UHezekhiyeli 7:8 - iBhayibhili Elingcwele 1978

⁸ Ngizakwehlisela ulaka lwami phezu kwenu, ngiqedele ukuthukuthela kwami kini, ngilithonisise ngokufanele indlela zenu, ngilitshaye ngenxa yawo wonke amanyala enu.

IBhayibhili Elingcwele LesiNdebele

⁸ Sekuseduze ukuba ngithululele ulaka lwami phezu kwenu ngiqedele ukuthukuthela kwami kini. Ngizalahlulela ngokumayelana lezenzo zenu ngiliphe imivuzo kukho konke ukwenza kwenu okunengekayo.

UHezekhiyeli 7:8 Mawu Ofanana

2 ImiLando 34:21

Hambani liyesibuzela eNkosini uNkulunkulu mina lalabo abaseleyo koIsrayeli lakoJuda mayelana lamazwi alolugwalo olufunyenweyo; ngoba lukhulu ulaka lweNkosi olusehleleyo, ngoba obaba kabaligcinanga ilizwi layo ukuba benze njengokulotshiweyo kulolugwalo.

AmaHubo 79:6

Yehlisela ulaka lwakho phezu kwabezizwe abangakwaziyo, laphezu kwemibuso engakhuleki ebizweni lakho.

U-Isaya 42:25

Yehlisela phezu kwakhe ukuvutha kolaka lwayo lamandla empi; yamfaka phakathi komlilo, kodwa kaqedisisanga; yamtshisa, kodwa kalalelanga.

UJeremiya 36:31

Ngizamtshaya yena kanye lenzalo yakhe, lenceku zakhe ngenxa yobubi babo; ngizakwehlisela phezu kwabo laphezu kwabo bonke abakhileyo eJerusalema laphezu kwabantu bakoJuda konke okubi engikukhulume ngabo, ngoba bengalalelanga.

UJeremiya 7:20

Ngakhoke iNkosi uNkulunkulu ithi: Ukuthukuthela kwami lolaka lwami kuzakwehlela kulindawo, phezu kwabantu lenyamazana, laphezu kwezihlahla zeganga lezithelo zomhlabathi. Kuzakutsha, kungacimeki.

Izililo 2:17

INkosi yenzile lokho ebikumisile, igcwalisile ilizwi layo. Njengokumisa kwayo endulo isidilizile ingelasihawu. Yenzile ukuba isitha sithokoze ngawe, yaphakamisa amandla ezitha zakho.

Izililo 2:4

Isinemba ngemitshoko yayo njengesitha, yathiya isandla sayo esilamandla; njengesitha ibulele bonke abathandeka emehlweni ethu; lasethenteni laseZiyone yehlisela ulaka lwayo njengomlilo.

Izililo 4:11

INkosi yaphelelisa ukuthukuthela kwayo, yehlisa ulaka lwayo olutshisayo, yaphemba umlilo eZiyone owaqothula izisekelo zalo.

UHezekhiyeli 11:21

Kodwa labo abanhliziyo zabo zithanda okunengisayo kwabo lamanyala abo, ngizaphindisela izenzo zabo phezu kwabo, kutsho iNkosi uNkulunkulu.

UHezekhiyeli 14:19

Uba ngithumela isifo kulelolizwe, ngehlisele ukuthukuthela kwami kulo ngokuchitha igazi, ukuba ngiqede kulo abantu lezinyamazana,

UHezekhiyeli 16:43

Ngoba ungakhumbulanga insuku zobutsha bakho, kodwa ungithukuthelisile ngazo zonke lezizinto, ngizaphindisela izenzo zakho phezu kwakho, kutsho iNkosi uNkulunkulu. Kawuzenzanga lezizinengiso kanye lawo wonke amanye amanyala akho na?

UHezekhiyeli 16:59

Yebo, iNkosi uNkulunkulu ithi: Ngizakukuphatha njengokwenza kwakho, wena odelele isifungo, wephula isivumelwano;

UHezekhiyeli 18:30

Ngakhoke ngizalithonisisa, lina bakoIsrayeli, lonke ngokufanele indlela zenu, kutsho iNkosi uNkulunkulu. Phendukani, libuye eziphambekweni zenu zonke, lingachitheki ngenxa yobubi.

UHezekhiyeli 20:13

Kodwa abakoIsrayeli bangihlamuka enkangala, kabahambanga ngezimiso zami, bala imithetho yami, umuntu azaphila ngayo uba eyenza, lamaSabatha ami bawangcolisa kakhulu. Ngasengisithi ngizakwehlisela ukuthukuthela kwami phezu kwabo enkangala, ngibaqede nya.

UHezekhiyeli 20:21

Kodwa labantwana bangihlamuka, kabaze bahamba ngezimiso zami, kabaqaphelisanga ukugcina imithetho yami, umuntu azaphila ngayo uba eyenza; bawangcolisa amaSabatha ami. Ngasengisithi ngizakwehlisela ukuthukuthela kwami phezu kwabo, ngibaqede ngolaka lwami enkangala.

UHezekhiyeli 20:33

Ngiyazifunga, kutsho iNkosi uNkulunkulu, impela ngizalibusa ngesandla esilamandla lengalo eqinileyo langolaka lwami;

UHezekhiyeli 20:8

Kodwa bangihlamuka, kabaze bangilalela. Bonke kabazilahlanga izinto ezenyanyekayo ababezibuka, kabazitshiyanga lezithombe zaseGibithe. Ngasengisithi ngizakwehlisa ukuthukuthela kwami phezu kwabo, ngibaqede ngolaka lwami phakathi kwelizwe laseGibithe.

UHezekhiyeli 22:31

Ngalokho ngehlisele ukuthukuthela kwami phezu kwabo, ngabaqeda ngomlilo wolaka lwami, ngaphindisela indlela yabo kibo, kutsho iNkosi uNkulunkulu.

UHezekhiyeli 24:14

Mina Nkosi ngikhulumile. Kuzakwenzeka, ngizakukwenza. Kangiyikukuyekela, kangiyikuba lesihawu, kangiyikuphenduka. Ngizakukuthonisisa ngokufanele indlela zakho lezenzo zakho, kutsho iNkosi uNkulunkulu.

UHezekhiyeli 30:15

Ngizakwehlisela ulaka lwami phezu kweSini, eliyinqaba yaseGibithe, ngiqede ixuku laseThebesi.

UHezekhiyeli 33:20

Kanti lina lithi: Indlela yeNkosi kayilunganga. Lina bakoIsrayeli, ngizalithonisisa lonke ngokufanele izindlela zenu.

UHezekhiyeli 6:12

Okhatshana uzabulawa yisifo, oseduze abulawe yimpi, loseleyo abulawe yindlala. Kuzaphela ngokunjalo ukufutheka kwami phezu kwabo.

UHezekhiyeli 7:27

Inkosi izakulila, lezikhulu zigewale ukudana, labantu belizwe bazathuthumela. Ngizakwenza kibo njengokufanele indlela zabo, ngibathonisise njengokufanele izahlulelo zabo; bazakwazi ukuba ngiyiNkosi.

UHezekhiyeli 7:9

Kangiyikuliyekela, kangiyikulihawukela, kodwa ngizalitshaya ngenxa yezenzo zenu langamanyala enu asesephakathi kwenu. Ng’khona lizakwazi ukuba ngiyiNkosi etshayayo.

UHezekhiyeli 9:10

Lamike kangiyikubayekela, kangiyikuba lesihawu, kodwa ngizakwehlisela izenzo zabo phezu kwabo.

UHezekhiyeli 9:8

Kwathi besababulala, ngasala ngedwa, ngathi mbo ngobuso, ngakhala ngathi: Hawu, Nkosi Nkulunkulu! Uzababulala bonke abaseleyo koIsrayeli ekwehliseleni kwakho ukuthukuthela phezu kweJerusalema na?

UDanyeli 9:11

Wonke uIsrayeli waphule umlayo wakho, waphambuka kiwo, wala ukulalela ilizwi lakho. Isiqalekiso lesifungo esilotshiweyo emlayweni kaMose inceku yakho sehliselwe phezu kwethu, ngoba sonile kuwe.

UDanyeli 9:27

Umbusi uzakwenza isivumelwano esiqinileyo labanengi okweminyaka eyisikhombisa, kuthi phakathi kwayo ayivale imihlatshelo leminikelo; phakathi kwalokho ukuchitheka kufike umchithi, kuthi ekucineni kufike lokho okumisiweyo mayelana lomchithi.

UHosiya 12:3

Lasesiswini waphica umfowabo, eseyindoda wabindana loNkulunkulu.

UHosiya 5:10

Ababusi bakoJuda sebenjengabantu abasiphula izikhonkwane zemingcele; ngizakwehlisela kibo ulaka lwami njengamanzi.

UNahume 1:6

Ngubani ongema phambi kwentukuthelo yayo na? Ngubani ongema ekuvutheni kolaka lwayo na? Ulaka lwayo luthululeka njengomlilo, lamadwala aqekezeke phambi kwayo.

Isambulo 14:10

laye uzakunatha iwayini lolaka lukaNkulunkulu elilungisiweyo enkezweni yolaka lwakhe, lingaxutshaniswanga; uzakuhlutshwa ngomlilo langesolufa phambi kwezithunywa ezingcwele laphambi kweWundlu.