UHezekhiyeli 7:10 - iBhayibhili Elingcwele 1978

¹⁰ Nanto usuku, nantu luyeza. Ukuchitheka kwenu sekufikile, ububi buyahluma, lokuziqhenya kukhahlele,

IBhayibhili Elingcwele LesiNdebele

¹⁰ Usuku selukhona! Bona, selufikile! Incithakalo isipatshakile, induku isihlumile, ukuziphakamisa sekuqhakazile.

UHezekhiyeli 7:10 Mawu Ofanana

AmaHubo 89:32

ngizakubatshayela iziphambeko zabo ngenduku, lezono zabo ngemichilo.

Izaga 14:3

Amazwi esithutha aluswazi lokuzitshaya, kodwa amazwi ohlakaniphileyo azamgcina.

Izaga 16:18

Ukuzigqaja kwandulela ukubhujiswa, lomoya ozikhukhumezayo wandulela ukuwa.

U-Isaya 10:5

Maye kulo iAsiriya, intonga yentukuthelo yami, lenduku yolaka lwami!

U-Isaya 21:12

Umlindi wathi: Kuyeza ukusa, kubuye ubusuku futhi. Uba lithanda ukubuza, buzani, libuye futhi.

U-Isaya 28:1

Maye kuyo imiqhele yokuzikhukhumeza yezikhulu zakoEfrayimi ezidakiweyo, lakuwo amaluba ayo amahle ngoba ayabuna; aphezu kwamakhanda abadakiweyo agcotshwe ngamakha amahle, bona beqedwe ngutshwala.

UHezekhiyeli 12:23

Batshele uthi: INkosi uNkulunkulu ithi: Ngizasiqeda lesisaga, kabasayikusisebenzisa koIsrayeli. Uthi kibo: Insuku zisondele, kanye lokugcwaliseka kwemibono yonke.

UHezekhiyeli 19:14

Umlilo ulumethe esigodweni saso, watshisa ingatsha zaso lezithelo zaso, ukuze kungasali isigodo esiqinileyo sokwenza intonga yombusi. Lesi yisililo esesisetshenziswa.

UHezekhiyeli 21:10

ulolelwe ukubulala, walolongelwa ukuphazima njengombane. Intonga iyagwetshwa, ndodana yami, ukudelela zonke izithombe zesigodo.

UHezekhiyeli 21:13

ngoba kuyikuhlolwa — phoke, kuzakuba njani uba kungesiyo sibili intonga yokudelela na? kutsho iNkosi uNkulunkulu.

UHezekhiyeli 30:3

Usuku selusondele, usuku lweNkosi selusondele, luzakuba lusuku olulamayezi, isikhathi sokuchitheka kwezizwe.

UHezekhiyeli 7:12

Isikhathi sesifikile, losuku lusondele. Umthengi kangathokozi, lothengisayo angazisoli, ngoba ulaka lwehlela phezu kwabo bonke.

UHezekhiyeli 7:6

Ukuphela sekufikile, ukuphela sekufikile, sekulehlele; nanko, kuyeza.

UHezekhiyeli 7:9

Kangiyikuliyekela, kangiyikulihawukela, kodwa ngizalitshaya ngenxa yezenzo zenu langamanyala enu asesephakathi kwenu. Ng’khona lizakwazi ukuba ngiyiNkosi etshayayo.

UDanyeli 4:37

Ngalokhoke mina Nebukadineza ngiyayibonga ngiyiphakamise ngiyidumise iNkosi yaphezulu; ngoba yonke imisebenzi yayo ilungile, lendlela zayo zinhle. Labo abazigqajayo uyabathobisa.

UJoweli 1:15

Maye ngalolosuku! Ngoba usuku lweNkosi luseduze, luzafika njengokuchitheka okulethwa nguSomandla.

AmaNani 17:8

Kusisa uMose wangena ethenteni lobufakazi, wabona ukuthi induku kaAroni eyesizwe sikaLevi isihlumile, ikhuphile amahlumela, ivezile amaluba, ithele izithelo.

1 AbaseThesalonika 5:3

Nxa besithi: Ukuthula lokuhlala kuhle; kung’khona ukubhujiswa kuzakubajuma njengomhelo ufikela owesifazana okhulelweyo, kabasoze baphunyuke.

UJakhobe 4:6

Kodwa uNkulunkulu uyengezelela umusa. Ngakhoke kuthiwa: UNkulunkulu umelana labazigqajayo, kodwa abazithobileyo uyabapha umusa.