UHezekhiyeli 47:8 - iBhayibhili Elingcwele 1978

⁸ Wasesithi kimi: Lamanzi agelezela endaweni ezingasempumalanga, aze ehlele eAraba; nxa esengena emanzini emiyo olwandle, azakuba matsha.

IBhayibhili Elingcwele LesiNdebele

⁸ Wasesithi kimi, “Amanzi la agelezela esigabeni sempumalanga njalo ehlela phansi e-Arabha lapho angena khona ulwandle. Lapho esengene elwandle amanzi azakuba mahle.

UHezekhiyeli 47:8 Mawu Ofanana

U-Eksodasi 15:25

Wakhala eNkosini. INkosi yamtshengisa isihlahla; kwathi esesiphosele emanzini, amanzi aba mnandi. INkosi yabamisela khona isimiso lomthetho, yabalinga,

U-Isaya 35:1

Kuzakujabula inkangala logwadule, inkangala ithokoze, ikhahlele njengamaluba,

U-Isaya 35:6

abaqhulayo besebeseqa njengempala, lolimi lwezimungulu lumemeze ngokuthokoza. Ngoba amanzi azagobhoza enkangala, lemifula egeleze endaweni elugwadule;

U-Isaya 35:7

itshebetshebe elitshisayo libe lichibi, lomhlabathi owomileyo ugobhoze amanzi. Lapho kwakuhlala khona amakhanka kuzakuba lidlelo lemihlambi, lotshani bube yimihlanga lebhuma.

U-Isaya 43:20

Inyamazana zeganga zizangidumisa, amakhanka lezintshe; ngoba ngiveza amanzi enkangala, lemifula endaweni elugwadule, ukunathisa abantu bami abakhethiweyo,

U-Isaya 49:9

Ngizakuthi kwababotshiweyo: Phumani; lakwabasemnyameni: Phumelani obala. Bazakuba njengezimvu ezidla ngasezindleleni, lamadlelo abo abe semadundulwini wonke;

UJeremiya 31:9

Bazabuya bekhala, ngibaduduze ekubaholeni kwami, ngibalethe emifuleni yamanzi, ngendlela enhle abangayikukhubeka kuyo; ngoba nginguyise kuIsrayeli, uEfrayimi ulizibulo lami.

UMalaki 1:11

Ngoba kusukela ekuphumeni kwelanga kuze kube sekutshoneni kwalo, ibizo lami likhulu phakathi kwezizwe; endaweni zonke ibizo lami litshiselwa impepha, kunikelwe kilo iminikelo ehlambulukileyo; ngoba ibizo lami likhulu phakathi kwezizwe, kutsho iNkosi yamabandla.

UMatewu 13:15

ngoba inhliziyo yalesisizwe seyaba lukhuni, lendlebe zabo zizwa kalukhuni, lamehlo abo bawacimezile, funa babone ngamehlo abo, bezwe ngendlebe zabo, baqedisise ngenhliziyo zabo, baphenduke, ngibasilise.

UJohane 5:4

Ngoba isithunywa seNkosi sasisehlela echibini ngezikhathi ezithile, sizamazamise amanzi, kuthi lowo ongene kuqala emva kokuzanyazanyiswa kwamanzi asiliswe esifweni sakhe, loba elesifo sini.]

UDutheronomi 3:17

Ngabanika leAraba, umngcele walo waba yiJordani, kusukela eKinerethi kuze kufike olwandle lwase Araba, oluluLwandle lweTshwayi, ngaphansi kwamawa asePisiga ngasempumalanga.

UDutheronomi 4:49

kanye lalo lonke iAraba ngaphetsheya kweJordani ngasempumalanga, kuze kube solwandle lwaseAraba, ngaphansi kwamawa ePisiga.

UJoshuwa 3:16

amanzi avela ngaphezu komfula ema, abuthana aba yinqwaba okwebanga elide kwaze kwafika eAdama umuzi oseduze leZarethani; lalawo agelezela olwandle lwaseAraba, uLwandle lweTshwayi, aqamuka wonke; abantu bachapha maqondana leJeriko.