UHezekhiyeli 5:2 - iBhayibhili Elingcwele 1978

² Ingxenye yesithathu uzayitshisa ngomlilo phakathi komuzi lapho insuku zokuvimbezela seziphelile. Enye ingxenye yesithathu uyithathe, uyiqumaqumele endaweni zonke zomuzi ngomhedla; lenye ingxenye yesithathu uyichithachithe emoyeni, ngizayilandela ngiphethe umhedla.

IBhayibhili Elingcwele LesiNdebele

² Lapho insuku zokuvinjezelwa kwenu seziphelile, tshisa ingxenye yesithathu yezinwele ngomlilo phakathi kwedolobho. Thatha ingxenye yesithathu uyigwaze ngenkemba ubhoda lonke idolobho, uhlakazele ingxenye yesithathu emoyeni. Ngoba ngizabalandela ngiphethe inkemba ekhokhiweyo.

UHezekhiyeli 5:2 Mawu Ofanana

UJeremiya 13:24

Ngizalichithachitha njengamakhoba aphetshulwe ngumoya ovela enkangala.

UJeremiya 15:2

Lapho bekubuza besithi: Sizakuya ngaphi? uzakuthi kibo: INkosi ithi: Abokufa baya ekufeni, abomkhonto baya emkhontweni, abendlala baya endlaleni, labokuthunjwa baya ekuthunjweni.

UJeremiya 24:10

Ngizabehlisela impi lendlala lomkhuhlane, baze babhubhe baphele elizweni engibanika lona lokhokho babo.

UJeremiya 38:2

INkosi ithi: Osala kulumuzi uzabulawa yimpi layindlala langumkhuhlane; kodwa ophuma aye kumaKaladiya uzasila, aphunyuke.

UJeremiya 39:1

Ngomnyaka wesificamunwemunye wokubusa kukaZedekiya inkosi yakoJuda, ngenyanga yetshumi, uNebukadineza inkosi yaseBabiloni lempi yakhe yonke bafika balivimbezela iJerusalema.

UJeremiya 39:2

Ngomnyaka wetshumi lanye wokubusa kukaZedekiya, ngosuku lwesificamunwemunye lwenyanga yesine, umuzi wafohlelwa.

UJeremiya 9:15

Ngakhoke iNkosi yamabandla, uNkulunkulu kaIsrayeli, ithi: Ngizabanika lababantu umhlonyane ukuba bawudle, banathe amanzi abulalayo.

UJeremiya 9:16

Ngizabachithela ezizweni abangazanga bazazi bona labokhokho babo, ngibalandisele ngempi, ngize ngibaqede.

UHezekhiyeli 12:14

Ngizabachithachithela emimoyeni yonke wonke amanxusa aso, labasizi baso lazo zonke izimpi zaso, ngibalandele ukubabulala.

UHezekhiyeli 17:21

Wonke amaqhawe empi yakhe azabulawa empini, abaseleyo bachithachithelwe emimoyeni yonke. Lizakwazi ukuthi mina Nkosi ngikhulumile.

UHezekhiyeli 5:10

Ngakho oyise bazakudla abantwana babo phakathi kwenu, labantwana badle oyise. Ngizakulijezisa, labo abaseleyo ngizabachithachithela emimoyeni yonke.

UHezekhiyeli 5:12

Ingxenye yesithathu yenu izabulawa yisifo, iqedwe yindlala phakathi kwenu; ingxenye yesithathu izabulawa yimikhonto endaweni zonke zenu; lengxenye yesithathu ngiyichithachithele emimoyeni yonke, ngiyilandele ngiphethe umkhonto.

UHezekhiyeli 5:3

Uzathatha inwele eziyingcosana, uzigoqele ngomphetho wengubo yakho.

ULevi 26:33

Ngizakulihlakazela ezizweni, ngihwatshe umhedla ngilixotshe; ilizwe lakini lizakuba yincithakalo, lemizi yenu ichitheke.

uAmosi 9:4

loba bethunjwa yizitha zabo, lalapho ngizathumela impi ukuba ibabulale; ngizabehlisela okubi ngingabehliseli okuhle.

UZakhariya 13:8

Kuzakuthi kulo lonke ilizwe kubulawe ebantwini ingxenye ezimbili kwezintathu, kutsho iNkosi.