UHezekhiyeli 7:11 - iBhayibhili Elingcwele 1978

¹¹ isihluku sikhule saba yibubi. Kakuyikusala lutho lwabo, lasenothweni yabo, lasezifuyweni zabo, lasebukhosini babo.

IBhayibhili Elingcwele LesiNdebele

¹¹ Udlakela selukhule lwaba yinduku yokujezisa ububi; kakho ebantwini ozatshiywa; kakho kuleliya xuku, akula notho, akulalutho oluligugu.

UHezekhiyeli 7:11 Mawu Ofanana

AmaHubo 125:3

Ngoba ukubusa kwababi kakuyikuba khona elizweni elinikwe abalungileyo, funa abalungileyo belulele izandla zabo kokubi.

AmaHubo 73:8

Bayakloloda bakhulume ngobubi, bayazikhukhumeza benze amacebo okucindezela.

AmaHubo 78:64

Abapristi babo babulawa ngomkhonto, labafelwakazi babo kabaze babalilela.

U-Isaya 14:29

Ungathokozi, wena lizwe lonke laseFilistiya, ngokuthi intonga ekutshayileyo yaphukile; ngoba empandeni yenyoka kuzavela ibululu, lenzalo yabo ibe yinyoka ephaphayo.

U-Isaya 5:7

UIsrayeli uyisivini seNkosi yamabandla, labantu bakoJuda bayisithombo sayo esihle. Yayilindele okufaneleyo, kodwa kwaba khona ukubulalana; yalindela ukulunga, kodwa kwaba khona ukukhala.

U-Isaya 9:4

Ngoba ijogwe labo elinzima abaletshata emahlombe, lentonga yomhluphi wabo, ukuqedile njengasosukwini lokuchitheka kukaMidiyani.

UJeremiya 22:18

Ngakhoke iNkosi ithi mayelana loJehoyakimi indodana kaJosiya, inkosi yakoJuda: Kabayikumkhalela ngokuthi: Hawu mfowethu! Kabayikumkhalela bathi: Hawu nkosi! loba: Hawu mhlekazi!

UJeremiya 25:33

Ngalolosuku ababulewe yiNkosi bazasukela komunye umkhawulo womhlaba baze bafike komunye; kabayikukhalelwa, kabayikubuthwa bangcwatshwe, bazakuba ngamalongwe emhlabathini.

UJeremiya 6:7

Njengomthombo ogobhoza amanzi awo, ngokunjalo ugobhoza ububi bawo; isihluku lokubhubhisa kuzwakala phakathi kwawo; ukugula lamanxeba kuhlala kukhona phambi kwami.

UJeremiya 7:34

Ngizaqeda emizini yakoJuda lezindleleni zaseJerusalema umsindo wokujabula lowokuthokoza, lelizwi lomyeni lelomlobokazi, ngoba ilizwe lizakuchitheka.

UHezekhiyeli 45:9

INkosi uNkulunkulu ithi: Kwanele, lina zikhulu zakoIsrayeli! Lahlani isihluku lokucindezela, lenze ukwahlulela lokulunga, likhawule ukuxotsha abantu bami, kutsho iNkosi uNkulunkulu.

UHezekhiyeli 5:11

Ngakhoke ngiyazifunga, kutsho iNkosi uNkulunkulu, ngoba lingcolisile impela indlu yami engcwele ngakho konke okuzondekayo langamanyala enu wonke, ngizakulibhubhisa ngingalihawukeli, ngingaliyekeli.

UHezekhiyeli 5:4

Ubusuthatha ezinye zazo, uziphosele emlilweni zitshe; umlilo uzavela kuzo utshise uIsrayeli.

UHezekhiyeli 6:11

INkosi uNkulunkulu ithi: Qakeza izandla zakho, ugide ngenyawo zakho uthi: Maye! ngenxa yawo wonke amanyala amabi akoIsrayeli; ngoba bazabulawa yimpi, layindlala, layisifo.

UHezekhiyeli 7:16

Uba kukhona ababalekela ezintabeni bazakuba njengamajuba avela esihotsheni; bakhale bonke bekhalela ububi babo.

UHezekhiyeli 7:2

Ndoda, mina Nkosi uNkulunkulu ngithi elizweni lakoIsrayeli: Ukuphela kuyeza, ukuphela kuyeza emagumbini womane elizwe.

UHezekhiyeli 7:23

Zilungiselele, ngoba ilizwe ligcwele amacala egazi, lomuzi ugcwele isihluku;

UHezekhiyeli 8:17

Wasesithi kimi: Uyakubona lokhu, wena ndoda na? Kuyinto elula koJuda ukwenza amanyala abawenzayo lapha yini, ukuba bagcwalise ilizwe ngokubi, bavuse ulaka lwami na? Khangela, babeka ingatsha empumulweni zabo.

uAmosi 3:10

Ngoba kabakwazi ukwenza okulungileyo, kutsho iNkosi, bagcwalisa inqaba zabo ngomvuzo wokugebenga lokuphanga.

uAmosi 6:3

Lina elibeka khatshana usuku olubi, lisondeze eduze isikhathi sobubi.

UMikha 2:2

Bahawukela amasimu, bawathathe ngodlakela, lezindlu bayazithatha; bathathela umuntu umuzi wakhe, bamthathele lelifa lakhe.

UMikha 3:3

elibadla inyama abantu bami, lihlinze isikhumba sabo, lephule amathambo abo, libaqobe njengenyama esembizeni lanjengenyama esebhodweni.

UMikha 6:12

Abanothileyo benu bagcwele okubi, labakhileyo bakhuluma amanga, lolimi lwabo luyakhohlisa.

UZefaniya 1:18

Isiliva sabo legolide labo kakuyikuba lamandla okubakhulula ngosuku lolaka lweNkosi. Wonke umhlaba uzakuqedwa ngumlilo wolaka lwayo lomona wayo; ngoba izakuqeda, yebo izabajuma ibaqede bonke abakhileyo elizweni.

UJakhobe 2:13

Ukwahlulela lokho kakulasihawu kulowo ongelasihawu; kodwa olesihawu uzakunqoba ekwahluleleni.