UHezekhiyeli 7:2 - iBhayibhili Elingcwele 1978

² Ndoda, mina Nkosi uNkulunkulu ngithi elizweni lakoIsrayeli: Ukuphela kuyeza, ukuphela kuyeza emagumbini womane elizwe.

IBhayibhili Elingcwele LesiNdebele

² “Ndodana yomuntu, nanku okutshiwo nguThixo Wobukhosi elizweni lako-Israyeli: ‘Isiphetho! Isiphetho sesifikile emagumbini amane elizwe.

UHezekhiyeli 7:2 Mawu Ofanana

UGenesisi 6:13

UNkulunkulu wasesithi kuNowa: Sengizimisele ukuqeda abantu bonke, ngoba umhlaba ugcwele okubi ngenxa yabo; khangela, ngizabachitha kanye lomhlaba.

2 ImiLando 34:7

wadiliza ama‐altare, lensika zikankulunkulukazi uAshera wazibulala lezithombe zaze zaba yimpuphu, wadilizela phansi ama‐altare empepha kulo lonke ilizwe lakoIsrayeli. Wasebuyela eJerusalema.

U-Isaya 47:7

Wathi: Ngizakuba yinkosikazi kuze kube nininini; kawuzikhathazanga ngalezizinto, kawukhumbulanga ukucina kwazo.

UJeremiya 12:4

Koze kube nini ilizwe likhala, lotshani bonke beganga bubuna na? Ngenxa yobubi balabo abakhileyo khona inyamazana lenyoni ziyabhubha, ngoba abantu bathi: INkosi kayiyikubona esikwenzayo.

UJeremiya 5:31

abaprofethi batshumayela amanga, labapristi babusa ngokululeka kwabaprofethi; abantu bami bayakuthanda lokhu. Kodwa lizakwenza njani ekupheleni na?

UJeremiya 51:13

Wena muzi ohlala ngasemanzini amanengi, olenotho enengi, ukuphela kwakho sekufikile, kuqunyiwe ukuphila kwakho.

Izililo 1:9

Ukungcola kwalo kwakusezidwabeni zalo, kalikhumbulanga ngokuchitheka kwalo. Ngakhoke ukuwa kwalo kukhulu, kalilaye umduduzi. Nkosi, akukhangele ukuhlupheka kwalo, ngoba isitha sesinqobile.

Izililo 4:18

Abantu basizingela ukuze singahambi endleleni zethu. Ukuphela kwethu kwasondela, lensuku zethu zaphela, ngoba ukuphela kwethu kwasekufikile.

UHezekhiyeli 11:13

Kwathi lokhu ngisatshumayela, uPelatiya indodana kaBenaya wafa. Ngasengisithi mbo ngobuso phansi, ngamemeza ngelizwi elikhulu ngathi: Hawu, Nkosi uNkulunkulu! Uzabaqeda abaseleyo koIsrayeli na?

UHezekhiyeli 12:22

Ndoda, sithini lesisaga esitshiwoyo ngelizwe lakoIsrayeli esokuthi: Insuku ziyadlula, lemibono yonke ilize?

UHezekhiyeli 21:2

Ndoda, khangela ngaseJerusalema, utshumayele ngezindawo zakhona ezingcwele, utshumayele ngelizwe lakoIsrayeli,

UHezekhiyeli 21:25

Wenake, sikhulu sakoIsrayeli oyisixhwali esibi, usuku lwakho selufikile, isikhathi sokutshaywa kwakho kokucina;

UHezekhiyeli 21:4

Njengoba ngizaqeda kuwe abalungileyo lababi, umkhonto wami uzahwatshelwa bonke abantu, kusukela eningizimu kuze kufike enyakatho.

UHezekhiyeli 21:7

Nxa besithi kuwe: Ububulelani na? wena uthi: Kungenxa yezindaba ezizayo. Lapho sezifikile, zonke inhliziyo zizagcwala ukwesaba, lezandla zibe buthakathaka, lemimoya yonke ihlupheke, lamadolo wonke atshayane. Nanzoke, sezifikile, zizagcwaliseka, kutsho iNkosi uNkulunkulu.

UHezekhiyeli 35:5

Ngoba waba lenzondo engapheliyo, wanikela abantu bakoIsrayeli ekubulaweni ngesikhathi sokuhlupheka kwabo, ngesikhathi sokutshaywa kwabo kokucina.

UHezekhiyeli 40:2

Ngombono uNkulunkulu wangisa elizweni lakoIsrayeli, wangibeka phezu kwentaba ende kakhulu, lapho engabona khona okwakungathi yizindlu zomuzi kuphambi kwami.

UHezekhiyeli 7:1

Ilizwi leNkosi lafika kimi lathi:

UHezekhiyeli 7:3

Ukuphela sekufikile kini, ngizakwehlisela ukuthukuthela kwami phezu kwenu, ngilithonisise ngezenzo zenu, ngehlisele phezu kwenu amanyala enu.

UJoweli 1:15

Maye ngalolosuku! Ngoba usuku lweNkosi luseduze, luzafika njengokuchitheka okulethwa nguSomandla.

uAmosi 8:10

Ngizaphendula imikhosi yenu ibe yikukhala, lengoma zenu zonke zibe yikulila, livunule izambatho zokulila, liphuce amakhanda enu, kube yisililo esinjengesokulilela indodana eyodwa, kube lusuku olubuhlungu impela.

uAmosi 8:2

Yathi kimi: Amosi, ubonani na? Ngathi: Ngibona isitsha sezithelo zasehlobo. INkosi yasisithi kimi: Ukuphela sekufikile ebantwini bami uIsrayeli; kangisayikubayekela futhi.

UMatewu 24:6

Lizakuzwa ngezimpi lamahungahunga ezimpi. Khangelani lingethuki, ngoba lokhu kufanele kwenzeke, kodwa ukuphela kuzabe kungakafiki.

UDutheronomi 32:20

Yathi: Ngizakubafihlela ubuso bami, ngibone ukuthi ukuphela kwabo kuzakuba yini; ngoba bayisizukulwana esingaqondanga, bangabantwana abangathembekanga.

1 UPhethro 4:7

Ukuphela kwezinto zonke sekusondele. Ngakho zikhuzeni, liqonde, likhuleke.

Isambulo 20:8

aphumele ukuduhisa izizwe ezisemagumbini amane omhlaba, azibuthele ekulweni izimpi zikaGogi loMagogi, ubunengi bazo bungangetshebetshebe lolwandle.

Isambulo 7:1

Emva kwalokhu ngabona izithunywa ezine zimi emagumbini womane omhlaba, zibambe imimoya emine yomhlaba ukuze kungavunguzi moya emhlabeni, lasolwandle, lakwesisodwa isihlahla.