UHezekhiyeli 8:3 - iBhayibhili Elingcwele 1978

³ Waseselula okwakungathi yisandla, wangibamba ngenwele. Umoya wangiphakamisela phakathi komhlaba lezulu, wangiletha ngemibono kaNkulunkulu eJerusalema, ngasentubeni yeguma elingaphakathi, elikhangele inyakatho, lapho kwakukhona isihlalo sesithombe somona esibanga umona.

IBhayibhili Elingcwele LesiNdebele

³ Welula okwakukhanya angathi yisandla wangibamba ngenwele zekhanda lami. UMoya wangiphakamisela phezulu phakathi komhlaba lezulu, kwathi ngemibono kaNkulunkulu wangisa eJerusalema, ekungeneni kwesango langasenyakatho yeguma langaphakathi, lapho okwakumi khona isithombe esibangela ubukhwele.

UHezekhiyeli 8:3 Mawu Ofanana

1 AmaKhosi 18:12

Kuzakuthi ngisand’ ukusuka kuwe, umoya kaNkulunkulu ukuthwale ukuse lapho ngingazi khona, kuthi lapho sengimtshelile uAhabi engasakufumani, angibulale lanxa mina engiyinceku yakho ngiyikhonza iNkosi uNkulunkulu kusukela ebutsheni bami.

2 AmaKhosi 16:14

Ialtare lethusi elahlukaniselwe iNkosi yalisusa phambi kwethempeli, endaweni ephakathi kwethempeli lealtare elitsha, yalimisa ngasenyakatho kwealtare elitsha.

2 AmaKhosi 2:16

Bathi kuye: Inceku zakho zilamadoda aqinileyo angamatshumi amahlanu; akuwavumele ahambe ayedinga inkosi yakho; mhlawumbe umoya weNkosi uNkulunkulu umthethe wamphosela entabeni ethile, loba esihotsheni esithile. Yena wathi: Atshi bo, lingabathumi.

2 AmaKhosi 21:7

Isithombe sikankulunkulukazi uAshera ayesenzile wasimisa ethempelini, indlu iNkosi eyakhuluma ngayo kuDavida lakuSolomoni indodana yakhe yathi: Kulindlu, laseJerusalema engilikhethe kuzo zonke izizwe zakoIsrayeli, ibizo lami lizadunyiselwa khona kuze kube nininini;

AmaHubo 78:58

Bamthukuthelisa ngezindawo zabo eziphakemeyo zokukhonzela, bavusa umona wakhe ngezithombe zabo.

U-Eksodasi 20:4

Ungazenzeli izithombe ezibaziweyo lomfanekiso walokho okusezulwini lalokho okusemhlabeni lalokho okusemanzini angaphansi komhlaba;

U-Eksodasi 20:5

ungazikhothameli, ungazikhonzi; ngoba mina Nkosi, uNkulunkulu wakho, nginguNkulunkulu olomona; ngehlisela ububi baboyise ebantwaneni besizukulwana sesithathu lesesine sabangizondayo,

U-Eksodasi 34:14

ngoba kawuzukukhonza omunye unkulunkulu; iNkosi inguNkulunkulu olomona, ibizo layo linguMona.

UJeremiya 32:34

Bamisa izinengiso zabo endlini lapho ibizo lami lidunyiselwa khona, ukuba bayingcolise.

UJeremiya 7:30

Abantu bakoJuda benzile okubi phambi kwami; babekile izinengiso zabo endlini lapho ibizo lami lidunyiselwa khona, ukuba bayingcolise, kutsho iNkosi.

UHezekhiyeli 1:1

Kwathi ngomnyaka wamatshumi amathathu, ngosuku lwesihlanu lwenyanga yesine, lapho ngangiphakathi kwabathunjiweyo ngasemfuleni iKebari, lavuleka iphezulu, ngabona imibono kaNkulunkulu.

UHezekhiyeli 10:3

Amakherubi ayemi ngaseningizimu kwethempeli ekungeneni kwalowomuntu, lamayezi ayegcwele egumeni elingaphakathi.

UHezekhiyeli 11:1

Umoya wangiphakamisa, wangisa ngasesangweni lendlu yeNkosi elingasempumalanga, elikhangele ngasempumalanga. Emnyango wesango kwakukhona amadoda angamatshumi amabili lanhlanu; phakathi kwawo ngabona uJazaniya indodana kaAzuri, loPelatiya indodana kaBenaya, izikhulu zabantu.

UHezekhiyeli 11:24

Umoya wangiphakamisa, wangisa kwabathunjiweyo eKaladiya. Konke lokhu kwafika ngombono owawuthunywe ngumoya kaNkulunkulu; kwathi umbono engangiwubonile wasusuka kimi.

UHezekhiyeli 2:9

Kwathi lapho ngikhangela, ngabona isandla eselulelwe kimi siphethe umqulu wencwadi.

UHezekhiyeli 3:12

Umoya wasengiphakamisa; kwathi lapho ubukhosi beNkosi busuka endaweni yabo, ngezwa emva kwami umdumo unjengowokunyikinyeka komhlaba.

UHezekhiyeli 3:14

Umoya wasengiphakamisa, wangisusa; ngahamba ngifutheka emoyeni wami, isandla seNkosi sinzima phezu kwami.

UHezekhiyeli 37:1

Isandla seNkosi sasiphezu kwami, sangikhupha ngomoya weNkosi, sangibeka phansi esihotsheni, sasigcwele amathambo.

UHezekhiyeli 40:2

Ngombono uNkulunkulu wangisa elizweni lakoIsrayeli, wangibeka phezu kwentaba ende kakhulu, lapho engabona khona okwakungathi yizindlu zomuzi kuphambi kwami.

UHezekhiyeli 43:5

umoya wangiphakamisa, wangiletha egumeni elingaphakathi; lenkazimulo yeNkosi yayigcwele ithempeli.

UHezekhiyeli 43:8

ngokumisa umbundu womnyango wabo phansi kowami, lensika zeminyango yabo phansi kwezami, sahlukaniswe ngumduli kuphela. Bangcolisile ibizo lami elingcwele ngamanyala abo abawenzileyo, ngakho ngibaqedile ngolaka lwami.

UHezekhiyeli 5:11

Ngakhoke ngiyazifunga, kutsho iNkosi uNkulunkulu, ngoba lingcolisile impela indlu yami engcwele ngakho konke okuzondekayo langamanyala enu wonke, ngizakulibhubhisa ngingalihawukeli, ngingaliyekeli.

UHezekhiyeli 7:20

Babeziqhenya ngobuhle beziceciso zabo abenza ngazo imifanekiso lezithombe ezinengisayo. Ngakhoke ngizazenza zibe yizinto ezingcolileyo kibo.

UHezekhiyeli 8:5

Wasesithi kimi: Ndoda, ake ukhangele ngasenyakatho. Ngasengikhangela ngasenyakatho, ngabona lesosithombe somona ngasenyakatho kwesango lealtare, ngasentubeni yalo.

UHezekhiyeli 9:2

Kwasekusiza amadoda ayisithupha evela ngasesangweni langaphezulu elikhangele ngasenyakatho, wonke ephethe izikhali zokubulala, ayehamba lomuntu ogqoke ilembu elihle elezinto zokubhala; angena, ema ngasealtareni lethusi.

UDanyeli 10:10

Ngasengibanjwa yisandla, sangimisa ngezandla zami langamadolo ngilokhu ngithuthumela.

UDanyeli 10:18

Wasengithinta futhi lowo olesimo somuntu, wangiqinisa.

UDanyeli 5:5

Kwahle kwavela iminwe yesandla somuntu, yabhala emdulini obhadiweyo wesigodlo senkosi maqondana loluthi lwesibane; inkosi yasibona isandla sibhala.

Imisebenzi 8:39

Kwathi sebekhuphukile emanzini, uMoya weNkosi wamsusa uFiliphu, kayabe isambona induna, kodwa yahamba ngendlela yayo ithokoza.

UDutheronomi 32:16

Bavusa umhawu wakhe ngonkulunkulu babezizwe, bamthukuthelisa ngokwenza izinto ezinengekayo.

UDutheronomi 32:21

Bavusile umona wami ngalokho okungesuye unkulunkulu; bangithukuthelisile ngezinto zabo eziyize. Ngakhoke ngizavusa umona wabo ngabangesibo abantu, ngibathukuthelise ngesizwe esiyisithutha.

UDutheronomi 4:24

Ngoba iNkosi uNkulunkulu wenu ingumlilo oqothulayo loNkulunkulu olomona.

UDutheronomi 5:9

Ungazikhothameli, ungazikhonzi; ngoba mina iNkosi uNkulunkulu wakho nginguNkulunkulu olomona, ngehlisela ububi baboyise ebantwaneni besizukulwana sesithathu lesesine sabangizondayo,

UDutheronomi 6:15

Ngoba iNkosi uNkulunkulu wakho ophakathi kwakho inguNkulunkulu olomona. Qaphela, funa iNkosi uNkulunkulu wakho ikuthukuthelele, ikuchithe emhlabeni.

UJoshuwa 24:19

UJoshuwa wathi ebantwini: Lina lingeyikhonze iNkosi ngoba inguNkulunkulu ongcwele, loNkulunkulu olomona. Kayiyikuthethelela iziphambeko zenu lezono zenu.