UHezekhiyeli 6:9 - iBhayibhili Elingcwele 1978

⁹ Abaseleyo bakini bazangikhumbula phakathi kwezizwe abathunjelwe kizo; bazakhumbula ukudabuka kwami ngenxa yenhliziyo zabo ezasuka kimi ngenxa yobubi langenxa yamehlo abo ayelandele izithombe. Ng’khona bazanengwa yibo bonke ububi ababenzileyo langamanyala abo wonke.

IBhayibhili Elingcwele LesiNdebele

⁹ Lapho-ke, ezizweni abathunjelwa kuzo, labo abaphunyukayo bazangikhumbula ukuthi ngadabuka njani ngenxa yezinhliziyo zabo ezilobufebe, esezasukayo kimi, langamehlo abo akhanuka izithombe zabo. Bazazenyanya bona ngokwabo ngenxa yobubi ababenzileyo langenxa yezenzo zonke ezenyanyekayo.”

UHezekhiyeli 6:9 Mawu Ofanana

2 AmaKhosi 16:10

Kwathi lapho inkosi uAhazi esiya eDamaseko ukuhlangana loTigilathi‐Pileseri inkosi yaseAsiriya, wabona ialtare elaliseDamaseko. Wasethumela kuUriya umpristi isimo salo lomfanekiso walo njengokwenziwa kwalo konke.

UJobe 42:6

Ngakhoke sengizisola, ngiyaphenduka ngihlale othulini lasemlotheni.

AmaHubo 137:1

Ngasemifuleni yaseBabiloni sahlala phansi sakhala, lapho sikhumbula iZiyone.

AmaHubo 78:40

Kwaba kanengi kangakanani bephambana laye enkangala, bemdabukisa enkangala.

U-Isaya 43:24

Kawungithengelanga impepha, kawungisuthisanga ngamahwahwa emihlatshelo yakho. Kodwa ungikhathazile ngezono zakho, wangidinisa ngeziphambeko zakho.

U-Isaya 63:10

Kodwa bayivukela, badabukisa umoya wayo ongcwele; yaphenduka yaba yisitha sabo, yalwa labo.

U-Isaya 64:6

Sonke sesinjengomuntu ongcolileyo, lezenzo zethu ezilungileyo zinjengengubo engeolileyo. Sonke siyabuna njengehlamvu, lobubi bethu buyasiphephula njengomoya.

U-Isaya 7:13

UIsaya wathi: Zwana, wena ndlu kaDavida; kuyinto encinyane kuwe yini ukuba udinise abantu; uzabuya udinise loNkulunkulu wami futhi na?

UJeremiya 3:13

Vuma kuphela icala lakho ukuthi uyihlamukele iNkosi uNkulunkulu wakho, wakhonza onkulunkulu bezizweni ngaphansi kwazo zonke izihlahla eziluhlaza, lokuthi kawulalelanga ilizwi lami, kutsho iNkosi.

UJeremiya 3:6

INkosi yathi kimi ensukwini zenkosi uJosiya: Ubonile okwenziwe nguIsrayeli ongathembekanga na? Ukhwelile kuzo zonke intaba, langaphansi kwezihlahla zonke eziluhlaza uphingile khona.

UJeremiya 51:50

Lina eliphephileyo ekufeni, hambani, lingemi. Khumbulani iNkosi lisekhatshana, leJerusalema libe semkhumbulweni wenu.

UHezekhiyeli 12:16

Kodwa ngizatshiya abayingcosana baphephe empini lasendlaleni lasesifeni, ukuba bafakaze ngawo wonke amanyala abo phakathi kwezizwe abazahamba kuzo, ukuba zazi ukuba ngiyiNkosi.

UHezekhiyeli 16:43

Ngoba ungakhumbulanga insuku zobutsha bakho, kodwa ungithukuthelisile ngazo zonke lezizinto, ngizaphindisela izenzo zakho phezu kwakho, kutsho iNkosi uNkulunkulu. Kawuzenzanga lezizinengiso kanye lawo wonke amanye amanyala akho na?

UHezekhiyeli 16:61

Ng’khona uzakhumbula indlela zakho, ube lenhloni lapho sengithatha odadewenu, omdala kanye lomncinyane, ngikunike babe ngamadodakazi akho, kodwa kungabi ngenxa yesivumelwano sami lawe.

UHezekhiyeli 16:63

Uzakhumbula, uyangeke, ungaphindi ukuvula umlomo wakho futhi ngenxa yehlazo lakho, nxa sengikuthethelela konke lokho okwenzileyo, kutsho iNkosi uNkulunkulu.

UHezekhiyeli 20:24

ngoba bengayenzanga imithetho yami, bezalile izimiso zami, bangcolisa amaSabatha ami, bathanda ukukhonza izithombe zokhokho babo.

UHezekhiyeli 20:28

Ngoba ngathi sengibalethile elizweni engangifunge ukubanika lona, kwathi lapho bebona intaba eziphakemeyo lezihlahla ezilamahlamvu amanengi, banikela imihlatshelo yabo lapho, kanye leminikelo eyangithukuthelisayo: banikela lapho iminikelo elephunga elihle, leminikelo yokuthululwa.

UHezekhiyeli 20:43

Laphoke lizakhumbula indlela zenu lezenzo zenu zonke elazingcolisa ngazo; lizazizonda ngenxa yazo zonke izinto ezimbi elazenzayo.

UHezekhiyeli 20:7

Ngathi kibo: Lahlani izinto ezenyanyekayo elizibukayo lina lonke, lingazigcolisi ngezithombe zaseGibithe. NgiyiNkosi uNkulunkulu wenu.

UHezekhiyeli 23:30

Amanyala akho lokuwula kwakho kukwehlisele lokho, ngoba uwulile lezizwe, wazingcolisa ngezithombe zazo.

UHezekhiyeli 5:13

Kuzaphelake ukuthukuthela kwami, nganelise ukufutheka kwami ngabo, bazakwazi ukuba mina, Nkosi, ngikhulumile ngomona wami lapho sengiphelelise ukufutheka kwami kibo.

UHezekhiyeli 6:10

Bazakwazi ukuba mina ngiyiNkosi. Kangikhulumanga ize nxa ngisithi ngizakwenza lokho okubi kibo.

UHezekhiyeli 7:16

Uba kukhona ababalekela ezintabeni bazakuba njengamajuba avela esihotsheni; bakhale bonke bekhalela ububi babo.

UHosiya 11:8

Ngizakukulahla kanjani, Efrayimi? Ngizakukunikela kanjani, Israyeli? Ngizakukwenza kanjani ube njengeAdima? Ngizakukuphatha kanjani njengeZeboyimi na? Inhliziyo iyala phakathi kwami, lesihawu sami siyaqubuka.

uAmosi 2:13

Khangelani, ngizalinyathela endaweni yenu njengenqola egcwele izithungo inyathela umuntu.

UMikha 5:13

ngibulale izithombe zenu, ngaphule insika zenu zokukhonzela phakathi kwenu; kalisayikuphinda likhothamele umsebenzi wezandla zenu,

UZakhariya 10:9

Lanxa ngibachithachithe phakathi kwezizwe, kanti lemazweni akhatshana bazangikhumbula, bazakondla abantwana babo babuye.

AmaNani 15:39

Kuzakuthi lapho likukhangela lokhu, likhumbule yonke imilayo yeNkosi, liyenze, lingalandeli lokho inhliziyo zenu ezikufisayo lamehlo enu akubonayo, okulamandla okuliduhisa.

2 UPhethro 2:14

Balamehlo akhangele ubufebe langayekeli ukukhangela isono; bayenga ababuthakathaka; balenhliziyo ezejwayele ubuhwaba; bangabantwana abaqalekisiweyo;