UHezekhiyeli 7:19 - iBhayibhili Elingcwele 1978

¹⁹ Bazalahlela isiliva sabo ezindleleni, legolide labo lizakuba njengento engcolileyo. Isiliva sabo legolide labo kakuyikuba lamandla okubakhulula ngosuku lokuthukuthela kweNkosi. Kabayikukudla basuthe; ngoba ububi babo buyisikhubekiso sabo.

IBhayibhili Elingcwele LesiNdebele

¹⁹ Bazalahlela isiliva sabo emigwaqweni, legolide labo lizakuba njengento engcolileyo. Isiliva sabo legolide labo akuyikwanelisa ukubakhulula ngosuku lolaka lukaThixo. Bangeke baqede ukulamba kwabo kumbe bagcwalise izisu zabo, ngoba sekubenze bakhubeka esonweni.

UHezekhiyeli 7:19 Mawu Ofanana

2 AmaKhosi 7:15

Basebewalandela, baze bafika eJordani; bafica indlela yonke igcwele izingubo lezikhali ezazilahlwe ngamaSiriya ekubalekeni kwawo. Izithunywa zabuyela, zayibikela inkosi.

Izaga 10:2

Inotho ezuzwa ngokubi kayisizi lutho, kodwa ukulunga kukhulula ekufeni.

Izaga 11:4

Inotho kayisizi ngosuku lolaka, kodwa ukulunga kukhulula ekufeni.

UmTshumayeli 5:10

Lowo othanda imali kayikwaneliswa yimali, laye othanda inotho kayikwaneliswa yinotho; lokho lakho kulize.

U-Isaya 2:20

Ngalolosuku abantu bazakulahlela emagundwaneni lakubolulwane izithombe zabo zesiliva lezegolide abazenzela zona ukuba bakhuleke kuzo,

U-Isaya 30:22

Lizakudela izithombe zenu ezibaziweyo, zananyekwa ngesiliva, lezithombe zenu ezibunjiweyo, zananyekwa ngegolide, liziphose njengezinto ezingcolileyo, lithi kuzo: Sukani lapha.

U-Isaya 55:2

Lichithelani imali yenu kulokho okungeyisikho ukudla, lamaholo enu kulokho okunganelisiyo na? Ngizwisisani, lidle okuhle, lizithokozise ngezibondlo.

Izililo 4:1

Yeka ukufiphala kwegolide lokuphenduka kwegolide elihle! Amatshe endlu engcwele achithekile ekuhlanganeni kwazo zonke indlela.

UHezekhiyeli 13:5

Kabayanga ezikhaleni ukulungisela uIsrayeli umduli odilikileyo ukuze aqine osukwini lokulwa osukwini lweNkosi.

UHezekhiyeli 14:7

Ngoba bonke abakoIsrayeli labezizweni abahlala koIsrayeli abazehlukanisa lami, banikela inhliziyo zabo ezithombeni zabo, bethanda ukukhangela izinto ezimbi ezibakhubayo, kodwa beze kumprofethi ukubuza ngami, mina Nkosi uqobo ngizabaphendula.

UHezekhiyeli 30:3

Usuku selusondele, usuku lweNkosi selusondele, luzakuba lusuku olulamayezi, isikhathi sokuchitheka kwezizwe.

UHezekhiyeli 44:12

Ngoba abasebenzela phambi kwezithombe zabo, aba yisikhubekiso sobubi kuIsrayeli, ngakho ngifungile mayelana labo ukuba azathwala ukutshaywa kwawo, kutsho iNkosi uNkulunkulu.

UZefaniya 1:18

Isiliva sabo legolide labo kakuyikuba lamandla okubakhulula ngosuku lolaka lweNkosi. Wonke umhlaba uzakuqedwa ngumlilo wolaka lwayo lomona wayo; ngoba izakuqeda, yebo izabajuma ibaqede bonke abakhileyo elizweni.

UZefaniya 1:3

ngizaqothula abantu lenyamazana, ngiqothule inyoni zaphezulu lenhlanzi zasolwandle. Ngizachitha ababi, ngiqede bonke abantu emhlabeni, kutsho iNkosi.

UMatewu 16:26

Ngoba kuzamsizani umuntu ukuzuza umhlaba wonke, alahlekelwe yikuphila kwakhe; ingabe anganikani umuntu kube yinhlawulo yokuphila kwakhe na?

AbaseRoma 11:9

LoDavida uthi: Ukudla kwabo kakube ngumjibila lesifu, lesikhubekiso lempindiselo kibo;