UHezekhiyeli 8:17 - iBhayibhili Elingcwele 1978

¹⁷ Wasesithi kimi: Uyakubona lokhu, wena ndoda na? Kuyinto elula koJuda ukwenza amanyala abawenzayo lapha yini, ukuba bagcwalise ilizwe ngokubi, bavuse ulaka lwami na? Khangela, babeka ingatsha empumulweni zabo.

IBhayibhili Elingcwele LesiNdebele

¹⁷ Wathi kimi, “Sewake wakubona lokhu na ndodana yomuntu? Kuyinto encane na ukuthi indlu kaJuda yenze izinto ezenyanyekayo abazenza lapha? Kumele ilizwe baligcwalise futhi ngodlakela, njalo bangithukuthelise kokuphela na? Bakhangele bebeka ugatsha empumulweni yabo!

UHezekhiyeli 8:17 Mawu Ofanana

UGenesisi 6:11

Umhlaba wawonakele phambi kukaNkulunkulu, umhlaba wagcwala okubi.

UGenesisi 6:13

UNkulunkulu wasesithi kuNowa: Sengizimisele ukuqeda abantu bonke, ngoba umhlaba ugcwele okubi ngenxa yabo; khangela, ngizabachitha kanye lomhlaba.

2 AmaKhosi 21:16

Futhi uManase uchithile igazi elinengi elingelacala waze waligcwalisa iJerusalema kusukela ekuqaleni kwalo kuze kube sekucineni, ngaphandle kwezono enza ngazo uJuda ukuba one, baze benza okubi phambi kwami.

2 AmaKhosi 24:4

langenxa yegazi elingelacala alichithayo: wagcwalisa iJerusalema ngegazi elingelacala, iNkosi yayingamthetheleli.

UJeremiya 19:4

Ngoba abantu bangitshiyile, bayingcolisa lindawo ngokutshisela kiyo impepha kwabanye onkulunkulu abangabaziyo bona labokhokho babo kanye lamakhosi akoJuda; futhi bayigcwalisa lindawo ngegazi labangelacala,

UJeremiya 20:8

Ngoba lapho ngikhuluma, ngiyakhala, ngimemeze ngithi: Okubi lokuchitheka! Ilizwi leNkosi selingilethele ihlazo lokuhlekwa usuku lonke.

UJeremiya 44:3

ngenxa yobubi babo ababenzayo, bangivusa ulaka ngoba batshisa impepha, bakhonza abanye onkulunkulu abangabaziyo bona kanye lani labokhokho benu.

UJeremiya 6:7

Njengomthombo ogobhoza amanzi awo, ngokunjalo ugobhoza ububi bawo; isihluku lokubhubhisa kuzwakala phakathi kwawo; ukugula lamanxeba kuhlala kukhona phambi kwami.

Izililo 1:5

Izitha zalo sezilibusa, ziyaphumelela, ngoba iNkosi ilenze lahlupheka ngenxa yobunengi beziphambeko zalo. Abantwana balo bathunjiwe yizitha.

UHezekhiyeli 11:6

Libulele abantu abanengi kulumuzi, lagcwalisa indlela zawo ngezidumbu.

UHezekhiyeli 16:26

Wabuya wawula lamaGibithe, omakhelwana bakho ababewula kakhulu, usandisa ukuwula kwakho ukuba ungithukuthelise.

UHezekhiyeli 18:12

icindezela abayanga labaswelayo, iphanga abantu, ingabuyiseli isibambiso, iphakamisela amehlo ayo ezithombeni, yenze amanyala,

UHezekhiyeli 23:25

Ngizakwenzela umona ukuba bakuphathe ngolaka. Bazaquma impumulo yakho lendlebe zakho, labaseleyo emzini wakho babulawe. Bazathumba amadodana lamadodakazi akho, labaseleyo emzini wakho batshiswe ngomlilo.

UHezekhiyeli 28:16

Ngenxa yobunengi bokuthenga kwakho wagcwala ulunya, wasusona. Ngakuxotsha njengento engcolileyo entabeni kaNkulunkulu, lekherubi lokukulinda lakukhupha phakathi kwamatshe avutha umlilo.

UHezekhiyeli 45:9

INkosi uNkulunkulu ithi: Kwanele, lina zikhulu zakoIsrayeli! Lahlani isihluku lokucindezela, lenze ukwahlulela lokulunga, likhawule ukuxotsha abantu bami, kutsho iNkosi uNkulunkulu.

UHezekhiyeli 7:11

isihluku sikhule saba yibubi. Kakuyikusala lutho lwabo, lasenothweni yabo, lasezifuyweni zabo, lasebukhosini babo.

UHezekhiyeli 7:23

Zilungiselele, ngoba ilizwe ligcwele amacala egazi, lomuzi ugcwele isihluku;

UHezekhiyeli 8:6

Wasesithi kimi: Ndoda, uyakubona lokho abakwenzayo, amanyala amakhulu enziwa ngabakoIsrayeli lapha, ukungixotshela khatshana lendawo yami engcwele na? Kodwa usezakubona amanyala adlula la.

UHezekhiyeli 9:9

Yathi kimi: Ububi bakoIsrayeli lobakoJuda bukhulu kakhulu, ilizwe ligcwele igazi, lomuzi ugcwele ukungalungi, ngoba bathi: INkosi ilitshiyile ilizwe leli, kayiboni.

uAmosi 3:10

Ngoba kabakwazi ukwenza okulungileyo, kutsho iNkosi, bagcwalisa inqaba zabo ngomvuzo wokugebenga lokuphanga.

uAmosi 6:3

Lina elibeka khatshana usuku olubi, lisondeze eduze isikhathi sobubi.

UMikha 2:2

Bahawukela amasimu, bawathathe ngodlakela, lezindlu bayazithatha; bathathela umuntu umuzi wakhe, bamthathele lelifa lakhe.

UMikha 6:12

Abanothileyo benu bagcwele okubi, labakhileyo bakhuluma amanga, lolimi lwabo luyakhohlisa.

UZefaniya 1:9

Ngalolosuku ngizatshaya bonke abeqayo umbundu womnyango, labagcwalisa indlu yenkosi yabo ngobubi langenkohliso.