseOfeli.

2 ImiLando 4:1

Wenza lealtare lethusi, ubude balo buzingalo ezingamatshumi amabili, lobubanzi balo buzingalo ezingamatshumi amabili, lokuphakama kwalo kuzingalo ezilitshumi.

U-Eksodasi 40:29

Wabeka ialtare lomnikelo wokutshiswa ngasemnyango weTabernakeli lethente lokuhlangana, wanikela kulo umnikelo wokutshiswa lomnikelo wempuphu, njengokutsho kweNkosi kuye.

UJeremiya 1:15

Ngoba ngiyabiza izizwe zonke zemibuso yasenyakatho, kutsho iNkosi; amakhosi azo azakufika, wonke azakumisa izihlalo zawo zobukhosi emasangweni aseJerusalema, azingelezele imiduli yalo lonke, lemizi yonke yakoJuda.

UJeremiya 25:9

ngizabiza izizwe zasenyakatho, kutsho iNkosi, loNebukadineza inkosi yaseBabiloni inceku yami, ngizilethe kulelilizwe lakwabakhileyo kulo, lakuzo zonke izizwe eziseduze lalo, ngibabhubhise, ngibenze babe yinto eyesabekayo, into yokuncifelwa, lehlazo elingapheliyo.

UJeremiya 26:10

Kwathi izikhulu zakoJuda sezizwile lezizinto zafika ethempelini, zivela esigodlweni senkosi, zahlala ngaseSangweni elitsha.

UJeremiya 4:6

Misani uphawu olukhomba iZiyone, libaleke lingemi, ngoba ngiletha okubi okuvela ngasenyakatho, lokuchitheka okukhulu.

UHezekhiyeli 10:2

INkosi yasisithi emuntwini ogqoke ilembu elihle: Ngena phakathi kwamavili atshibilika ngaphansi kwamakherubi, ugcwalise izandla zakho ngamalahle avuthayo avela phakathi kwamakherubi, uwachithele phakathi komuzi. Ngambonake engena.

UHezekhiyeli 8:3

Waseselula okwakungathi yisandla, wangibamba ngenwele. Umoya wangiphakamisela phakathi komhlaba lezulu, wangiletha ngemibono kaNkulunkulu eJerusalema, ngasentubeni yeguma elingaphakathi, elikhangele inyakatho, lapho kwakukhona isihlalo sesithombe somona esibanga umona.

UHezekhiyeli 9:11

Lowomuntu owayegqoke ilembu elihle elezinto zokubhala wabuya wazabika eNkosini wathi: Ngenzile njengokungilaya kwakho.

UHezekhiyeli 9:3

Inkazimulo kaNkulunkulu kaIsrayeli yasuka ngaphezu kwamakherubi lapho yayikhona, yayahlala emnyango wendlu. INkosi yasibiza umuntu owayegqoke ilembu elihle elezinto zokubhala,

UDanyeli 10:5

ngaphakamisa amehlo ami, ngabona umuntu egqoke ilembu elihle, ebophe ngebhanti legolide laseOfiri okhalweni lwakhe.

UDanyeli 12:6

Ngathi kulowomuntu ogqoke ilembu elihle, owayemi ngaphezu komfula: Kuzakuba nini ukuphela kwalezizimangaliso na?

ULevi 16:4

Embathe ibhatshi elingcwele elenziwe ngelembu elihle, lebhulugwe elenziwe ngelembu elihle emzimbeni wakhe, azibophe ngebhanti elenziwe ngelembu elihle, athwale iqhiye eyenziwe ngelembu elihle; lezi yizambatho ezingcwele. Ageze umzimba wakhe ngamanzi, azembathe.

uAmosi 9:1

Ngayibona iNkosi imi phansi kwealtare, yathi: Tshaya izihloko zezinsika ukuze iminyango inyikinyeke, uzaphulele amakhanda abo bonke abantu; abaseleyo ngizababulala ngempi; kakuyikuphunyuka loyedwa abaleke.

Isambulo 15:6

kwaphuma ethempelini izithunywa eziyisikhombisa zilezifo eziyisikhombisa, zambethe okumhlophe kakhulu, lezifuba zazo zibotshwe ngamaqhele egolide.