UHezekhiyeli 47:9 - iBhayibhili Elingcwele 1978

⁹ Lapho umfula udlula khona zonke izidalwa eziphilayo ezigcwele umhlaba zizaphila; kuzakuba khona inhlanzi ezinengi kakhulu, ngoba lamanzi eza lapho ukuba amanye enziwe abe mahle; lapho egeleza khona konke kuzakuphila.

IBhayibhili Elingcwele LesiNdebele

⁹ Uquqaba lwezidalwa eziphilayo luzahlala loba kungaphi lapho umfula ogelezela khona. Kuzakuba lenhlanzi ezinengi kakhulu, ngoba amanzi la agelezela khona njalo enza amanzi aletswayi abe mahle; ngakho lapho umfula ogelezela khona izinto zonke zizaphila.

UHezekhiyeli 47:9 Mawu Ofanana

AmaHubo 103:3

yona ethethelela zonke izono zami, eyelapha zonke izifo zami,

AmaHubo 78:16

Wenza imifula yagobhoza edwaleni, lamanzi ageleza njengemifula.

U-Eksodasi 15:26

yathi: Uba lilalela ilizwi leNkosi uNkulunkulu wenu ngenhliziyo yenu yonke, lenze okulungileyo emehlweni ayo, lilalele imilayo yayo, ligcine zonke izimiso zayo, kangiyikwehlisela phezu kwenu lasinye sezifo engazehlisela phezu kwamaGibithe; ngoba ngiyiNkosi eliphilisayo.

U-Isaya 12:3

Ngokuthokoza uzakukha amanzi emithonjeni yokukhululwa.

U-Isaya 30:26

Futhi ukukhanya kwenyanga kuzakuba njengokukhanya kwelanga, lokukhanya kwelanga kuphindwe kasikhombisa, kube ngangokukhanya kwensuku eziyisikhombisa, mhla iNkosi ibopha amanxeba abantu bayo, ipholisa izilonda zemivimvinya yabo.

U-Isaya 49:12

Nampaya bayeza, bevela khatshana, abanye bavela enyakatho labanye entshonalanga, labanye elizweni laseSivene.

U-Isaya 55:1

INkosi ithi: We lina lonke elomileyo, wozani kukha amanzi, laye ongelamali keze, athenge ukudla, adle. Wozani lithenge iwayini lochago okungabizi mali.

UZakhariya 2:11

Izizwe ezinengi zizazihlanganisa leNkosi ngalolosuku, zibe ngabantu bayo. Izahlala phakathi kwakho, uzakwazi ukuba iNkosi yamabandla ingithumile kuwe.

UJohane 14:19

Ngesikhatshana umhlaba kawusayikungibona, kodwa lina lizangibona; ngoba ngiyaphila, lani lizakuphila.

UJohane 14:6

UJesu wathi kuye: Yimi indlela, leqiniso lokuphila; kakho oza kuBaba engezi ngami.

UJohane 3:16

Ngoba uNkulunkulu wawuthanda umhlaba kangaka, waze wanikela ngeNdodana yakhe ezelwe yodwa ukuba ilowo lalowo okholwa kiyo angabhubhi, kodwa abe lokuphila okungapheliyo.

UJohane 4:14

kodwa lowo onatha amanzi engizakumnika wona kasayikoma; amanzi engizakumnika wona azakuba ngumthombo ogobhozayo phakathi kwakhe, kube yikuphila okungapheliyo.

UJohane 5:25

Ngiqinisile, ngiqinisile ngithi kini: Isikhathi siyeza, njalo sesikhona, lapho abafileyo bazakulizwa ilizwi leNdodana kaNkulunkulu; labo abezwayo bazakuphila.

UJohane 6:63

Kungumoya onika ukuphila, inyama kayisizi lutho; amazwi esengiwakhulume kini angumoya, ayikuphila.

Imisebenzi 2:41

Ngakho abalamukelayo ilizwi lakhe babhaphathizwa, kwengezelelwa ngalolosuku abantu abangaba zinkulungwane ezintathu.

Imisebenzi 2:47

bedumisa uNkulunkulu, bethandeka ebantwini bonke. INkosi yengezelela kubo insuku ngensuku labo abasiliswayo.

Imisebenzi 21:20

Sebekuzwile lokhu bamdumisa uNkulunkulu, bathi kuye: Uyabona, mzalwane, ukuthi zinengi kangakanani izigidi zabakholwayo phakathi kwabaJuda, futhi bonke batshisekela umlayo;

Imisebenzi 4:4

Kodwa abanengi abalizwayo ilizwi bakholwa; ubunengi bamadoda babungaba zinkulungwane ezinhlanu.

Imisebenzi 5:14

Kwengezelelwa kakhulu abakholwayo eNkosini, abanengi abesilisa labesifazana,

Imisebenzi 6:7

Ilizwi likaNkulunkulu landa, lobunengi babafundi bakhula kakhulu eJerusalema, labapristi abanengi bakholwa.

AbaseRoma 8:2

Ngoba kuKristu Jesu umlayo woMoya ophilisayo ungikhulule emlayweni wesono lowokufa.

1 AbaseKhorinte 15:45

Ngakho kulotshiwe ukuthi: Umuntu wokuqala uAdamu waba ngumuntu ophilayo; uAdamu wokucina waba ngumoya ophilisayo.