UHezekhiyeli 8:16 - iBhayibhili Elingcwele 1978

¹⁶ Wangingenisa egumeni elingaphakathi kwethempeli; ngabona ngasemnyango wethempeli leNkosi phakathi komkoto lealtare abantu abangamatshumi amabili lanhlanu befulathele ithempeli leNkosi, bekhangele ngasempumalanga, bekhonza ilanga eliphumayo.

IBhayibhili Elingcwele LesiNdebele

¹⁶ Wasengisa egumeni lendlu kaThixo elingaphakathi, njalo khonapho ekungeneni kwethempeli, phakathi komkhandlu le-alithari, kwakulamadoda ayengaba ngamatshumi amabili lanhlanu. Ayekhothamele phansi elangeni empumalanga, efulathele ithempeli likaThixo. Ubuso bawo bukhangele empumalanga.

UHezekhiyeli 8:16 Mawu Ofanana

1 AmaKhosi 8:29

Ebusuku lemini amehlo akho kawakhangele lindlu, indawo owatsho ngayo ukuthi: Ibizo lami lizakudunyiswa lapho; ukuze uwuzwe umkhuleko wenceku yakho ikhangele kulindawo.

2 AmaKhosi 16:14

Ialtare lethusi elahlukaniselwe iNkosi yalisusa phambi kwethempeli, endaweni ephakathi kwethempeli lealtare elitsha, yalimisa ngasenyakatho kwealtare elitsha.

2 AmaKhosi 21:5

Wakhela zonke inkanyezi zaphezulu ama‐altare emagumeni womabili ethempeli.

2 AmaKhosi 23:11

Entubeni yethempeli wasusa amabhiza amakhosi akoJuda ayewahlukanisele ilanga, wona ayeseduze lendlu kaNathani‐Meleki umthenwa eyayingaphandle, wazitshisa ngomlilo inqola zelanga.

2 AmaKhosi 23:5

Wakhupha abapristi bezithombe amakhosi akoJuda ayebabekile ukutshisa impepha endaweni eziphakemeyo zokukhonzela emizini yakoJuda langaseJerusalema, lalabo ababetshisela uBali impepha lelanga lenyanga lezinkanyezi zonke zaphezulu.

2 ImiLando 29:6

Ngoba obaba babengathembekanga, benza okubi phambi kweNkosi uNkulunkulu wethu, bayidelela, bayitshiya indlu yayo, bayifulathela.

2 ImiLando 7:7

USolomoni wahlukanisela iNkosi indawo ephakathi kweguma elalingaphambi kwethempeli, ngoba lapho wanikela iminikelo yokutshiswa, lamahwahwa eminikelo yokuthula, ngoba ialtare lethusi uSolomoni ayelenzile lalilincinyane ukutshisela kulo umnikelo wokutshiswa lomnikelo wempuphu lamahwahwa.

UJeremiya 2:27

abathi esihlahleni: Wena ungubaba; abathi lelitsheni: Wena wasizala. Ngoba bangifulathela, kabangikhangelanga. Kodwa ngesikhathi sokuhlupheka kwabo bathi: Vuka, usikhulule!

UJeremiya 32:33

Bangifulathela, kabakhangelanga kimi; lanxa ngibafundise njalonjalo, kabalalelanga ukufundisa kwami.

UJeremiya 44:17

Kodwa sizakwenza konke esizimisele ukukwenza; sizatshisela iNkosikazi yaphezulu impepha, siyithululele iminikelo yokuthululwa, njengokuba besisenza thina, labobaba, lamakhosi ethu, lezikhulu zethu, emizini yakoJuda lasezindleleni zeJerusalema; ngoba sasilokudla okunengi, sihlezi kuhle singaboni okubi.

UJeremiya 7:18

Abantwana batheza inkuni, oyise baphembe umlilo, abesifazana baxove inhlama, ukuba benzele iNkosikazi yaphezulu amaqebelengwana, bathululele abanye onkulunkulu iminikelo yokuthululwa, ukuba bangicunule.

UJeremiya 8:2

azachaywa elangeni lasenyangeni, lakuzo zonke inkanyezi, abakuthandileyo bakukhonza, abakulandeleyo bakudinga, bakudumisa; kawayikubuthwa angcwatshwe futhi, azakuba njengomquba emhlabathini.

UHezekhiyeli 10:3

Amakherubi ayemi ngaseningizimu kwethempeli ekungeneni kwalowomuntu, lamayezi ayegcwele egumeni elingaphakathi.

UHezekhiyeli 11:1

Umoya wangiphakamisa, wangisa ngasesangweni lendlu yeNkosi elingasempumalanga, elikhangele ngasempumalanga. Emnyango wesango kwakukhona amadoda angamatshumi amabili lanhlanu; phakathi kwawo ngabona uJazaniya indodana kaAzuri, loPelatiya indodana kaBenaya, izikhulu zabantu.

UHezekhiyeli 23:35

Ngalokho iNkosi uNkulunkulu ithi: Ngoba ungikhohliwe, wangilahla nyovane, thwala umvuzo wamanyala akho lokuwula kwakho.

UHezekhiyeli 23:39

Ngoba ekubulaleni abantwana babo ukuba babe ngumhlatshelo wezithombe zabo, bangena endlini yami engcwele bayingcolise. Yikho lokho abakwenza endlini yami.

UHezekhiyeli 40:28

Wasengiletha egumeni elingaphakathi ngesango laseningizimu, walinganisa isango laseningizimu, lalilingana lamanye.

UHezekhiyeli 40:6

Wasesiya esangweni elikhangele impumalanga, wakhwela ngezinyathelo, walinganisa umbundu wesango, walingana lomhlanga munye ukutshona kwawo.

UHezekhiyeli 43:5

umoya wangiphakamisa, wangiletha egumeni elingaphakathi; lenkazimulo yeNkosi yayigcwele ithempeli.

UHezekhiyeli 43:8

ngokumisa umbundu womnyango wabo phansi kowami, lensika zeminyango yabo phansi kwezami, sahlukaniswe ngumduli kuphela. Bangcolisile ibizo lami elingcwele ngamanyala abo abawenzileyo, ngakho ngibaqedile ngolaka lwami.

UHezekhiyeli 45:19

Umpristi uzathatha elinye igazi lomnikelo wesono, alicombe emgubazini wethempeli lasezingonsini zealtare lasezinsikeni zamasango eguma langaphakathi.

UHezekhiyeli 46:1

INkosi uNkulunkulu ithi: Isango leguma elingaphakathi elikhangele impumalanga, lizavalwa insuku eziyisithupha okusetshenzwa ngazo. Kodwa ngosuku lweSabatha lizavulwa lasekuthwaseni kwenyanga.

UHezekhiyeli 7:23

Zilungiselele, ngoba ilizwe ligcwele amacala egazi, lomuzi ugcwele isihluku;

UHezekhiyeli 8:15

Wasesithi kimi: Uyakubona lokhu, wena ndoda na? Ng’khona usuzakubona amanyala amakhulu ukwedlula la.

UJoweli 2:17

Abapristi, izikhonzi zeNkosi, kabakhale phakathi komkoto lealtare, bathi: Bahawukele abantu bakho, Nkosi, ungabenzi babe yinhlamba, lesiga phakathi kwezizwe. Bazakutsholoni phakathi kwezizwe ukuthi: Ungaphi uNkulunkulu wabo na?

UDutheronomi 17:3

osuke ayekhonza abanye onkulunkulu, akhothamele loba ilanga lenyanga, ingabe enye yezinkanyezi esezulwini, enze lokho iNkosi elinqabele khona,

UDutheronomi 4:19

Futhi lapho liphakamisela amehlo enu phezulu, libone ilanga lenyanga lezinkanyezi, konke okusezulwini, xwayani, funa liyengwe, likudumise likukhonze. INkosi uNkulunkulu wenu lokhu ikunike bonke abantu abangaphansi komthunzi welanga ukuba bakukhonze.