UHezekhiyeli 5:10 - iBhayibhili Elingcwele 1978

¹⁰ Ngakho oyise bazakudla abantwana babo phakathi kwenu, labantwana badle oyise. Ngizakulijezisa, labo abaseleyo ngizabachithachithela emimoyeni yonke.

IBhayibhili Elingcwele LesiNdebele

¹⁰ Ngakho phakathi kwenu oyise bazakudla abantwana babo, labantwana bazakudla oyise. Ngizabeka isijeziso phezu kwakho kuthi bonke abasindileyo bakho ngibahlakazele emoyeni.

UHezekhiyeli 5:10 Mawu Ofanana

2 AmaKhosi 6:29

Sasesimpheka umntanami, samudla. Ngosuku olulandelayo ngasengisithi kuye: Letha umntanakho ukuba simudle. Kodwa yena wayesemfihlile umntanakhe.

UNehemiya 1:8

Khumbula ilizwi owalaya ngalo uMose inceku yakho usithi: Uba lingathembekanga, ngizalichithachithela ezizweni;

AmaHubo 44:11

Usenza sibe njengezimvu zokuhlatshwa, wasichithachitha phakathi kwezizwe.

U-Isaya 49:26

Ngizakwenza abacindezeli bakho badle eyabo inyama, badakwe ngelabo igazi kungathi badakwe liwayini. Ng’khona bonke abantu bazakwazi ukuthi mina ngiyiNkosi, loMsilisi wakho, loMhlengi wakho, uMninimandla kaJakobe.

U-Isaya 9:20

Bayahluthuna ngakwesokunene, kodwa babe belokhu belambile, badle ngakwesokhohlo, kodwa kabasuthi; lowo lalowo udla abantwana bakhe,

UJeremiya 13:14

Ngizakubatshayanisa, oyise lamadodana ndawonye, kutsho iNkosi. Kangiyikubahawukela, kangiyikubaxolela, ngibe lesihawu sokuba ngingababulali.

UJeremiya 19:9

Ngizakubenza badle inyama yamadodana leyamadodakazi abo; bonke bazakudla inyama yabomakhelwana babo ngesikhathi sokuvinjezelwa lesokuhlupheka okuzalethwa yizitha zabo lalabo ababazingelayo.

UJeremiya 44:12

Ngizathatha abaseleyo koJuda abafise ukuzahlala eGibithe, bazabhubha bonke, babulawe yimpi layindlala elizweni laseGibithe, baphele bonke abancinyane labakhulu, babe yinto eyenyanyekayo, into eyesabekayo, leyokuthukwa, leyokuhlekwa.

UJeremiya 49:32

Amakamela aso azakuba yimpango, lemihlambi yaso yenkomo izaphangwa. Ngizabachithachitha bonke abagela inwele zabo emaceleni, ngibehlisele inkathazo evela inxa zonke, kutsho iNkosi.

UJeremiya 49:36

ngehlisele phezu kweElamu imimoya emine evela engonsini ezine zaphezulu, ngibahlakazele abaseElamu kuyo yonke leyomimoya; kakuyikuba khona isizwe lesisodwa abangeyikuxotshelwa kuso abaseElamu.

UJeremiya 50:17

UIsrayeli uyimvu ezingelwayo, exotshwa yizilwane. Kuqala wadliwa yinkosi yaseAsiriya, emva kwalokho uNebukadineza inkosi yaseBabiloni uqhobile amathambo akhe.

UJeremiya 9:16

Ngizabachithela ezizweni abangazanga bazazi bona labokhokho babo, ngibalandisele ngempi, ngize ngibaqede.

Izililo 2:20

Ake ukhangele, Nkosi, ubone. Ngubani owake wamphatha ngokunje na? Abesifazana bazakudla inzalo yabo yini, abantwana babo ababazeleyo na? Umpristi lomprofethi bazabulawa endlini engcwele yeNkosi na?

Izililo 4:10

Izandla zabesifazana abalesihawu zapheka abantwana babo, baba yikudla kwabo ekubhujisweni kwabantu bami.

Izililo 4:16

INkosi uqobo ibahlakazile, kayisayikubananza. Abapristi kabasahlonitshwanga, labadala kabasenzelwanga umusa.

Izililo 4:3

Lamakhanka ayehlisa, amunyise imidlwane yawo, kodwa abantu bami sebelesihluku njengezintshe zasenkangala.

UHezekhiyeli 12:14

Ngizabachithachithela emimoyeni yonke wonke amanxusa aso, labasizi baso lazo zonke izimpi zaso, ngibalandele ukubabulala.

UHezekhiyeli 12:15

Bazakwazi ukuba ngiyiNkosi nxa sengibahlakazele ezizweni zonke, ngabachithachithela emazweni.

UHezekhiyeli 17:21

Wonke amaqhawe empi yakhe azabulawa empini, abaseleyo bachithachithelwe emimoyeni yonke. Lizakwazi ukuthi mina Nkosi ngikhulumile.

UHezekhiyeli 20:23

Ngafunga kibo futhi enkangala ukuthi ngizabachithachitha phakathi kwezizwe, ngibahlakazele emazweni wonke,

UHezekhiyeli 22:15

Ngizakukuchithachitha phakathi kwezizwe, ngikuhlakazele emazweni, ngiqede ukungcola kwakho konke kuwe.

UHezekhiyeli 36:19

Ngabachithachitha phakathi kwezizwe, bahlakazekela emazweni wonke; ngabathonisisa ngokufanele ukuziphatha kwabo lezenzo zabo.

UHezekhiyeli 5:12

Ingxenye yesithathu yenu izabulawa yisifo, iqedwe yindlala phakathi kwenu; ingxenye yesithathu izabulawa yimikhonto endaweni zonke zenu; lengxenye yesithathu ngiyichithachithele emimoyeni yonke, ngiyilandele ngiphethe umkhonto.

UHezekhiyeli 5:2

Ingxenye yesithathu uzayitshisa ngomlilo phakathi komuzi lapho insuku zokuvimbezela seziphelile. Enye ingxenye yesithathu uyithathe, uyiqumaqumele endaweni zonke zomuzi ngomhedla; lenye ingxenye yesithathu uyichithachithe emoyeni, ngizayilandela ngiphethe umhedla.

UHezekhiyeli 6:8

Kanti ngizayekela abanye benu baphephe bahlakazeke phakathi kwezizwe.

UDanyeli 9:7

Kukhona ukulunga kuwe, Nkosi, kodwa kithi kukhona ihlazo njengalamhlanje ebantwini bakoJuda, labakhileyo eJerusalema, lakuIsrayeli wonke, kubo abaseduze labakhatshana, emazweni wonke obaxotshele kiwo ngenxa yenkohliso abayenze kuwe.

ULevi 26:29

Lizakudla imizimba yamadodana enu leyamadodakazi enu.

ULevi 26:33

Ngizakulihlakazela ezizweni, ngihwatshe umhedla ngilixotshe; ilizwe lakini lizakuba yincithakalo, lemizi yenu ichitheke.

uAmosi 9:9

Ngoba ngizakulaya ukuba uIsrayeli ahlungulwe phakathi kwazo zonke izizwe njengokuhlungulwa kwamabele ngokhomane, kodwa kakuyikuwela phansi lolulodwa uhlamvu.

UZakhariya 2:6

Heyi! Balekani elizweni lasenyakatho, kutsho iNkosi; ngilihlakazele emazweni wonke njengemimoya yomine yaphezulu.

UZakhariya 7:14

Ngabachithachitha phakathi kwezizwe zonke ababekade bengazazi. Ngakho ilizwe abalitshiyayo lachitheka, kakusadabulanga muntu kulo, lelizwe elihle laba yinkangala.

ULukha 21:24

Bazakuwa bedliwa ngumkhonto, bathunjelwe ezizweni zonke; leJerusalema linyathelwe phansi ngabezizwe, kuze kugcwaliseke izikhathi zabezizwe.

UDutheronomi 28:64

INkosi izakulihlakazela phakathi kwabantu bonke, kusukela komunye umkhawulo womhlaba kuze kube komunye, likhonze lapho abanye onkulunkulu abenziwe ngesigodo langelitshe, elingabaziyo lina labokhokho benu.

UDutheronomi 32:26

Bengizakuthi: Ngizabachitha isibili, ngiqede ukukhunjulwa kwabo phakathi kwabantu;

UDutheronomi 4:27

INkosi izalichithachitha phakathi kwabantu, lisale liyingcosana nje phakathi kwezizwe iNkosi ezakulixotshela kuzo.