UHezekhiyeli 5:16 - iBhayibhili Elingcwele 1978

¹⁶ Lapha ngilitshoka ngemitshoko ebulalayo yendlala, imitshoko yokubhubhisa, ngizakuyitshokela ukulibhubhisa ngayo, ngizalilethela indlala nginciphise ukudla kwenu kwensuku zonke.

IBhayibhili Elingcwele LesiNdebele

¹⁶ Lapho ngikutshoka ngemitshoko yami ebhubhisayo, langemitshoko echithayo yendlala, ngizatshoka ukuba ngikutshabalalise. Ngizakwandisela indlala ngivale ukulethwa kokudla kwakho.

UHezekhiyeli 5:16 Mawu Ofanana

2 AmaKhosi 6:25

Kwaba khona indlala enkulu eSamariya ngesikhathi sokuvinjezelwa kwalo; ikhanda likababhemi lathengiswa ngamashekeli esiliva angamatshumi aficaminwembili, legajana lombhida othile ngamashekeli amahlanu esiliva.

AmaHubo 7:13

usezilungisile izikhali zakhe zokubulala, wayenza imitshoko yakhe itshise njengomlilo.

U-Isaya 3:1

Khangela, iNkosi uNkulunkulu wamabandla iyasusa eJerusalema lakoJuda konke okusizayo, konke ukudla lawo wonke amanzi,

UJeremiya 52:6

Ngosuku lwesificamunwemunye lwenyanga yesine indlala yaba nkulu phakathi komuzi, kwasweleka ukudla kwabantu elizweni.

Izililo 3:12

Igobisile idandili layo, yangibeka ngaba yinto yokunenjwa ngomtshoko wayo.

UHezekhiyeli 14:13

Ndoda, lapho ilizwe lisona kimi ngokwenza okubi, mina ngizaphakamisela isandla sami kulo, nginciphise ukudla kwalo kwensuku zonke, ngilehlisele indlala, ngiqede kulo abantu lezinyamazana.

UHezekhiyeli 4:16

Yathi futhi kimi: Ndoda, ngizanciphisa ukudla kwabo kwensuku zonke eJerusalema; abantu bazalinganisa ukudla abakudlayo benqineka, balinganise lamanzi abawanathayo benqineka.

UHezekhiyeli 5:15

Lizakuba lihlazo lenhlekisa lesixwayiso lento eyesabekayo ezizweni eziliphahlileyo nxa ngilijezisa ngokuthukuthela langokufutheka, ngilitshaya ngokubuhlungu; mina Nkosi ngikhulumile.

UHezekhiyeli 5:17

Ngizalithumela indlala lezilo zeganga, zibulale abantwana benu; isifo legazi kudabule phakathi kwenu; ngililethele impi. Mina Nkosi ngikhulumile.

ULevi 26:26

Lapho nginciphisa ukudla kwenu, abesifazana abalitshumi bazapheka izinkwa zenu eziko linye, balinike izinkwa ngobunzima bazo; lizakudla, kodwa lingasuthi.