UHezekhiyeli 6:6 - iBhayibhili Elingcwele 1978

⁶ Kuzo zonke indawo lapho lihlala khona imizi yenu izachitheka, lendawo zenu eziphakemeyo zokukhonzela zivalwe, lama‐altare enu adilike aphele nya, lezithombe zenu zibulawe ziphele, lama‐altare enu okutshisela impepha adilizwe, lemisebenzi yenu ibhidlizwe.

IBhayibhili Elingcwele LesiNdebele

⁶ Loba kungaphi elihlala khona amadolobho akhona azadilizwa lezindawo eziphakemeyo zidilizwe, ukuze ama-alithare enu achithwe abhuqwe, kuthi izithombe zenu ziphahlazwe ziqothulwe, ama-alithare enu empepha adilizwe, kuthi elikwenzileyo kutshabalaliswe.

UHezekhiyeli 6:6 Mawu Ofanana

1 AmaKhosi 14:23

Ngoba labo bazakhela indawo eziphakemeyo zokukhonzela, lensika zokukhonzela, lezinsika zikankulunkulukazi uAshera phezu kwawo wonke amaqaqa aphakemeyo, langaphansi kwazo zonke izihlahla eziluhlaza.

AmaHubo 115:8

Abazenzayo bafana lazo, kanye labo bonke abathemba kuzo.

U-Isaya 1:31

Abalamandla bazakuba njengezibi, lemisebenzi yabo ibe njengenhlansi; kuzakutsha konke kanyekanye kungabi khona okucimayo.

U-Isaya 2:18

Izithombe zizaphela zithi nya.

U-Isaya 2:20

Ngalolosuku abantu bazakulahlela emagundwaneni lakubolulwane izithombe zabo zesiliva lezegolide abazenzela zona ukuba bakhuleke kuzo,

U-Isaya 27:9

Ngalokhu uJakobe uzathethelelwa okubi kwakhe; lokhu kuzakuba yisibonakaliso sokususwa kwesono sakhe, lapho esenza ukuba wonke amatshe ealtare avuthuzeke njengekalaga, kungabe kusamiswa insika ezimiselwe unkulunkulukazi uAshera lama‐altare empepha.

U-Isaya 6:11

Ngasengisithi: Kuze kube nini, Nkosi, na? Yona yathi: Kuze kuchitheke imizi, kusale kungaselamuntu kiyo, lezindlu zisale zingaselabantu, lelizwe lichitheke lithi nya,

U-Isaya 64:10

Imizi yakho engcwele isiphenduke yaba yinkangala, iZiyone seliphenduke laba yinkangala, iJerusalema selichithekile.

UJeremiya 10:22

Kulamahungahunga okuthi kukhona ukuzamazama okukhulu okusuka elizweni lasenyakatho, okuzakwenza yonke imizi yakoJuda ibe yinkangala lendawo yamakhanka.

UJeremiya 17:3

laphezu kwezintaba eziselizweni. Imfuyo yenu layo yonke inotho yenu ngizayinikela ibe yimpango yokuhlawulela izono zenu kulo lonke ilizwe lakini.

UJeremiya 2:15

Izilwane sezimbhongele, zakhonya kakhulu. Zenza ilizwe lakhe laba yinkangala, lemizi yakhe ingamanxiwa, kayiselamuntu.

UJeremiya 34:22

Khangelani, ngizakulaya, kutsho iNkosi, ngibabuyise kulumuzi; bazakulwa lawo, bawuthumbe, bawutshise ngomlilo, ngichithe imizi yakoJuda ibe yinkangala engelamuntu.

UJeremiya 51:18

Ziyize nje, zingumsebenzi wenkohliso, ngesikhathi sokutshaywa kwazo zizabhubha.

UJeremiya 9:10

Ngizakhala ngililele izintaba, lamadlelo asenkangala, ngoba kuchithiwe, kakusekho ohamba khona, kakusezwakali ukukhala kwezinkomo, inyoni zaphezulu lenyamazana zibalekile zahamba.

UJeremiya 9:11

Ngizalenza iJerusalema libe lunxiwa oludilikileyo lendawo yamakhanka, ngenze imizi yakoJuda ibe yinkangala engelamuntu.

UJeremiya 9:19

Ngoba ilizwi lokukhala liyezwakala liphuma eZiyone lisithi: Yeka ukuchitheka kwethu! Silenhloni kakhulu, ngoba silitshiyile ilizwe, ngoba babhidlizile izindlu zethu.

UHezekhiyeli 12:19

uthi ebantwini belizwe: INkosi uNkulunkulu ithi ngabakhileyo eJerusalema abasekhona elizweni lakoIsrayeli: Bazakudla ukudla kwabo besesaba, banathe amanzi beqhaqhazela, ngoba ilizwe labo lizaphundlwa konke elilakho ngenxa yesihluku salabo abahlala kilo.

UHezekhiyeli 16:39

Ngizakukunikela ezandleni zezithandwa zakho, zizadiliza ithala lakho, zibhidlize indawo zakho eziphakemeyo, zikuhlubule izambatho zakho, zikuthathele iziceco zakho ezinhle, zikutshiye unqunu.

UHezekhiyeli 30:13

INkosi uNkulunkulu ithi: Ngizakuchitha izithombe, ngiqede onkulunkulu bamanga eMemfisi; kungabe kusaba khona isikhulu elizweni laseGibithe, ngilethe ukwesaba eGibithe.

UHezekhiyeli 35:4

Ngizachitha imizi yakho, uzakuba yinkangala; uzakwazi ukuba ngiyiNkosi.

UHezekhiyeli 5:14

Futhi ngizalichitha, ngilenze libe lihlazo phakathi kwezizwe eziliphahlileyo lakubo bonke abadlulayo.

UHezekhiyeli 6:4

Ama‐altare enu azadilizwa, kubulawe lama‐altare okutshisela impepha; lababuleweyo bakini ngibaphosele phambi kwezithombe zenu.

UHezekhiyeli 6:7

Nxa abantu bebulawa phakathi kwenu, lizakwazi ukuba ngiyiNkosi.

UHosiya 10:2

Inhliziyo yabo ikhohlakele, khathesi sebezakuthwala icala labo. INkosi izabhidliza ama‐altare abo, idilize lensika zabo ezingcwele.

UHosiya 10:8

Indawo eziphakemeyo zokukhonzela ezilize eziyisono sikaIsrayeli zizachithwa; ameva lokhula kuzamila emaaltareni abo. Bazakuthi ezintabeni: Sisibekeleni; bathi lasemaqaqeni: Welani phezu kwethu.

ULevi 26:30

Ngizakuvala indawo zenu eziphakemeyo zokukhonzela, ngidilize ama‐altare enu empepha, ngiphosele izidumbu zenu phezu kwezidumbu zezithombe zenu, nginengwe yini.

ULevi 26:31

Ngizakwenza imizi yenu ibe ngamanxiwa, ngidilize izindlu zenu ezingcwele; kangiyikwamukela iphunga elimnandi leminikelo yenu.

UMikha 1:7

Zonke izithombe zalo zizakuphahlazwa, lawo wonke amahlawulo alo okuwula azatshiswa ngomlilo, lezithombe zonke zalo zibulawe; ngoba lizizuze ngamahlawulo amawule, zizabuyiselwa emahlawulweni okuwula.

UMikha 3:12

Ngakhoke ngenxa yenu iZiyone lizalinywa njengensimu, leJerusalema libe lunxiwa oludilikileyo, lentaba yethempeli iphenduke ibe lihlathi.

UMikha 5:13

ngibulale izithombe zenu, ngaphule insika zenu zokukhonzela phakathi kwenu; kalisayikuphinda likhothamele umsebenzi wezandla zenu,

UHabhakhukhi 2:18

Sisizani isithombe esibaziweyo, lokhu umenzi waso esibazile na? Siyinto ebunjiweyo eqamba amanga. Kusizani ukuba umenzi waso athembe kiso, lokuba enze isithombe esingakhulumiyo na?

UZefaniya 1:18

Isiliva sabo legolide labo kakuyikuba lamandla okubakhulula ngosuku lolaka lweNkosi. Wonke umhlaba uzakuqedwa ngumlilo wolaka lwayo lomona wayo; ngoba izakuqeda, yebo izabajuma ibaqede bonke abakhileyo elizweni.

UZakhariya 13:2

Kuzakuthi ngalolosuku, kutsho iNkosi yamabandla, ngiqede amabizo ezithombe elizweni, zingabe zisakhunjulwa futhi; ngizaqeda labaprofethi lomoya ongcolileyo.

1 USamuyeli 5:4

Kodwa lapho bevuka kusasa ekuseni uDagoni wayesewele phansi futhi ngobuso phambi komtshokotsho weNkosi, ikhanda likaDagoni kanye lezandla zakhe zombili kwakuqamukile kusembundwini womnyango, kwasala umzimba wakhe kuphela.